ମୋ ଛୋଟ ସ୍କୁଲର ବାର୍ଷିକୋତ୍ସବ 

ସାରସକଣା:  ମୟୂରଭଞ୍ଜ ଜିଲ୍ଲାର ସାରସକଣା ବ୍ଲକ ଅନ୍ତର୍ଗତ କେନ୍ଦୁମୁଣ୍ଡି ଗ୍ରାମରେ ଅବସ୍ଥିତ ମୋ ଛୋଟ ସ୍କୁଲର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ପ୍ରତିଷ୍ଠାତା ଓ ନିଦେ୍ର୍ଦଶକ ଅକ୍ଷୟ ଦାସଙ୍କ ତତ୍ତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସୀମାନ୍ତ ଇଂଲିଶ ମିଡ଼ିୟମ୍ର ଅଧ୍ୟକ୍ଷ ରତିକାନ୍ତ ମହାନ୍ତି ଯୋଗଦାନ କରିଥିବାବେଳେ ମୁଖ୍ୟବକ୍ତା ଭାବେ ସାମ୍ବାଦିକ ଓ ସମାଜସେବୀ ମଳୟ ନାୟକ, ବିଶେଷ ଅତିଥି ଭାବେ ସମାଜସେବୀ ପତଞ୍ଜଳି ନନ୍ଦ, ସମ୍ମାନନୀୟ ଅତିଥି ଭାବେ ଶିକ୍ଷାବିତ୍ ଆଲୋକ ଶତପଥୀ ପ୍ରମୁଖ ଉପସ୍ଥିତ ଥିଲେ । ଏହି ବିଦ୍ୟାଳୟରେ ପିଲାମାନଙ୍କୁ ପାଠ ପଢ଼ା ସହ ନାଚ, ଗୀତ, ଚିତ୍ରାଙ୍କନ, କ୍ରାଫ୍ଟ ମେକିଂ ଆଦି ମଧ୍ୟ ଶିକ୍ଷା ଦିଆଯାଇଥାଏ । ପ୍ରଭୁ ଜଗନ୍ନାଥ ଓ ମା’ସ୍ୱରସତୀଙ୍କ ଫୋଟରେ ମାଲ୍ୟାର୍ପଣ ପରେ ଅନୁଷ୍ଠାନର ପ୍ରଧାନ ଶିକ୍ଷୟିତ୍ରୀ ରଶ୍ମିତା ମହାନ୍ତି ସଭା କାର୍ଯ୍ୟ ଆରମ୍ଭ କରିଥିଲେ । ଏହି କାର୍ଯ୍ୟକ୍ରମରେ କାଉନସିଲର ଅମିତା ବେହେରା, ଶିକ୍ଷୟିତ୍ରୀ ଶୁଭଶ୍ରୀ ମହାନ୍ତି, କେୟାରଟେକର ଦିପାଳି ମହାନ୍ତି ପ୍ରମୁଖ ସହଯୋଗ କରିଥିଲେ । କାର୍ଯ୍ୟକ୍ରମ ଶେଷରେ ବିଭିନ୍ନ ପ୍ରତିଯୋଗିତାରେ କୃତିତ୍ୱ ଲାଭ କରିଥିବା ପିଲାମାନଙ୍କୁ ଅତିଥିମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା ।