ଜିଲ୍ଲା କ୍ରିକେଟ ଟିମ୍ ଦଳ ଚୟନ
Rasmita Behera
ନବରଙ୍ଗପୁର : ଷ୍ଟାଡିୟମ ଠାରେ ନବରଙ୍ଗପୁର ଜିଲ୍ଲା କ୍ରିକେଟ ସଂଘ ଆନୁକୂଲ୍ୟରେ ରାଜ୍ୟ ସ୍ତରିୟ ୧୯ବର୍ଷ ଏବଂ ୧୬ ବର୍ଷରୁ କମ ଟୁର୍ଣ୍ଣାମେଣ୍ଟ ପାଇଁ ଜିଲ୍ଲା କ୍ରିକେଟ ଟିମ୍ ଦଳ ଚୟନ ଶେଷ ହୋଇଛି । ଗତ ୧୫ତାରିଖରୁ ଆରମ୍ଭ ହୋଇଥିବା ଲିଗ୍ ଟୁର୍ଣ୍ଣାମେଣ୍ଟରେ ମୋଟ ୫ଗୋଟି କ୍ଲବ ଅଂଶ ଗ୍ରହଣ କରିଥିଲେ । ଅନ୍ତିମ ଦିବସରେ ଆୟୋଜିତ କାର୍ଯ୍ୟକ୍ରମରେ ନବରଙ୍ଗପୁର ଜିଲ୍ଲା କ୍ରିକେଟ ସଂଘ ସଭାପତି ଦେବାସିଷ ପଟ୍ଟନାୟକ, ସମ୍ପାଦକ ପ୍ରହଲ୍ଲାଦ ତ୍ରିପାଠୀ, ଯୁଗ୍ମ ସମ୍ପାଦକ ଏମ. ବାଲ କ୍ରିଷ୍ଣା ରାଓ,ଜିଲ୍ଲା କ୍ରିକେଟ ସଂଘର କର୍ଯ୍ୟନିର୍ବାହି ସଦସ୍ୟ ଅଶୋକ ନାୟକ ଏବଂ ଶଶାଙ୍କ ବେହେରା ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ । ଏହି ଚୟନ ଶିବିରରେ ଫ୍ରେଣ୍ଡସ କ୍ଲବ୍, ରାଜୀବ କ୍ଲବ, ସ୍ପର୍ଟିଂ କ୍ଲବ, ରିଲାଇନ୍ସ ସ୍ପୋର୍ଟସ ଦଳ, ପରମଜିତ କ୍ରିକେଟ ଫାଉଣ୍ଡେସନ୍ ମଧ୍ୟରେ ମ୍ୟାଚ ହୋଇଥିଲା । ଫାଇନାଲ ମ୍ୟାଚ୍ରେ ପ୍ରଥମେ ବ୍ୟାଟିଂ କରି ସ୍ପୋର୍ଟସ କ୍ଲବ୍ ନିର୍ଦ୍ଧାରିତ ୫୦ ଓଭରରେ ସମସ୍ତ ୱିକେଟ ହରାଇ ୧୩୫ରନ୍ କରିଥିବା ବେଳେ, ଏହାର ଜବାବରେ ପାରମଜିତ କ୍ରିକେଟ ଫାଉଣ୍ଡେସନ୍ ୫ୱିକେଟ ହରାଇ ଆବଶ୍ୟକ ରନ ସଂଗ୍ରହ କରି ନେଇଥିଲେ । ଉକ୍ତ ପାଞ୍ଚଟି ଦଳର ସମସ୍ତ ଖେଳାଳିଙ୍କ ପ୍ରଦର୍ଶନ ଆଧାରରେ ଚୁଡାନ୍ତ ଦଳ ଚୟନ କରାଯିବା ନିମନ୍ତେ ନବରଙ୍ଗପୁର ଜିଲ୍ଲା କ୍ରିକେଟ ସଂଘର ପିଚ୍ କ୍ୱିରେଟର ଦୁର୍ଯ୍ୟ ହରିଜନ ଏବଂ ଜିଲ୍ଲା କୋଚ୍ ଜି ଚନ୍ଦ୍ରଶେଖର ରାଜାଙ୍କୁ ଦାଇତ୍ୱ ଦିଆଯାଇଛି । ଚୂଡାନ୍ତ ଦଳ ଚୟନ ପରେ ଜିଲ୍ଲା ଦଳ କଟକ ଗସ୍ତ କରିବେ ବୋଲି ଜିଲ୍ଲା କ୍ରିକେଟ ସଂଘ ମିଡ଼ିଆ ସଂଯୋଜକ ମନୋଜ ପଟ୍ଟନାୟକ ସୂଚନା ଦେଇଛନ୍ତି । ପରିଚାଳନାରେ ମହିଳା କ୍ରିକେଟ ଦଳର ଅଜିତା ଦାସ, ରୋଇଲା ଭତରା, ସାଇ କୁମାର, ସୁବ୍ରତ ଗଣ୍ଡ, ଜିଲ୍ଲା କ୍ରିକେଟ ସଂଘ ସଦସ୍ୟ ଲମ୍ବୋଦର ସୈରା ପ୍ରମୁଖ ସହଯୋଗ କରିଥିଲେ ।
