ଓଲଟିଲା ଅଟୋ, ଜଣେ ଗୁରୁତର
Rasmita Behera
5137
ନୀଳଗିରି: ନୀଳଗିରି ପୋଡ଼ାଶୂଳ ଛକ ନିକଟରେ ଏକ ଅଟୋ ଭାରସାମ୍ୟ ହରାଇ ଓଲଟିବା ଫଳରେ ଅଟୋରେ ଥିବା ୨ଜଣ ଶ୍ରମିକ ଆହତ ହୋଇଥିବାବେଳେ ରାସ୍ତାରେ ଯାଉଥିବା ଅନ୍ୟ ଜଣେ ଯୁବକ ଗୁରୁତର ଆହତ ହୋଇଥିବା ଜଣାପଡିଛି । ଖବରରୁ ପ୍ରକାଶ ଯେ, ଏକ ଡାଲା ଅଟୋ ବଣଭୁଈ ଅଞ୍ଚଳରୁ ଶ୍ରମିକଙ୍କୁ ଧରି ନୀଳଗିରି ଆସୁଥିବାବେଳେ ପୋଡାଶୂଳ ଛକ ନିକଟରେ ଅଟୋଟି ଭାରସାମ୍ୟ ହରାଇ ଓଲଟିପଡିଥିଲା । ଯାହାଫଳରେ ଅଟୋରେ ଥିବା ରାଇଗାଁ ଗ୍ରାମର ମଞ୍ଜୁ ସିଂ ଓ କନ୍ଦୁ ସିଂ ଆହତ ହୋଇଥିବାବେଳେ ସଠିଲ ବଲବଲିଆ ଗ୍ରାମର ରାଜେନ୍ଦ୍ର ବିଶ୍ୱାଳ ଜଳଖିଆ ଖାଇବା ପାଇଁ ଆସୁଥିବା ବେଳେ ଅଟୋଟି ତା’ଉପରେ ପଡ଼ିଯିବା ଯୋଗୁଁ ମୁଣ୍ଡ ଓ ହାତରେ ଗଭୀର ଆଘାତ ଲାଗିଛି । ତେବେ ରାଜେନ୍ଦ୍ର ଗୁରୁତର ଥିବାରୁ ବାଲେଶ୍ୱର ମେଡ଼ିକାଲକୁ ସ୍ଥାନାନ୍ତର କରାଯାଇଛି । ନୀଳଗିରି ପୁଲିସ ଘଟଣାସ୍ଥଳରେ ପହଞ୍ଚô ଅଟୋକୁ ଜବତ କରି ଥାନାକୁ ଆଣିଥିବାର ଜଣାପଡିଛି ।
