ଶ୍ରୀରାମ ଚରିତ ମାନସ ନବାହ୍ନ ପାରାୟଣ ଓ ପ୍ରବଚନ ଉଦଘାଟିତ
Rasmita Behera
ାା ପ୍ରଭାନୁ୍ୟଜ ।ା ଭଣ୍ଡାରିପୋଖରୀ : ଭଣ୍ଡାରିପୋଖରୀ ଶ୍ରୀ ରାମଦୟା ପରିଷଦ ଆନୁକୂଲ୍ୟରେ ଚଳିତ ବର୍ଷ ୪୦ତମ ଶ୍ରୀରାମ ଚରିତ ମାନସ ନବାହ୍ନ ପାରାୟଣ ଓ ପ୍ରବଚନ ଗୁରୁବାର ସନ୍ଧ୍ୟାରେ ବିଧାୟକ ସଞ୍ଜିବ କୁମାର ମଲ୍ଲିକଙ୍କ ଦ୍ୱାରା ଉଦଘାଟିତ ହୋଇଯାଇଛି । ଧର୍ମମାସ କାର୍ତ୍ତିକ ବ୍ରତ ପାଳନ ଅବସରରେ ଗୁରୁବାର ସକାଳେ ଭଣ୍ଡାରିପୋଖରୀ ବଜାର ମଧ୍ୟସ୍ଥଳୀ ଦର୍ପେଶ୍ୱର ମହାଦେବ ମନ୍ଦିର ପ୍ରାଙ୍ଗଣରେ ପୁରୋହିତ ଜଗନ୍ନାଥ ପଣ୍ଡା ଜଳଘଟ ସ୍ଥାପନ କରି ଅଧିବାସ ପୂଜା କାର୍ଯ୍ୟ ସମାପନ କରିଥିଲେ । ମୁଖ୍ୟକର୍ତ୍ତା ମୁରଲିଧର ଦାଶ ସଙ୍କଳ୍ପ କରିଥିଲେ । ସନ୍ତୋଷ ଦାଶ ଓ ସମ୍ବିତ ଦାଶ ପାରମ୍ପାରିକ ଭାବେ ଦୈନନ୍ଦିନ ପୂଜା କାର୍ଯ୍ୟ ତୁଲାଉଛନ୍ତି । ଅନ୍ୟମାନଙ୍କ ମଧ୍ୟରେ ବିଡିଓ ଦେବଦତ୍ତ ଦାସ, ପଞ୍ଚାୟତ ସମିତି ଅଧ୍ୟକ୍ଷା ସୁମତୀ ସେଠୀ, ବ୍ଲକ ଶିକ୍ଷାଧିକାରୀ ଅଧିର କୁମାର ତରାଇ, ଜିଲ୍ଲା ପରିଷଦ ସଦସ୍ୟ ଉକôଳ କେଶରୀ ମହାନ୍ତି, ଲକ୍ଷ୍ମୀଧର ସାହୁ, ଦକ୍ଷିଣବାଡ ସରପଞ୍ଚ ବର୍ଷାରାଣୀ ଯେନା ଉଦଘାଟନୀ ଉସôବରେ ଉପସ୍ଥିତ ଥିଲେ । ବ୍ୟାସଜୀ ଶ୍ରୀରାମମୋହନ ଦାଶଙ୍କ ନେତୃତ୍ୱରେ ଅନୁଷ୍ଠିତ ପାରାୟଣ ଓ ପ୍ରବଚନ କାର୍ଯ୍ୟକ୍ରମରେ ନୟାଗଡ ଖଣ୍ଡପଡା ଅଞ୍ଚଳର ପ୍ରବକ୍ତା ଅଶୋକ କୁମାର ଦାଶ ଗୁରୁବାର ଓ ଶୁକ୍ରବାର ଦିବ୍ୟ ପ୍ରବଚନ ପ୍ରଦାନ କରିଥିଲେ । ଅନୁଷ୍ଠାନର ସଭାପତି ରତ୍ନାକର ସେନାପତି, ସମ୍ପାଦକ ବିଦ୍ୟାଧର ଦ୍ୱିବେଦୀ, ଦେବେନ୍ଦ୍ର କବି, ମଦନମୋହନ ସାହୁ, ଗୌରହରି ପଣ୍ଡା, ହର ପରିଡା, ଦିଳ୍ଲିପ ସାମଲ, ତାରାକାନ୍ତ ରାଉତ, ସୌଭାଗ୍ୟ ନାୟକ, ମନୋରଞ୍ଜନ ନାୟକ, ମୋହନ ବାରିକ, ଉତ୍ତମ ବାରିକ ପ୍ରମୁଖ କାର୍ଯ୍ୟକ୍ରମ ପରିଚାଳନା କରୁଛନ୍ତି ।
