କଂଗେସ ଓ ବିଜେଡି ବିଧାୟକ ପାର୍ଥୀଙ୍କ ନାମକୁ ନେଇ ବଢୁଛି ଉକଣ୍ଠା

 ଆନନ୍ଦପୁର: ରାଜ୍ୟ ନିର୍ବାଚନ ଯେତିକି ପାଖେଇ ଆସୁଛି ରାଜନୈତିକ ଉଷ୍ମତା ସେତିକି ବଢ଼ି ଚାଲିଛି । ସେହିପରି ଶାସକ ଦଳ ବିଜେଡି ଘସିପୁରା ନିର୍ବାଚନ ମଣ୍ଡଳୀ ପାଇଁ ବରିଷ୍ଠ ଏବଂ ଅଭିଜ୍ଞ ପାର୍ଥô ବଦ୍ରୀନାରାୟଣ ପାତ୍ରଙ୍କ ନାମ ଘୋଷଣା କରିବା ଦିନରୁ ପଡୋଶୀ ଆନନ୍ଦପୁର ନିର୍ବାଚନ ମଣ୍ଡଳୀରୁ ବିଜେଡି କାହାକୁ ପ୍ରାର୍ଥୀ କରିବ ସେନେଇ ଉକôଣ୍ଠା ପ୍ରକାଶ ପାଇଛି । ବିଜେଡିରେ ଅନେକ ଆଶାୟୀ ଥିବାବେଳେ ସେମାନଙ୍କ ଦଳ ବର୍ତମାନର ବିଧାୟକ ଭାଗିରଥୀ ସେଠୀ ୨୦୧୯ ନିର୍ବାଚନରେ ୪୪ ହଜାର ଭୋଟରେ ଜୟଦେବଙ୍କୁ ପରାସ୍ତ କରିଥିଲେ । ସେହିପରି ପୂବର୍ତନ ବିଜେଡି ବିଧାୟକ ମାୟାଧର ଜେନା ମଧ୍ୟ ଜଣେ ଟାଣୁଆ ନେତା ସେ ମଧ୍ୟ ଟିକେଟ ଆଶାୟୀ । ଟିକେଟ ଆଶାରେ ଗତ କିଛିଦିନ ଧରି ଶ୍ରୀ ଜେନା ଭୁବନେଶ୍ୱରରେ ଡେରା ପକାଇଛନ୍ତି । ଅନ୍ୟପଟେ ଯୁବ ପ୍ରାର୍ଥୀ ରାଜନୀତିରେ ନୂଆ ବିଶ୍ୱନାଥ ପ୍ରତାପ ଜେନାଙ୍କୁ ନେଇ ଧୀରେ ଧୀରେ ଜନସାଧାରଣଙ୍କ ଭିତରେ ଉତ୍ସାହ ବଢୁଥିବା ଦେଖିବାକୁ ମିଳିଛି ।  ବିଶ୍ୱନାଥ ୨୦୧୭ ମସିହାରୁ ନିର୍ବାଚନ ମଣ୍ଡଳୀ ଅନ୍ତର୍ଗତ ବିଭିନ୍ନ ଗ୍ରାମ ଏବଂ ପଞ୍ଚାୟତରେ ନିଜର ସଂଗଠନକୁ ସୁଦୃଢ କରି ଆସୁଛନ୍ତି । ତାଙ୍କ ପ୍ରତି ଜନସାଧାରଣଙ୍କ ଏକ ପ୍ରକାର ସକାରାତ୍ମକ ଚିନ୍ତାଧାରା ଦେଖିବାକୁ ମିଳୁଥିବା ବେଳେ ତାଙ୍କୁ ଏଥର ଦଳ ନୂଆ ଏବଂ ଯୁବ ଚେହେରା ଭାବେ ପ୍ରାର୍ଥୀ କରିପାରେ ବୋଲି ଚା ଖଟିରେ ଚର୍ଚ୍ଚା ଯୋର ଧରିଛି । ସେହିପରି ହାଟଡିହି ବ୍ଲକ ଅଧକ୍ଷା ସାବିତ୍ରୀ ସେଠୀ, ଅଭିମନୁ୍ୟ ସେଠୀ, ବରିଷ୍ଠ ଆଇନଜୀବୀ ବାଇଧର ସେଠୀ, ବରିଷ୍ଠ ବିଜେଡି ନେତ୍ରୀ ଆରତୀ ସିଂ, ବଳରାମ ମଲ୍ଲିକଙ୍କ ସମେତ ଡର୍ଜନେରୁ ଊଦ୍ଧ୍ୱର୍ର୍ ଆଶାୟୀ ଥିବା ବେଳେ ଦଳ କାହାକୁ ଭରସା କରିବ ଏବଂ କେଉଁଦିନ ଆନନ୍ଦପୁର ବିଜେଡି ବିଧାୟକ ପାର୍ଥôଙ୍କ ନାମ ଘୋଷଣା ହେବ ସେନେଇ ସାଧାରଣରେ ଉକôଣ୍ଠା ପ୍ରକାଶ ପାଇଛି । ଅନ୍ୟପଟେ ଯଦିଓ କଂଗ୍ରେସ ତାର ପ୍ରଥମ ପର୍ଯ୍ୟାୟ ବିଧାନସଭା ପ୍ରାର୍ଥୀ ତାଲିକାରେ କେନ୍ଦୁଝର ଜିଲ୍ଲାରେ କାହାରି ନାମ ଘୋଷଣା କରିନାହିଁ ତେବେ ଆନନ୍ଦପୁର ନିର୍ବାଚନ ମଣ୍ଡଳୀ ପାଇଁ ୪ ଥର ବିଧାୟକ ହୋଇଥିବା ବରିଷ୍ଠ କଂଗ୍ରେସ ନେତା ଜୟଦେବ ଜେନାଙ୍କ ବିକଳ୍ପ କେହି ନଥିବାରୁ ତାଙ୍କ ପ୍ରାର୍ଥୀତ୍ୱ ଏକ ପ୍ରକାର ନିଶ୍ଚିତ ବୋଲି ରାଜନୈତିକ ବିସ୍ଲେସକ ମାନେ ଚର୍ଚ୍ଚା କରୁଛନ୍ତି । ତେବେ ଗତ କିଛିଦିନ ହେଲା ଜୟଦେବଙ୍କ ପୁଅ ଟିକିନା ବିଜେଡିରେ ମିଶିବେ ବୋଲି ଚର୍ଚ୍ଚା ଯୋର ଧରିଛି । ଅବଶ୍ୟ ଜୟଦେବ ଏହାକୁ ଖଣ୍ଡନ କରିଛନ୍ତି । ତେବେ ଜୟଦେବଙ୍କ ସ୍ଥିତି ବର୍ତ୍ତମାନ ଏକ ସୁବିଧା ଜନକ ସ୍ଥିତିରେ ଥିବା ବେଳେ ତୃଣମୂଳ ସ୍ତରରେ ତାଙ୍କର ସଂଗଠନ ମଜବୁତ ହେଉଥିବା ପରିଲକ୍ଷିତ ହୋଇଛି । ଏଥର ଜୟଦେବଙ୍କ ଟିକେଟ ଏକ ପ୍ରକାର ନିଶ୍ଚିତ ଥିବା ବେଳେ ନିର୍ବାଚନ ଜିଣିବା ତାଙ୍କ ପାଇଁ ସମ୍ମାନର ପ୍ରଶ୍ନ ହୋଇଯିବ ବୋଲି ସାଧାରଣରେ ଆଲୋଚନା ହେଉଛି ।