ଖାଦ୍ୟ ସଚେତନତା କାର୍ଯ୍ୟକ୍ରମ
Rasmita Behera
ନୀଳଗିରି : ବିଶ୍ୱ ପଖାଳ ଦିବସ ଅବସରରେ ନୀଳଗିରି ସିଆଡ଼ିମାଳ ପଞ୍ଚାୟତ କୁମ୍ଭକ୍ଷେତ୍ରରେ ପାଳିତ ହେଉଥିବା ପଖାଳ ସପ୍ତାହର ଅନ୍ତିମ ଦିବସରେ ଫକୀରମୋହନ ବିଶ୍ୱବିଦ୍ୟାଳୟର ଆଇନ ବିଭାଗ ଦ୍ୱାରା ଏକ ସୁସ୍ଥ ଖାଦ୍ୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବରେ ବିଶିଷ୍ଟ ଡାକ୍ତର ଚୌଧୁରୀ ସତ୍ୟବ୍ରତ ନନ୍ଦ ଯୋଗ ଦେଇ ଶରୀରରେ ରୋଗ କାରଣ ଓ ସମାଧାନ ବିଷୟରେ ଆଲୋକପାତ କରିବା ସହ ପଖାଳର ଔଷଧୀୟ ଗୁଣ ବିଷୟରେ ଜଣାଇଥିଲେ । ଅନ୍ୟତମ ଅତିଥିଭାବେ କୁମ୍ଭକ୍ଷେତ୍ରର ମୁଖ୍ୟ ଶିଳ୍ପୀ କେଶୁଦାସ ପଖାଳର ପାରମ୍ପରିକ, ଆଧ୍ୟାତ୍ମିକ ଓ ସାଂସ୍କୃତିକ ପୃଷ୍ଠଭୂମି ଉପରେ ଆଲୋକପାତ କରିଥିଲେ । ଆଇନ ବିଭାଗର ଡିନ ବିନୟ କୁମାର ଦାସ ପ୍ରାକୃତିକ ପରିବେଶରେ ପଖାଳ ଦିବସ ପାଳନ କରିବାର ଆଭିମୁଖ୍ୟ ବକ୍ତବ୍ୟରେ ପରିପ୍ରକାଶ କରିଥିଲେ । ପଦ୍ମଲୋଚନ ଖଟୁଆ ମଞ୍ଚକୁ ପରିଚାଳନା କରିଥିବାବେଳେ ହେମନ୍ତ କୁମାର ଜେନା, ଓମକାର ଦାଶ ପ୍ରମୁଖ ପଖାଳ ବିଷୟରେ ମତବ୍ୟକ୍ତ କରିଥିଲେ । ଶେଷରେ ଉମାଶଙ୍କର କର ଧନ୍ୟବାଦ ପ୍ରଦାନ କରିଥିଲେ । ୪୦ ରୁ ଊର୍ଦ୍ଧ୍ୱ ଛାତ୍ରଛାତ୍ରୀ ଯୋଗ ଦେଇ ପଖାଳ ଖାଇଥିଲେ । ଫକୀରମୋହନ ମେଡ଼ିକାଲ କଲେଜ ଓ ହସ୍ପିଟାଲର ଛାତ୍ରମାନେ ଯୋଗ ଦେଇ ପଖାଳ ଦିବସ ଉପରେ ନିଜ ନିଜର ମତାମତ ରଖିଥିଲେ ।
