ହାଜି ମହମ୍ମଦ ଅବଦୁଲ ବାରୀଙ୍କ ପରଲୋକ

 ଭଦ୍ରକ : ଭଦ୍ରକ ମୁସଲିମ ଜମାତ୍ର ଆଜୀବନ ସଭାପତି, ଶାନ୍ତି ଓ ଓ ସଦ୍ଭାବନା ପ୍ରତୀକ, ରାଷ୍ଟ୍ରପତିଙ୍କ ଠାରୁ ଜାତୀୟ ସଦଭାବନା ପୁରସ୍କାର ପ୍ରାପ୍ତ ହାଜି ମହମ୍ମଦ ଅବଦୁଲ ବାରୀଙ୍କ ଆଜି ୮୬ ବର୍ଷ ବୟସରେ ତାଙ୍କ ନୀଳକଣ୍ଠପୁର କାଜିସାହି ସ୍ଥିତ ବାସଭବନରେ ପରଲୋକ ଘଟିଛି ।  ସେ ଦୀର୍ଘ ଦିନ ହେବ ବାର୍ଦ୍ଧକ୍ୟ ଜନିତ ଅସୁସ୍ଥ ଥିଲେ ।  ସେ ନିକଟରେ ଭୁବନେଶ୍ୱର ସ୍ଥିତ ଏକ ଘରୋଇ ହସ୍ପିଟାଲରେ ଚିକିସôିତ ହୋଇ ଗତ ୧୨ଦିନ ତଳେ ଘରକୁ ଆସି ଚିକିସôାଧୀନ ଥିଲେ  । ଆଜି ସକାଳ  ୯ଟା ବେଳେ ତାଙ୍କ ପ୍ରାଣବାୟୁ ଉଡିଯାଇଥିଲା  ।  ତାଙ୍କ ବିୟୋଗ ଖବର ପ୍ରଚାରି ହେବା ପରେ ତାଙ୍କ ବାସଭବନକୁ ଶୋକାକୂଳ ବ୍ୟକ୍ତିଙ୍କ ପ୍ରବଳ ଭିଡ ଲାଗି ରହିଥିଲା  । ତାଙ୍କ ମୃତୁ୍ୟଶଯ୍ୟା ନିକଟରେ ପତ୍ନୀ ନସିରା ଖାତୁନ, ୪ପୁଅ-ନିଆଜ, ଇମତିଆଜ, ନୟିମ ଓ ସମିମ ବାରୀଙ୍କ ସମେତ ଝିଅ ନସିମା ଓ ନାହିଦଙ୍କ ସମେତ ପୁରା ପରିବାର ଉପସ୍ଥିତ ଥିଲେ । ବାରୀ ବାବୁଙ୍କ ମୃତୁ୍ୟଖବର ପାଇ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ, ଭଣ୍ଡାରିପୋଖରି ବିଧାୟକ ସଞ୍ଜୀବ ମଲ୍ଲିକ, ଭଦ୍ରକ ବିଧାୟକ ସୀତାଂଶୁଶେଖର ମହାପାତ୍ର, ପ୍ରାକ୍ତନ ସାଂସଦ ମଞ୍ଜୁଲତା ମଣ୍ଡଳ, ପ୍ରାକ୍ତନ ବିଧାୟକ ମୁକ୍ତିକାନ୍ତ ମଣ୍ଡଳ, ଭଦ୍ରକ ପୌରାଧ୍ୟକ୍ଷା ଗୁଲ୍ଲମକୀ ଦଲାୱାଜି ହବିବ, ରୋବର୍ସ କ୍ଲକ ସମ୍ପାଦକ ହରି ନନ୍ଦୀ, ସମାଜସେବୀ ଏସ୍ଏମ୍ ଫାରୁକ, ମୁସଲିମ ଜମାତ ର ଉପସଭାପତି ମହମ୍ମଦ ଜକାଉଲ୍ଲା, ସାଧାରଣ ସମ୍ପାଦକ ହାଜି ଇନାମ ମହମ୍ମଦ, ସମ୍ପାଦକ ହାଜି ଅବଦୁଲ ମୁକିତ ଖାଁନ, ସମ୍ପାଦକ ସେଖ ସିରାଜୁଦ୍ଦିନ, ହାଜି ଅନୱାର ହୋସେନ, ଆଇନଜୀବୀ ତାହେର ମହମ୍ମଦ, ପ୍ରାକ୍ତନ କାଉନସିଲର ବିଦ୍ୟାଧର ସାହୁ, ମିଡିଆ ସେଲ୍ ସଂଯୋଜକ ଶେଖ ଅନୱାର(ବାବୁ)ଙ୍କସମେତ ବହୁ ମାନ୍ୟଗଣ୍ୟ ବ୍ୟକ୍ତି ବାସଭବନ ରେ ପହଂଚି ଶେଷ ଦର୍ଶନ କରିଥିଲେ  । ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାପାଳ ଦିଲୀପ ରାଉତରାଏ, ତହସିଲଦାର ପ୍ରିୟଦର୍ଶନ ସଂଗ୍ରାମକେଶରୀ ଖୁଟିଂଆଙ୍କ ସହ ବହୁ ପୁଲିସ ପଦାଧିକାରୀ ତାଙ୍କ ବାସଭବନକୁ ଯାଇ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ  । ମଧ୍ୟାହ୍ନ ୨ଟାରେ ଏକ ସୁସଜ୍ଜିତ ଗାଡିରେ ସ୍ୱର୍ଗତ ବାରୀ ବାବୁଙ୍କ ମରଶରୀରକୁ ତାଙ୍କ ବାସଭବନରୁ ଜିଲ୍ଲାପାଳଙ୍କ କାର୍ଯ୍ୟାଳୟକୁ ନିଆଯାଇଥିଲା  । ପରେ ସହର ପରିକ୍ରମା କରାଯାଇଥିଲା  । ଏହି ପରିକ୍ରମା ସମୟରେ ରାସ୍ତାର ଉଭୟ ଛକ ମାନଙ୍କରେ ତାଙ୍କୁ ପୁଷ୍ପଗୁଚ୍ଛ ଦେଇ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା  । ଆଜି ରାତି ସାଢେ ୧୧ଟାରେ ଟ୍ରେନିଂ ସ୍କୁଲ ପଡିଆରେ ଜନାଜା ନମାଜ ପାଠ କରାଯାଇ ସ୍ୱର୍ଗତ ବାରୀଙ୍କୁ ତାଙ୍କ ବାସଭବନ ପରିସରରେ କବର ଦିଆଯାଇଛି  । 
ପ୍ରକାଶ ଯେ, ମହମ୍ମଦ ସାମସୁଲ ହୋଦା ଓ ମାଜିଦା ଖାତୁନ୍ଙ୍କ ଔରସରୁ ୧୫ମାର୍ଚ୍ଚ ୧୯୩୯ ତାରିଖରେ ବାରୀବାବୁ  ଭଦ୍ରକରେ ଜନ୍ମଗ୍ରହଣ କରିଥିଲେ  । ୧୯୬୬ରେ ଭଦ୍ରକ ଏନଏସି ର ଉପ ନଗରପାଳ ଭାବେ ନିର୍ବାଚିତ ହେବା ସହ ୧୯୭୩, ୧୯୭୯ ଓ ୧୯୮୫ରେ ୩ଥର କାଉନସିଲର ଭାବେ ନିର୍ବାଚିତ ହୋଇ ଜନସେବାରେ ନିୟୋଜିତ ଥିଲେ  । ସେହିପରି ୧୯୯୪ରେ ୱାକଫ୍ବୋର୍ଡର ସଦସ୍ୟ ରହିବା ସହ ୧୯୯୩ରେ ରାଜ୍ୟ ହଜ୍ କମିଟି ସଭ୍ୟ  ୧୯୯୦ରେ ଭଦ୍ରକ ମହିଳା କଲେଜ ଗଭର୍ଣ୍ଣିଂ କମିଟି ସଭ୍ୟ ଥିଲେ  । ୧୯୯୩ରୁ ଶେଷ ନିଶ୍ୱାସ ତ୍ୟାଗ କରିବା ଯାଏଁ ସେ ଭଦ୍ରକ  ମୁସଲିମ ଜମାତର ସଭାପତି ଭାବେ ଦୀର୍ଘ ୨୮ବର୍ଷ ନିରବଚ୍ଛିନ୍ନ ଭାବେ ନିଜର ଦାୟିତ୍ୱ ସମ୍ଭାଳି ଜିଲ୍ଲା ତଥା ରାଜ୍ୟରେ ରାଜ୍ୟରେ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ  ।  ସେହିଭଳି ସେ ରାଜ୍ୟ ଉର୍ଦ୍ଦୁ ଏକାଡେମୀର ସଭ୍ୟ ଭାବେ ମନୋନୀତ ହୋଇଥିଲେ  । ସେ ଦୀର୍ଘଦିନ ହେବ କଚେରୀ ବଜାର ବଣିକ ସଂଘ ସଭାପତି ପଦବୀ ସହ ଜିଲ୍ଲା ସ୍ୱେଚ୍ଛାକୃତ ରକ୍ତଦାତା ସଂଘର ସଭାପତି, ରୋଗୀ କଲ୍ୟାଣ ସମିତି ସଭ୍ୟ ଭଳି ବହୁ ଗୁରୁତ୍ୱପୂର୍ଣ୍ଣ ପଦବୀ ମଣ୍ଡନ କରିଥିଲେ  । ଉଭୟ ହିନ୍ଦୁ ଓ ମୁସଲିମ ସଂପ୍ରଦାୟ ମଧ୍ୟରେ ଶାନ୍ତି ଓ ସଦଭାବନା ପ୍ରତିଷ୍ଠା ପାଇଁ ତାଙ୍କର ଅତୁଳନୀୟ ଅବଦାନ ଲାଗି ୨୦୧୩ ମସିହା ୨୦ ସେପଟେମ୍ବର ତାରିଖରେ ତକôାଳୀନ ରାଷ୍ଟ୍ରପତି ପ୍ରଣବ ମୁଖାର୍ଜୀ ଓ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଠାରୁ ଜାତୀୟ ସଦଭାବନା ପୁରସ୍କାର ପାଇ ଜିଲ୍ଲା ତଥା ରାଜ୍ୟର ଗୌରବ  ଆଣିଥିଲେ  ।