ଏଲମେଣ୍ଟୋଜ ରିସଚ୍ଚଷ୍ଟାର୍ଟଅପ୍ ଗ୍ରାଣ୍ଡ ଚ୍ୟାଲେଞ୍ଜ ଆୱାର୍ଡର ବିଜେତା

 ଭୁବନେଶ୍ୱର  : ବାୟୋଟେକ୍ ଷ୍ଟାର୍ଟଅପ୍ ଏଲମେଣ୍ଟଟୋଜ ରିସର୍ଚ୍ଚକୁ ସମ୍ମାନଜନକ ଷ୍ଟାର୍ଟଅପ୍ ମହାକୁମ୍ଭ ଗ୍ରାଣ୍ଡ ଚ୍ୟାଲେଞ୍ଜ ଆୱାର୍ଡ ୨୦୨୫ର ବିଜେତା ଭାବେ ପୁରସ୍କୃତ କରାଯାଇଛି  । ଏଲମେଣ୍ଟଟୋଜ ରିସର୍ଚ୍ଚ ଏହି ସମ୍ମାନ ପଶୁ ଖାଦ୍ୟ ଶିଳ୍ପକୁ ଆଣ୍ଟିବାୟୋଟିକ୍ ମୁକ୍ତ କରିବା ର ମିଶନରେ ବୈପ୍ଳବିକ ଜ୍ଞାନକୌଶଳ ପାଇଁ ପାଇଛି  । ପୀୟୂଷ ଗୋୟଲ, ଭାରତ ସରକାରଙ୍କ ଶିଳ୍ପ ଓ ଯୋଗାଣ ମନ୍ତ୍ରୀ, ଭାରତ ମଣ୍ଡପମଠାରେ ଏପ୍ରିଲ ୩ ରୁ ୫ ପର୍ଯ୍ୟନ୍ତ ଚାଲିଥିବା ଷ୍ଟାର୍ଟଅପ୍ ମହାକୁମ୍ଭ ଭାରତରେ ଉଦ୍ୟୋଗୀ ପ୍ରତିଭାମାନଙ୍କୁ ସମ୍ମାନିତ କରିଥିଲେ  । ଏହି ଉସôବରେ ୩ ହଜାରରୁ ଅଧିକ ପ୍ରଦର୍ଶକ, ୧୦ ହଜାର ଷ୍ଟାର୍ଟଅପ୍, ୧ହଜାର ନିବେଶକ, ଇନକୁ୍ୟବେଟର ଏବଂ ଆକ୍ସେଲେରେଟର ଏବଂ ଦେଶ ବିଦେଶରୁ ୫୦ ହଜାରରୁ ଅଧିକ ବ୍ୟବସାୟିକ ପର୍ଯ୍ୟଟକ ଥିଲେ  । ଏଥିରେ ଏଗ୍ରିଟେକ୍, କ୍ଲାଇମେଟ୍ ଟେକ୍, ବାୟୋଟେକ୍ ଏବଂ ହେଲ୍ଥଟେକ୍, ଏଆଇ, ଡିପ୍ ଟେକ୍ ଏବଂ ସାଇବର ସିକୁ୍ୟରିଟି ସମେତ ବିଭିନ୍ନ କ୍ଷେତ୍ରରେ ସଫଳତା ପ୍ରଯୁକ୍ତି ପ୍ରଦର୍ଶିତ ହୋଇଥିଲା ।
ପ୍ରଖ୍ୟାତ ବାୟୋଟେକ୍ନୋଲୋଜିଷ୍ଟ ତଥା ଟେକ୍ନୋକ୍ରାଟ୍ ରୁ ଉଦ୍ୟୋଗୀ ହୋଇଥିବା ଡ. ଜୟଶଙ୍କର ଦାସଙ୍କ ଦ୍ୱାରା ପ୍ରତିଷ୍ଠିତ ଏଲମେଣ୍ଟଟୋଜ ହେଉଛି ଏକ ସ୍ମାର୍ଟ ବିକଳ୍ପ ପ୍ରୋଟିନ୍ କମ୍ପାନି ଯାହା ସ୍ଥାୟୀ ପଶୁ ପୋଷଣ ପାଇଁ ବ୍ଲାକ୍ ସୋଲଜର୍ ଫ୍ଲାଇ (ବିଏସ୍ଏଫ୍) ବାୟୋଟେକ୍ନୋଲୋଜିର ଉପଯୋଗ କରି ଜୈବିକ ବର୍ଜ୍ୟବସ୍ତୁକୁ ଉନ୍ନତ ମାନର ପ୍ରୋଟିନ୍, ତେଲ ଏବଂ ଜୈବ ସାରରେ ପରିଣତ କରିଥାଏ । 
ଆଣ୍ଟିମାଇକ୍ରୋବିୟଲ୍ ପେପ୍ଟାଇଡ୍ ସହିତ ସୁଦୃଢ଼ କାର୍ଯ୍ୟକାରୀ ପ୍ରୋଟିନ୍ ଉପରେ ଧ୍ୟାନ ଦେବା ସହିତ, ଏଲମେଣ୍ଟଟୋଜ ପାରମ୍ପରିକ ଖାଦ୍ୟ ଉପାଦାନଗୁଡିକର ଶସ୍ତା ପ୍ରଭାବଶାଳୀ, ପରିବେଶ ଅନୁକୂଳ ବିକଳ୍ପ ପ୍ରଦାନ କରେ  । ଦାସଙ୍କ ନେତୃତ୍ୱରେ ଏଲମେଣ୍ଟଟୋଜ ଖାଦ୍ୟ ନିରାପତ୍ତା ସହିତ ପଶୁ ସ୍ୱାସ୍ଥ୍ୟ ଏବଂ ପୋଷଣ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଆହ୍ୱାନର ମୁକାବିଲା କରୁଛି । ଏଲମେଣ୍ଟଟୋଜ ଉଦ୍ଭାବନରେ ସ୍ମାର୍ଟ ପ୍ରୋଟିନ୍ ସମାଧାନ ଅନ୍ତର୍ଭୁକ୍ତ ଯାହା କୁକୁଡ଼ା, ଆକ୍ୱାଫିଡ୍ ଏବଂ ଗୃହପାଳିତ ଖାଦ୍ୟ ଶିଳ୍ପ ପାଇଁ କଷ୍ଟମ୍-ଡିଜାଇନ୍ କରାଯାଇଛି, ଯାହା ସଠିକ୍ ପୋଷଣ ପ୍ରଦାନ କରେ ଏବଂ ମାଇକ୍ରୋ ସ୍ତରରେ ରୋଗ ପରିଚାଳନା କରିବାରେ ସାହାଯ୍ୟ କରେ  । ଏହି ଷ୍ଟାର୍ଟଅପ୍ ଖାଦ୍ୟ ଉତ୍ପାଦନ ଖର୍ଚ୍ଚ ହ୍ରାସ କରିବା ଏବଂ ପଶୁ ଚାଷରେ ସ୍ଥାୟୀ, କାର୍ଯ୍ୟକ୍ଷମ ଖାଦ୍ୟ ପ୍ରଣାଳୀ ଆଡକୁ ପରିବର୍ତ୍ତନକୁ ତ୍ୱରାନ୍ୱିତ କରିବା ଲକ୍ଷ୍ୟ ରଖିଛି  ।