ନଦୀରୁ ଯୁବକର ଗଳିତ ଶବ ଉଦ୍ଧାର
Rasmita Behera
ାା ପ୍ରଭାନୁ୍ୟଜ୍ ।ା ବଡ଼ସାହି : ବଡ଼ସାହି ଥାନା ଅନ୍ତର୍ଗତ ବୁଢାବଳଙ୍ଗ ନଦୀର ବର୍ତ୍ତନା ଘାଟରୁ ଆଜି ଏକ ଯୁବକର ଗଳିତ ଶବକୁ ସ୍ଥାନୀୟ ବଡ଼ସାହି ଅଗ୍ନିଶମ ବାହିନୀ ସହାୟତାରେ ଉଦ୍ଧାର କରାଯାଇଥିବା ଜଣାଯାଇଛି ।ଉକ୍ତ ମୃତ ବ୍ୟକ୍ତିର ପରିଚୟ ମିଳିବା ପରେ ଏହା ବଡ଼ସାହି ବ୍ଲକ ମାଧପୁର ପଞ୍ଚାୟତ ଉଞ୍ଚବାଲି ଗ୍ରାମର ବିଶ୍ୱନାଥ କିସ୍କୁଙ୍କ ପୁଅ ଯଦୁନାଥ କିସ୍କୁ (୩୮)ବୋଲି ଜଣାପଡିଛି । ଗତ ୨୦ ତାରିଖ ମଙ୍ଗଳବାର ଦିନ ଯଦୁନାଥ ନଦୀ ପାରି ହୋଇ ଫୁଟବଲ ଖେଳ ଦେଖିବା ପାଇଁ ଘରୁ ବାହାରି ଯାଇଥିଲେ । ମାତ୍ର ସେ ଘରକୁ ନ ଫେରିବାରୁ ପରିବାର ଲୋକେ ବୁଧବାର ଦିନ ତମାମ ଖୋଜାଖୋଜି କରିଥିଲେ ହେଁ ତାଙ୍କ ସନ୍ଧାନ ପାଇ ପାରି ନଥିଲେ । ଆଜି ବର୍ତ୍ତନା ଘାଟରେ ଏକ ଶବ ଭାସୁଥିବାର ସ୍ଥାନୀୟ ଲୋକେ ଦେଖି ଥାନାକୁ ଖବର ଦେଇଥିଲେ । ବଡ଼ସାହି ପୁଲିସ ଅଗ୍ନିଶମ ବାହିନୀ ସହାୟତାରେ ଉକ୍ତ ଶବକୁ ଉଦ୍ଧାର କରିଥିଲେ । ଯଦୁନାଥର ପରିବାର ଲୋକେ ତାଙ୍କୁ ଚିହ୍ନଟ କରିଥିଲେ । ଏ ସମ୍ପର୍କରେ ପୁଲିସ ଥାନାରେ ୫୯/୨୪ ନମ୍ବରରେ ଏକ ଅପମୃତୁ୍ୟ କେସ ରୁଜୁ କରି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରି ତଦନ୍ତ ଆରମ୍ଭ କରିଛି ।
