ପ୍ରାର୍ଥୀ ଚୟନରେ ବିଳମ୍ବ, ବଢୁଛି ଚର୍ଚ୍ଚା
Rasmita Behera
ପଟ୍ଟାମୁଣ୍ଡାଇ, : ରାଜନଗର ନିର୍ବାଚନ ମଣ୍ଡଳିରେ ଶାସକ ବିଜେଡି ପ୍ରାର୍ଥି ଚୟନ କରିସାରିଥିବା ବେଳେ ଉଭୟଲୋକସଭା ଓ ବିଧାନସଭା ପ୍ରାର୍ଥି ସଭାସମିତି , ଶୋଭାଯାତ୍ରା , ସାଙ୍ଗଠନିକ କାର୍ଯ୍ୟକ୍ରମ ମାଧ୍ୟମରେ ନିଜସପକ୍ଷରେ ଜନମତ ଆଣିବାକୁ କସରତ ଆରମ୍ଭକରିଦେଇଛନ୍ତି । ବିଜେଡି ବିଧାୟକ ପ୍ରାର୍ଥି ଭାବେ ବିଧାୟକ ଧୃବ ସାହୁଙ୍କୁ ମନୋନିତ କରିଛି । ସେହିପରି ରାଜନଗର ପୂର୍ବତନ ବିଧାୟକ ଅଂଶୁମାନ ମହାନ୍ତିଙ୍କୁ ସାସଂଦ ପ୍ରାର୍ଥି ଭାବେ ଚୟନ କରିଛି । ରାଜ୍ୟରେ ମୁଖ୍ୟ ବିରୋଧି ଦଳ ଦାୟୀତ୍ୱ ନିର୍ବାହ କରୁଥିବା ବିଜେପି ଅଦ୍ୟାବଧି ପ୍ରାର୍ଥି ଚୟନ କରିନଥିବାରୁ ଆଶାୟୀଙ୍କ ମଧ୍ୟରେ ଉକôଣ୍ଠା ବଢିବାରେ ଲାଗିଛି । ତେବେ ପ୍ରାର୍ଥି ଚୟନରେ ବିଜେପି ପଛେଇ ଯାଇଥିବାରୁ ଦଳର ଆଭିମୁଖ୍ୟ ସ୍ପଷ୍ଟ ହୋଇପାରିନାହିଁ । ଗତ ଦଶନ୍ଧିଧରି ରାଜନଗରକୁ ନେତୃତ୍ୱ ମିଳୁଥିବାରୁ ଏଥରକ ପଟ୍ଟାମୁଣ୍ଡାଇ ଅଞ୍ଚଳର ଜଣେ ବ୍ୟକ୍ତିଙ୍କୁ ବିଜେପି ଟିକେଟଦେଲେ ସେ ନିଶ୍ଚିତ ବିଜୟୀହେବେ ବୋଲି ପଟ୍ଟାମୁଣ୍ଡାଇ ଅଂଚଳର ତୁଙ୍ଗ ବିଜେପି ନେତାମାନେ ଦୃଢୋକ୍ତି କରିଛନ୍ତି । ବିଜେପିରୁ ପ୍ରାର୍ଥି ହେବାପାଇଁ ସଂଖ୍ୟାଧିକ ଆଶାୟୀ ଅପେକ୍ଷାରେ ରହିଛନ୍ତି । ପଟ୍ଟାମୁଣ୍ଡାଇ ଅଂଚଳର ବିଜେପି ନେତା ପୂର୍ବତନ ବିଧାୟକ ଅଲେଖ କୁମାର ଜେନା, ଉତିକଣ ସଂଗ୍ରାମ ସମିତି ଆବାହକ ବରିଷ୍ଠ ଯୁବନେତା ପ୍ରଶାନ୍ତ ମହାନ୍ତି , ପଟ୍ଟାମୁଣ୍ଡାଇ ନଗର ସଭାପତି ଶଶିକାନ୍ତ ସ୍ୱାଇଁ , ଯୁବନେତା ରାଜକିଶୋର ସାହୁ , ଆଡଭୋକେଟ ସଂଜୟ କୁମାର ସାହୁ , ରବିନ୍ଦ୍ର ବିଶ୍ୱାଳ ପ୍ରମୁଖ ରହିଥିବା ବେଳେ ରାଜନଗର ଅଂଚଳରୁ ଅଜୟ ବେହେରା , ଲଳିତ ବେହେରା ପ୍ରମୁଖ ରହିଛନ୍ତି । ତେବେ ଯୁବନେତା ପ୍ରଶାନ୍ତ ମହାନ୍ତିଙ୍କ ନାମ ଚର୍ଚ୍ଚାରେ ଥିବାବେଳେ ଅନ୍ୟଦଳରୁ ମଧ୍ୟ ବହୁ ଆଶାୟୀ ବିଜେପିରୁ ଟିକେଟ ପାଇବା ଆଶାରେ ଲବି କରୁଥିବା ଚର୍ଚ୍ଚା ଚାଲିଛି ।
