ପାକକୁ ସହଯୋଗ କରିଥିଲା ତୁର୍କୀ

May 15, 2025 - 12:22

5279

ଭାରତ ଉପରେ ପାକ୍ ଆକ୍ରମଣ କରିଥିବାବେଳେ ଏଥିରେ ତୁର୍କୀ ସିଧାସଳଖ ସହଯୋଗ କରିଥିଲା । ତୁର୍କୀ ୩୫୦ରୁ ଉଦ୍ଧ୍ୱର୍ ଡ୍ରୋନ ପଠାଇବା ସହ ଏହାକୁ ପରିଚାଳନା କରିବା ପାଇଁ ତୁର୍କୀ ସେନାର କିଛି ଯବାନ ବି ଆସିଥିଲେ । ‘ଅପରେସନ ସିନ୍ଦୁର’ରେ ତୁର୍କୀର ଦୁଇ ଯବାନ ବି ମରିଥିବା ଜାଣିବାକୁ ମିଳିଛି । ତୁର୍କୀର ସାମରିକ ପରାମର୍ଶଦାତା ଲଢ଼େଇ ସମୟରେ ନିୟମିତ ଭାବେ ପାକ୍ ଆର୍ମି ସହ ଯୋଗସୂତ୍ରରେ ଥିଲେ । ଡ୍ରୋନ ଆକ୍ରମଣରେ ସେ ପରାମର୍ଶ ଦେଉଥିଲେ । ପାକ୍ ବେରକ୍ତର ଟିବି ୨ ଓ ୱାଇଆଇଏଚଏ ଡ୍ରୋନ ବ୍ୟବହାର କରିଥିଲା । ତୁର୍କୀ ଏବେ ପାକ୍ ସେନାକୁ ପ୍ରଶିକ୍ଷଣ ମଧ୍ୟ ଦେଉଛି । ତୁର୍କୀର ଏଭଳି ଆଭିମୁଖ୍ୟକୁ ନେଇ ଭାରତରେ ବି ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ବୟକଟ ତୁର୍କୀ ବୋଲି ହାସଟାଗ ଟ୍ରେଣ୍ଡିଂ ହେବାରେ ଲାଗିଛି ।