ଘରୋଇ କଳିରୁ ନାବାଳିକାର ଆତ୍ମହତ୍ୟା : ପୋଲିସର ତଦନ୍ତ
Henamanjaree Swain
ଧର୍ମଶାଳା – ଘରୋଇ କଳି ହେଲା କାଳ । ପାରିବାରିକ କଳହକୁ ନେଇ ବେକରେ ଲୁଗାରେ ଫାଶି ଲଗାଇ ନାବାଳିକାର ଆତ୍ମହତ୍ୟା । ଏଭଳି ଘଟଣା ଘଟିଛି ଯାଜପୁର ଜିଲା ବ୍ରହ୍ମବରଦା ଥାନା ଅନ୍ତର୍ଗତ ବଡଚଅପୋଇ ଗ୍ରାମରେ । ସେ ଗ୍ରାମର ମଙ୍ଗୁଳି ବେହେରାଙ୍କ ନାବାଳିକା ଝିଅ ବୋଲି ଜଣାପଡିଛି । ଖବର ପାଇ ବ୍ରହ୍ମବରଦା ପୋଲିସ ବଡଚଅପୋଇ ଗ୍ରାମରେ ପଂହଚି ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ପଠାଇ ଘଟଣାର ତଦନ୍ତ ଜାରି ରଖିଛି । ସୂଚନା ମୁତାବକ, ରସୁଲପୁର ବ୍ଲକ ବ୍ରହ୍ମବରଦା ଥାନା ଅନ୍ତର୍ଗତ ବଡଚଅପୋଇ ଗ୍ରାମର ମଙ୍ଗୁଳି ବେହେରାଙ୍କ ଝିଅ ଓ ବଡବାପା ପୁଅଙ୍କ ସହ ଗୁରୁବାର ଦିନ ସକାଳ ସମୟରେ ଝଗଡା ହୋଇଥିଲା । ଏହି ଝଗଡା ଉଗ୍ର ରୂପ ନେଇଥିଲା । ଏନେଇ ପରିବାର ପକ୍ଷରୁ ନାବାଳିକାକୁ ତାଗିଦ କରାଯାଇଥିଲା । ଫଳରେ ଖରା ବେଳ ସମୟରେ ନାବାଳିକା ଜଣକ ଖାଇ ସାରି ଘର ଭିତରେ କବାଟ କିଳି ଦେଇ ଶୋଇ ପଡିଥିଲେ । ପରେ ଲୁଗାରେ ବେକରେ ଫାଶି ଲଗାଇ ଦେଇଥିଲେ । କବାଟ ଖୋଲିବା ବିଳମ୍ବ ହେବାରୁ ପରିବାର ଲୋକେ କବାଟ ବାଡେଇବା ସହ ଝିଅକୁ ଉଠିବାକୁ ଡାକି ଥିଲେ । ତେବେ କବାଟ ନ ଖୋଲିବାରୁ ଘର ଭିତରେ ବେକରେ ଫାଶି ଲଗାଇ ଦେଇଥିବା ଜାଣିବାକୁ ପାଇଲେ । ଏନେଇ ବ୍ରହ୍ମବରଦା ଥାନାରେ ପରିବାର ଲୋକେ ଜଣାଇବା ପରେ ପୋଲିସ ଘଟଣାସ୍ଥଳରେ ପଂହଚି ମୃତଦେହକୁ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି ।
