ରୁଷ ସହ ବାଣିଜ୍ୟ କାରବାର : ଟ୍ରମ୍ପ ଲଗାଇଲେ ୨୫% ଶୁଳ୍କ
Rasmita Behera
ନୂଆଦିଲ୍ଲୀ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଭାରତ ଉପରେ ଶୁଳ୍କ ବୋମା ପକାଇଛନ୍ତି । ସେ ଭାରତ ଉପରେ ୨୫ ପ୍ରତିଶତ ଶୁଳ୍କ ଲାଗୁ କରିଛନ୍ତି । ଏହି ଶୁଳ୍କ ଅଗଷ୍ଟ ୧ ରୁ କାର୍ଯ୍ୟକାରୀ ହେବ । ପୂର୍ବରୁ ଆମେରିକା ଭାରତ ସହିତ ଏକ ବାଣିଜ୍ୟ ଚୁକ୍ତି କରିବାକୁ ଇଚ୍ଛା ପ୍ରକାଶ କରିଥିଲା । କିନ୍ତୁ କିଛି କାରଣ ଯୋଗୁ ଏହି ଚୁକ୍ତି ହୋଇପାରିଲା ନାହିଁ । ଭାରତ ଉପରେ ଶୁଳ୍କ ଲଗାଇବାର କାରଣ ରୁଷିଆ ସହିତ ଶକ୍ତି ଓ ସାମରିକ ଚୁକ୍ତି ବୋଲି ଅନୁମାନ କରାଯାଉଛି । ଭାରତ ରୁଷିଆଠାରୁ ଅସ୍ତ୍ରଶସ୍ତ୍ର କିଣୁଥିବାରୁ ଜରିମାନା ବାବଦରେ ଶୁଳ୍କ ଲାଗୁ କରାଯାଇଥିବା ଚର୍ଚ୍ଚା ହେଉଛି । ଟ୍ରମ୍ପ୍ କହିଛନ୍ତି ଯେ, ଭାରତ ରୁଷିଆ ଠାରୁ ତେଲ ଏବଂ ଅସ୍ତ୍ରଶସ୍ତ୍ର କିଣୁଛି । ତେଣୁ ଏହି ପଦକ୍ଷେପ ଆବଶ୍ୟକ ଥିଲା । ଟ୍ରମ୍ପ୍ କହିଛନ୍ତି ଭାରତ ବହୁତ ଅଧିକ ଟିକସ ଲଗାଏ । ଭାରତୀୟ ଶୁଳ୍କ ବାଣିଜ୍ୟରେ ଅନେକ ଅସୁବିଧା ମଧ୍ୟ ସୃଷ୍ଟି କରିଥାଏ ।
ଟ୍ରମ୍ପ୍ ଏହା ମଧ୍ୟ କହିଛନ୍ତି ଯେ, ରୁଷିଆ ଠାରୁ ଅସ୍ତ୍ରଶସ୍ତ୍ର କିଣିବା ପାଇଁ ଭାରତକୁ ଅତିରିକ୍ତ ଦଣ୍ଡ ମଧ୍ୟ ଦେବାକୁ ପଡିବ । ଟ୍ରମ୍ପ୍ ଟ୍ରୁଥ୍ ସୋସିଆଲରେ ଏକ ପୋଷ୍ଟରେ ଲେଖିଛନ୍ତି, ମନେରଖ ଭାରତ ଆମର ବନ୍ଧୁ । କିନ୍ତୁ ବର୍ଷ ବର୍ଷ ଧରି ଆମେ ସେମାନଙ୍କ ସହିତ ବହୁତ କମ୍ ବାଣିଜ୍ୟ କରିଛୁ । କାରଣ ସେମାନଙ୍କର ବହୁତ ଅଧିକ, ବିଶ୍ୱରେ ସର୍ବାଧିକ । ଭାରତର ଯେକୌଣସି ଦେଶ ତୁଳନାରେ ସବୁଠାରୁ କଷ୍ଟକର ଏବଂ ଖରାପ ଅଣ-ଆର୍ଥିକ ବାଣିଜ୍ୟ ବାଧା ଅଛି । ଏହାର ଅର୍ଥ ହେଉଛି ଭାରତରେ ବ୍ୟବସାୟ କରିବା ବହୁତ କଷ୍ଟକର । ଟ୍ରମ୍ପ୍ କହିଛନ୍ତି, ଭାରତ ସବୁବେଳେ ନିଜର ଅଧିକାଂଶ ସାମରିକ ଉପକରଣ ରୁଷିଆଠାରୁ କିଣୁଛି । ଚୀନ୍ ପରେ ଭାରତ ରୁଷିଆର ସବୁଠାରୁ ବଡ଼ ଶକ୍ତି କ୍ରେତା । ଯେତେବେଳେ ସମସ୍ତେ ଚାହାନ୍ତି ଯେ ରୁଷିଆ ୟକ୍ରେନରେ ଗଣହତ୍ୟା ବନ୍ଦ କରୁ । ଏହା ଭଲ କାର୍ଯ୍ୟ ନୁହେଁ । ତେଣୁ ଭାରତକୁ ଅଗଷ୍ଟ ୧ ରୁ ୨୫% ଶୁଳ୍କ ଦେବାକୁ ପଡିବ । ଭାରତ ପାଇଁ ଏହା ଏକ ଦଣ୍ଡ ମଧ୍ୟ ହେବ । ଏହି ବିଷୟ ପ୍ରତି ଧ୍ୟାନ ଦେବା ପାଇଁ ଧନ୍ୟବାଦ । ଆମେରିକାକୁ ପୁଣି ଥରେ ମହାନ କର! ବୋଲି ଟ୍ରମ୍ପ୍ କହିଛନ୍ତି ।
