ଓଡ଼ିଶା ଆଦର୍ଶ ସ୍କୁଲରେ ବାର୍ଷିକୋତ୍ସବ
Rasmita Behera
ବାଲିଚନ୍ଦ୍ରପୁର: ବଡ଼ଚଣା ପଞ୍ଚାୟତ ଓଡ଼ିଶା ଆଦର୍ଶ ସ୍କୁଲ ଦର୍ପଣୀର ତୃତୀୟ ବାର୍ଷିକ ଉତ୍ସବ ସମାରୋହରେ ପାଳିତ ହୋଇଯାଇଛି । ମୁଖ୍ୟ ଅତିଥି ଭାବେ ବଡ଼ଚଣା ବିଧାୟକ ଅମର ନାୟକ ଯୋଗଦେଇ ଉତ୍ସବକୁ ଉଦ୍ଘାଟନ କରିଥିଲେ । ଶ୍ରୀ ନାୟକ ତାଙ୍କ ଅଭିଭାଷଣରେ ସାମ୍ପ୍ରତିକ ଶିକ୍ଷା ସମସ୍ୟା ଦୂର କରିବା ପାଇଁ ସରକାର ପଦକ୍ଷେପ ନେଇଥିବା କହିଥିଲେ । ମୁଖ୍ୟବକ୍ତା ଭାବେ ପ୍ରାତନ ବି.ବି ସ୍ୱଂୟ ଶାସିତ ମହାବିଦ୍ୟାଳୟା ପ୍ରାଧ୍ୟାପକ ଡ.ଜଚିନ୍ଦ୍ର ରାଉତ ଭାରତ ସରକାର ଆଦର୍ଶ ବିଶ୍ୱସ୍ତରିୟ ଶିକ୍ଷା ଦାନ ନିମନ୍ତେ ଆଦର୍ଶ ସ୍କୁଲ ମାଧ୍ୟମରେ ଉତମ ଶିକ୍ଷକ ନିଯୁକ୍ତି କରିଉନ୍ନତ ଛାତ୍ର ଗଢି ତୋଳିବା ପାଇଁ ଲକ୍ଷ୍ୟ ଧାର୍ଯ୍ୟ କରିଛନ୍ତି । ସମ୍ମାନିତଅତିଥି ବଡ଼ଚଣା ବିଡିଓ ରବୀନ୍ଦ୍ର ପ୍ରଧାନ ସ୍କୁଲ କମିଟି ବରିଷ୍ଠ ସଦ୍ୟାସ ମଧୁସୂଦନ ବଳ, ବଡଚଣା ସରପଞ୍ଚ ରାଜଲକ୍ଷ୍ମୀ ମହାନ୍ତି ଯୋଗ ଦେଇଥିଲେ । ଓଡ଼ିଶା ଆଦର୍ଶ ସ୍କୁଲ ବଡଚଣା ଅଧ୍ୟକ୍ଷ ଏମ୍ଏସ୍ ପାର୍ଥ ସାରଥି ସ୍ୱାଗତ ଅଭିଭାଷଣ ରଖିଥିଲେ । ଅତିଥି ପରିଚୟ ପ୍ରଦାନ ନୃସିଂହ ପାଣିଗ୍ରାହୀ, ମଞ୍ଚ ପରିଚାଳନା ଅର୍ଚ୍ଚନା ମହାପାତ୍ର, ଆଲୋକ ସେଠୀ ଶୁଭଶ୍ରୀ ପ୍ରିୟଦର୍ଶିନୀ ଓଝା ଓ ଅପଶ୍ମିତା ବିଶ୍ୱାଳ ଧନ୍ୟବାଦ୍ ଦେଇଥିଲେ । ଶେଷରେ ସ୍କୁଲସ୍ତରୀୟ ବିଭିନ୍ନ ପ୍ରତିଯୋଗିତା, ସ୍କୁଲରେ କୃତ୍ତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା ।
