ଲକ୍ଷାଧିକ ଟଙ୍କାର ସୁନା ଅଳଙ୍କାର ଚୋରି
Rasmita Behera
ାା ପ୍ରଭାନୁ୍ୟଜ୍ ।ା ବୈଶିଙ୍ଗା : ବୈଶିଙ୍ଗା ଥାନା ଅଧୀନ ନଛିପୁରିଆ ଗ୍ରାମରେ ଜନୈକ ବ୍ୟକ୍ତିଙ୍କ ଘରୁ ଶୋଇ ଥିବା ଅବସ୍ଥାରେ ଚୋରି ହୋଇଥିବା ନେଇ ଅଭିଯୋଗ ହୋଇଛି । ମିଳିଥିବା ସୂଚନା ମୁତାବକ ନଛିପୁରିଆ ଗ୍ରାମର ଶ୍ରୀନିବାସ ପାଣି ସବୁଦିନ ପରି ରାତିରେ ଖାଇ ସାରି ଘରେ ଶୋଇବା ପାଇଁ ଯାଇଥିଲେ । ଘରେ ତାଙ୍କ ସହ ତାଙ୍କର ପନôୀ ଏବଂ ବହୁ ମଧ୍ୟ ନିଜ ନିଜ ରୁମରେ ଶୋଇଥିଲେ । ସୋମବାର ମଧ୍ୟରାତ୍ରରେ କିଛି ଦୁର୍ବୃତ୍ତ କୌଶଳ କ୍ରମେ ମୂଖ୍ୟ କବାଟ ଖୋଲି ଘରେ ଭିତରେ ପଶି ଗୋଟିଏ ରୁମକୁ ଖୋଲି ସେଠାରେ ଥିବା ଆଲମିରା ଭାଙ୍ଗି ଲକ୍ଷାଧିକ ଟଙ୍କାର ସୁନାଗହଣା ଏବଂ ମୋବାଇଲ ଚୋରି କରିନେଇଥିଲେ । ଚୋରି କରିବା ପରେ ଅନ୍ୟ ଏକ ରୁମକୁ ପଶିବା ପାଇଁ ଉଦ୍ୟମ କରିଥିଲେ । ମାତ୍ର ଭିତରେ ଶୋଇଥିବା ଲୋକ ଉଠି ପଡିବାର ଜାଣି ତୁରନ୍ତ ଛାତ ଉପର ଦେଇ ବାଡ ଭାଙ୍ଗି ଡେଇଁ ପଳାଇ ଯାଇଥିଲେ ଦୁର୍ବୃତ୍ତ । ଚୋରି କରିଥିବା ରୁମ, ଭଙ୍ଗା କବାଟ ସହ ଘର ଭିତର ଅଂଶରେ ସେମାନେ ପାଉଡର ପକାଇ ପ୍ରମାଣ ନଷ୍ଟ କରିବାକୁ ଚେଷ୍ଟା ମଧ୍ୟ କରିଥିବାର ଦେଖାଯାଇଛି । ରାତ୍ର ସମୟରେ କବାଟ ଖୋଲି ଆସବାବପତ୍ର ଏଣେତେଣେ ପଡ଼ିଥିବା ବେଳେ ବାହାର କବାଟ ଖୋଲା ହୋଇଥିବାର ଦେଖି ଶ୍ରୀଯୁକ୍ତ ପାଣି ଚୋରି ହୋଇଥିବାର ଜାଣିବାକୁ ପାଇଥିଲେ ଏବଂ ପୋଲିସକୁ ଖବର ଦେଇଥିଲେ । ଆଜି ସକାଳ ସମୟରେ ବୈଶିଙ୍ଗା ଥାନାଧିକାରୀ ତପନ ପ୍ରଧାନଙ୍କ ନିଦେ୍ର୍ଦଶକ୍ରମେ ଇନ୍ସପେକ୍ଟର ବୋଇତ ବେହେରା ଶ୍ରୀ ପାଣିଙ୍କ ଘରେ ପହଞ୍ଚି ପୁଙ୍ଖାନୁପୁଙ୍ଖ ତଦନ୍ତ ପରେ ଫେରି ଆସିଥିଲେ । ଶ୍ରୀ ପାଣିଙ୍କ ଲିଖିତ ଅଭିଯୋଗ ମୂଳେ ଏକ ମାମଲା ରୁଜ୍ଜୁ କରିବା ସହ ତଦନ୍ତ ଚଳାଇଥିବା ଜଣାଯାଇଛି ।
