ଇଦ୍-ଉଲ୍- ଫିତର ପାଳିତ
Rasmita Behera
ବ୍ରହ୍ମପୁର: ସାରା ଦେଶରେ ଆଜି ଇଦ-ଉଲ-ଫିତର ପାଳିତ ହୋଇଯାଇଛି । ଏହି ଅବସରରେ ଗଞ୍ଜାମ ଜିଲ୍ଲାର ବ୍ରହ୍ମପୁର, ଆସିକା, ଭଞ୍ଜ ନଗର, ସୋରଡ଼ା, ଖଲ୍ଲିକୋଟ, ବୁ?ାମ୍ବ, କୋଟି ନଡ଼ା ଓ ଆଠଗଡ଼ ଠାରେ ଇଦ-ଉଲ-ଫିତର ପାଳିତ ହୋଇଯାଇଛି । ସମସ୍ତ ମୁସଲିମ ପରିବାରର ପୁରୁଷ ଲୋକମାନେ ନୂଆ ବସ୍ତ୍ର ପରିଧାନ କରି ନିକଟ ମସଜିଦ ଓ ଇଦଗାରେ ଏକତ୍ରିତ ହୋଇ ନମାଜ ପାଠରେ ସାମିଲ ହୋଇଥିଲେ । ନମାଜ ପରେ ସାରା ବିଶ୍ୱରେ ଶାନ୍ତି ମୈତ୍ରୀ ପାଇଁ ସମୂହ ପ୍ରାର୍ଥନା ଓ ଦୁଆ କରିଥିଲେ । ଆସିକା ଜାମିଆ ମସଜିଦର ଇମାମ ସାନାୱାଜ ହୁସେନ ଇସଲାମ ଧର୍ମ ଓ ପବିତ୍ର ମାସ ରାମଜାନ ସମ୍ପର୍କରେ ବିସ୍ତୃତ ବିବରଣୀ ପାଠ କରିଥିଲେ । ନମାଜ ପରେ ମୁସଲିମ ଭାଇ ମାନେ ପରସ୍ପର ମଧ୍ୟରେ ଆଲିଙ୍ଗନ କରି ଇଦ ମୁବାରକର ବଧେଇ ଦେଇଥିଲେ । ଗରିବ ଗୁରୁବାଙ୍କୁ ଅର୍ଥ ଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ବରିଷ୍ଠ ସାମ୍ବାଦିକ ମୁନାଫ ସାରିଫ,ହୁସେନ ସରିଫ, ନାଶେର ସାରିଫ, ମେହେମୁଦ ସାରିଫ,ୱାଲି ମହମ୍ମଦ, ରିଆଜ ମହମ୍ମଦ,ସେକ ଆସଲାମ, ସେକ ସାଜିଦ, ମେହେମୁଦ ଖାନ, ସେକ ଆସରାଫ, ହାନିଫ ସରିଫ, ସାୟାଦ ୱା ଜିର, ତାଜୁଦିନ ସାରିଫ ଆୟାଜ ସାରିଫ, ଆଲମାସ ସାରିଫଙ୍କ ସମେତ ଆଖ ପାଖ ଅଞ୍ଚଳର ଶତାଧିକ ମୁସଲମାନ ସମ୍ପ୍ରଦାୟର ଲୋକେ ମସଜିଦ ଠାରେ ସାମୁହିକ ପ୍ରାର୍ଥନାରେ ଅଂଶ ଗ୍ରହଣ କରିଥିଲେ ।
