ଏଏମ୍/ଏନ୍ଏସ୍ ଇଣ୍ଡିଆ ପକ୍ଷରୁ ସଡ଼କ ସୁରକ୍ଷା ମାସ ପାଳିତ

 ପାରାଦୀପ : ସଡ଼କ ସୁରକ୍ଷା ଉପରେ ସଚେତନତା ସୃଷ୍ଟି କରିବା ଉଦେ୍ଦଶ୍ୟରେ ଆର୍ସଲରମିତ୍ତଲ ନିପ୍ପନ୍ ଷ୍ଟିଲ୍ ଇଣ୍ଡିଆ ପକ୍ଷରୁ ଓଡ଼ିଶାରେ ଏହାର କାର୍ଯ୍ୟକ୍ଷେତ୍ର ଓ ପ୍ରକଳ୍ପ ସ୍ଥଳୀରେ ୩୬ତମ ଜାତୀୟ ସଡ଼କ ସୁରକ୍ଷା ମାସ ପାଳନ କରାଯାଇଛି ।     ଚଳିତ ବର୍ଷ ଏହି ଅଭିଯାନର ବିଷୟବସ୍ତୁ ‘ନିରାପଦ ଗାଡି ଚାଳନା, ନିରାପଦ ଭାବେ ପହଁଚିବା'କୁ ନେଇ ପାରାଦ୍ୱୀପ  ପେଲେଟ୍ ପ୍ଲାଣ୍ଟ୍ ଓ ଡାବୁନା ବେନେଫିଏସନ୍ ପ୍ଲାଣ୍ଟରେ ଏକ ରୋଡ୍ ରାଲି ଓ ସଭାର ଆୟୋଜନ କରାଯିବ ସହିତ କର୍ମଚାରୀ ଓ ଶ୍ରମିକମାନଙ୍କ ପାଇଁ ସଡ଼କ ସୁରକ୍ଷା, କୁଇଜ୍ ପ୍ରତିଯୋଗିତା, ଗୀତ, ସ୍ଲୋଗାନ ଓ ପୋଷ୍ଟର, କାହାଣୀ ଲେଖା, ସୃଜନଶୀଳ ଭିଡିଓ ପ୍ରତିଯୋଗିତା ସମ୍ପର୍କିତ ବିଭିନ୍ନ କାର୍ଯ୍ୟକ୍ରମମାନ ଅନୁଷ୍ଠିତ ହୋଇଥିଲା  ।  ସଡକ ସୁରକ୍ଷା ସମ୍ପର୍କିତ ବାର୍ତ୍ତାର ପ୍ରସାର ପାଇଁ ପାର୍ଶ୍ୱବର୍ତ୍ତୀ ଅଞ୍ଚଳରେ ସଚେତନତା ଅଧିବେଶନ ଆୟୋଜନ କରାଯିବା ସହ ସରସ୍ୱତୀ ବିଦ୍ୟା ମନ୍ଦିରର ଛାତ୍ରଛାତ୍ରୀଙ୍କ ପାଇଁ କୁଇଜ୍, ସ୍ଲୋଗାନ ଓ ପୋଷ୍ଟର ପ୍ରସ୍ତୁତି ଭଳି ବିଭିନ୍ନ ପ୍ରତିଯୋଗିତାମାନ  ଆୟୋଜିତ  ହୋଇଥିଲା  ।
ଉଦଯାପନୀ ଉସôବରେ ଏଏମ୍/ଏନ୍ଏସ୍ ଇଣ୍ଡିଆ ଓଡ଼ିଶା ଅପରେସନ୍ସର କାର୍ଯ୍ୟନିର୍ବାହୀ ନିଦେ୍ର୍ଦଶକ ସୁରେଶା ଜି ଓ ଏଏମ୍/ଏନ୍ଏସ୍ ଇଣ୍ଡିଆର ମୁଖ୍ୟ ସୁରକ୍ଷା ଅଧିକାରୀ ନାଗେଶ୍ୱର ରାଓ ଉପସ୍ଥିତ କର୍ମଚାରୀ ଓ ଶ୍ରମିକମାନଙ୍କୁ ସମ୍ବୋଧିତ କରିବା ସହ ଏକ ମାସ ଧରି ଚାଲିଥିବା ଏହି ଅଭିଯାନରେ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର ବିଜେତାଙ୍କୁ ପୁରସ୍କୃତ କରିଥିଲେ । ଏହି ସମାରୋହରେ ସଡ଼କ ସୁରକ୍ଷା ସମ୍ପର୍କରେ କର୍ମଚାରୀମାନେ ଆଲୋଚନା କରିବା ସହ ମଞ୍ଚରେ ସୁରକ୍ଷା ସମ୍ପର୍କିତ ନାଟକ  ପରିବେଷଣ କରିଥିଲେ  ।
୧୧ରୁ ୧୭ ଜାନୁଆରିରେ ସମସ୍ତଙ୍କ ପାଇଁ ସୁରକ୍ଷିତ ସଡକକୁ ପ୍ରୋସôାହନ ଶୀର୍ଷକରେ ଜାତୀୟ ସଡ଼କ ସୁରକ୍ଷା ସପ୍ତାହ ପାଳନ ପାଇଁ ସମଗ୍ର ଓଡ଼ିଶାରେ ଅନୁରୂପ ଅଭିଯାନ ଅନୁଷ୍ଠିତ ହୋଇଥିଲା । ପାରାଦ୍ୱୀପ ପ୍ରକଳ୍ପ, କୋଇଡ଼ାସ୍ଥିତ ସାଗାସାହି ପ୍ରକଳ୍ପ, ଶଙ୍କରୀ ଓ କେନ୍ଦୁଝର ପ୍ରକଳ୍ପ ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ଠିକା କର୍ମଚାରୀଙ୍କ ସମେତ କମ୍ପାନୀ କର୍ମଚାରୀମାନେ ଅଂଶଗ୍ରହଣ କରିଥିଲେ । ଏହି ଅବସରରେ ଗାଡ଼ି ଫିଟନେସ୍ ଯାଞ୍ଚ ଶିବିର, କର୍ମଚାରୀ ଓ ଶ୍ରମିକଙ୍କ ପାଇଁ ସଡ଼କ ସୁରକ୍ଷା କୁଇଜ୍, ପରିବହନ ଚାଳକଙ୍କ ପାଇଁ ପ୍ରତିରକ୍ଷାମୂଳକ ଡ୍ରାଇଭିଂ ପ୍ରଶିକ୍ଷଣ, ସଡ଼କ ନିରାପତ୍ତା ରାଲି ଓ ଗାଡ଼ି ଚାଳକଙ୍କୁ ସଡ଼କ ସୁରକ୍ଷା ପ୍ରଚାରପତ୍ର ବଣ୍ଟନ ଭଳି ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ପ୍ରକଳ୍ପ ସ୍ଥଳରେ ଆୟୋଜିତ ଏକ ସମାପନ ସମାରୋହରେ ଏଏମ୍/ଏନ୍ଏସ୍ ଇଣ୍ଡିଆ ଆଇଏସପି ପାରାଦ୍ୱୀପ  ପ୍ରୋଜେକ୍ଟସ୍ ଆଣ୍ଡ୍ ଏନାବଲିଙ୍ଗ ଓଡ଼ିଶାର ମୁଖ୍ୟ ଅରୁଣ କୁମାର ରଥ ଓ ଅନ୍ୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ କର୍ମଚାରୀ ଓ ଶ୍ରମିକମାନଙ୍କ ମଧ୍ୟରେ ଶ୍ରେଷ୍ଠ ନିରାପତ୍ତା ପ୍ରଦର୍ଶନକାରୀଙ୍କୁ ପୁରସ୍କୃତ କରିଥିଲେ  । ଉସôର୍ଗୀକୃତ ପ୍ରୟାସ ଏବଂ ସକ୍ରିୟ ଅଂଶଗ୍ରହଣ ସହିତ, ଏଏମ୍/ଏନ୍ଏସ୍ ଇଣ୍ଡିଆ ଏହାର କାର୍ଯ୍ୟସ୍ଥଳୀ ଏବଂ ବାହାରେ ମଧ୍ୟ ସଡ଼କ ସୁରକ୍ଷା  ଏବଂ ଦାୟିତ୍ୱପୂର୍ଣ୍ଣ ଡ୍ରାଇଭିଂ ସଂସ୍କୃତି ସୃଷ୍ଟି କରିବା ପାଇଁ ନିଜର ପ୍ରତିବଦ୍ଧତାକୁ ପ୍ରତିପାଦିତ କରୁଛି   ।