ଆଇସିସି ରିପୋର୍ଟ ଡାହା ମିଛ : ପ୍ରତାପ
ଭୁବନେଶ୍ୱର: ବାଲେଶ୍ୱର ଏଫଏମ କଲେଜ ଛାତ୍ରୀଙ୍କ ସଂକ୍ରାନ୍ତୀୟ ଆଇସିସି ରିପୋର୍ଟ ଡାହା ମିଛ । ପୀଡ଼ିତାଙ୍କୁ ମୁଁ କହିଥିଲେ ବି ସେ ଏତଲା ଦେଇନଥିଲେ । ମୁଁ ଏନେଇ ପଦକ୍ଷେପ ନେଇଥିଲି । ଏବେ ବିରୋଧୀ ଏହାକୁ ନେଇ ରାଜନୀତି କରିବା ଅତ୍ୟନ୍ତ ଘୃଣ୍ୟ ଓ ଜଘନ୍ୟ । ବାଲେଶ୍ୱର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ଏହା କହିଛନ୍ତି ।
ବାଲେଶ୍ୱର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ କହିଛନ୍ତିଯେ, ଆମେ ଦୁଃଖିତ ଓ ବିଚଳିତ । କିନ୍ତୁ କିଛି ଲୋକ ଆନେ୍ଦାଳନ ଆଳରେ ରାଜନୀତିକ ସ୍ୱାର୍ଥ ସାଧନ କରିବାକୁ ଚାହୁଁଛନ୍ତି । ପ୍ରକୃତ ଅପରାଧିଙ୍କୁ ଖସାଇଦେବା ପାଇଁ ନିଦେ୍ର୍ଦାଷ ଲୋକଙ୍କୁ ଖସାଇଦେବାକୁ ଉଦ୍ୟମ କରାଯାଉଛି । ଆଇସିସି ତଦନ୍ତ ରିପୋର୍ଟ ଓଡ଼ିଆରେ ଲେଖା ହୋଇଥିଲା । ଗୋଟିଏ କପି ମୁଁ ଆଣିଥିଲି । ଏହି ତଦନ୍ତ ରିପୋର୍ଟରେ ୬୦ ଛାତ୍ରଛାତ୍ରୀଙ୍କୁ ଜେରା କରିଥିବା ନେଇ ଉଲ୍ଳେଖ କରାଯାଇଛି । ଅଧ୍ୟାପକଙ୍କୁ ସମସ୍ତେ କ୍ଳିନଚିଟ୍ ଦେଇଛନ୍ତି । ବରଂ ଛାତ୍ରୀଙ୍କ ବିରୋଧରେ ଉଲ୍ଳେଖ କରାଯାଇଥିଲା । ଯାହାକି ଛାତ୍ରୀଙ୍କୁ ମର୍ମାହତ କରିଥିଲା । ଛାତ୍ରୀ ଯାହା ଅଭିଯୋଗ କରିଥିଲେ ଅଧ୍ୟକ୍ଷ ତାହା ସର୍ବସାଧାରଣରେ ପ୍ରକାଶ କରିଦେଇଥିଲେ । ମୋ ପାଖକୁ ଛାତ୍ରୀ ଜଣଙ୍କ ୨ ତାରିଖରେ ଆସିଥିଲେ । ମୁଁ ଏତଲା ଦେବାକୁ କହିଥିଲି । ସେ ଅଧ୍ୟକ୍ଷ ସମୟ ନେଇଛନ୍ତି ବୋଲି କହି ଏତଲା ଦେଇନଥିଲେ । ଏବେ ଯେଉଁ ତଦନ୍ତ କମିଟି ରିପୋର୍ଟ ପ୍ରସାରିତ ହେଉଛି ତାହା ଠିକ୍ ନୁହେଁ । ତଦନ୍ତ କମିଟି ସଦସ୍ୟ କହିଛନ୍ତି, ଆମେ ଅଧ୍ୟାପକଙ୍କୁ ବଦଳି କରିବାକୁ କହିଥିଲୁ । କିନ୍ତୁ ଏବେ ବୁଲୁଥିବା ରିପୋର୍ଟରେ ତାହା ଉଲ୍ଲେଖ କରାଯାଇନାହିଁ । ଏମିତିକି ବାପାଙ୍କର ସାରଙ୍କ ଉପରେ ଭରସା ଅଛି ବୋଲି ଲେଖା ହୋଇଛି । ଏମିତି ସାର୍, ମନ୍ଦ ଉଦେ୍ଦଶ୍ୟରେ କରିନାହାନ୍ତି ବୋଲି ଉଲ୍ଳେଖ ରହିଛି । ତାହା ଡାହା ମିଛ ବୋଲି ପ୍ରତାପ କହିଛନ୍ତି ।
କିଛି ଲୋକ ଘୃଣ୍ୟ ରାଜନୀତି କରିବା ଅତ୍ୟନ୍ତ ଜଘନ୍ୟ କଥା । ପିସିସି ସଭାପତି ଭକ୍ତ ଚରଣ ଦାସ ବାଲେଶ୍ୱର ସାଂସଦ, ପୁଲିସ ଓ ଅନ୍ୟମାନଙ୍କୁ ଦାୟୀ କରିଛନ୍ତି । ସେହିପରି ଭୋଗରାଇ ବିଧାୟକ ଗୌତମ ବୁଦ୍ଧ ଦାସ କହିଛନ୍ତି ଏହା ଆତ୍ମହତ୍ୟା ନୁହେଁ ଏକ ହତ୍ୟା । ଆଉ ଏଥିପାଇଁ ସାଂସଦଙ୍କୁ ଅଭିଯୁକ୍ତ ବୋଲି କହିଛନ୍ତି । ତାଙ୍କର ମନ୍ତବ୍ୟ ଦାୟିତ୍ୱହୀନ । ଏହା ଆଇନଗତ ଅପରାଧ । ଏଫଆଇଆର ନକରିବାକୁ ସାଂସଦ ମନା କରିଥିଲେ ବୋଲି ସେ କହୁଛନ୍ତି । ହେଲେ ମିଛରେ ସେମାନଙ୍କୁ ପିଏଚଡ଼ି ମିଳିବା କଥା । ଯଦି ସେ ଏହା ପ୍ରମାଣ କରିଦେବେ ମୁଁ ରାଜନୀତି ଛାଡ଼ିଦେବି । ଇସ୍ତଫା ଦେଇଦେବି । ଯଦି ତାଙ୍କର ଅଭିଯୋଗ ମିଥ୍ୟା ପ୍ରମାଣିତ ହୁଏ ସେ ରାଜନୀତି ଛାଡ଼ିଦେବେ କି ବୋଲି ସେ ପ୍ରଶ୍ନ କରିଛନ୍ତି । ଝିଅ ଏତଲା ଦେଇନାହାନ୍ତି । ଏସପି ମଧ୍ୟ ଏଫଆଇଆର ଦେବାକୁ କହିଛନ୍ତି । ବିନା ଏତଲାରେ ପୁଲିସ୍ କଲେଜକୁ ଯାଇପାରିବ ନାହିଁ । ମୁଁ ଏସପି ଓ ଅଧ୍ୟକ୍ଷଙ୍କ ସହ ମଧ୍ୟ କଥାହୋଇଛି । ପରୀକ୍ଷା ପାଇଁ ସୁଯୋଗ ଦେବାକୁ ଅଧ୍ୟକ୍ଷଙ୍କୁ କହିଥିଲି । ସେ ବି ରାଜି ହୋଇଥିଲେ । ଅଧ୍ୟାପକଙ୍କ ବିରୋଧରେ ଆସିଥିବା ଫେଭର ଅଭିଯୋଗ ପ୍ରମାଣିତ ହୋଇନଥିଲା । ତେବେ ଆଇସିସି ରିପୋର୍ଟ ଭୁଲ୍ ଥିଲା ବୋଲି ମୁଁ ବହୁଆଗରୁ କହିଆସୁଛି । ସେମାନେ ମାତ୍ର ୩ ଦିନ ତଦନ୍ତ କରିଛନ୍ତି ବୋଲି ପ୍ରତାପ କହିଛନ୍ତି । ବାଲେଶ୍ୱର ବିଧାୟକ ଏହି ଘଟଣା ସମ୍ପର୍କରେ ଜାଣିନଥିଲେ । ସେ ଝିଅ ଜମା ତାଙ୍କ ପାଖକୁ ଯାଇନାହାନ୍ତି । ସେ ବହୁ ବିଳମ୍ବରେ ଜାଣିଛନ୍ତି । ମୁଁ ଯାହା ପଦକ୍ଷେପ ନେବା କଥା ନେଇଥିଲି । ଝିଅର ଆତ୍ମବିଶ୍ୱାସ ବୃଦ୍ଧି ପାଇଁ ଘଣ୍ଟାଏ ଆଲୋଚନା କରିଥିଲି । ଝିଅଙ୍କୁ ମୁଁ କହିଥିଲେବି ସେ ଏତଲା ଦେଇନଥିଲେ ବୋଲି ସାଂସଦ ଶ୍ରୀ ଷଡ଼ଙ୍ଗୀ ସ୍ପଷ୍ଟ କରିଛନ୍ତି ।