ଝରିଗାଁରେ ବିକାଶ ବାହନ ଯାତ୍ରାର ଶୁଭାରମ୍ଭ
Rasmita Behera
ଝରିଗାଁ : ସାରା ରାଜ୍ୟରେ ବିକାଶ ବାହନ ଯାତ୍ରାର ଶୁଭାରମ୍ଭ ହୋଇ ଯାଇଥିବା ବେଳେ ନବରଙ୍ଗପୁର ଜିଲ୍ଲାର ଝରିଗାଁ ବ୍ଲକ କାର୍ଯ୍ୟାଳୟରେ ମଧ୍ୟ ଏହି ବିକାଶ ବାହନ ଯାତ୍ରାର ଶୁଭାରମ୍ଭ ହୋଇଛି । ଝରିଗାଁ ବିଡିଓ ମଧୁ ସୁଦନ ମାଝୀଙ୍କ ଅଧ୍ୟକ୍ଷତାରେ ଏକ ବୈଠକ କରି ଏହି କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି । ଅନ୍ୟମାନଙ୍କ ମଧ୍ୟରେ ଜିପିଓ ରମେଶ ହରିଜନ, ଏମ୍ପି ପ୍ରତିନିଧି ଚନ୍ଦ୍ର ଭାନୁ ନାୟକ, ବ୍ଲକ୍ ଅଧ୍ୟକ୍ଷ ଦୁର୍ଗା ମାଝୀ, ସିଡିପିଓ ବିରାଜ ମହିନୀ ପାଙ୍ଗି, ସାମାଜିକ ସୁରକ୍ଷା ଅଧିକାରି ସୋରଭ କେତନ ବେହେରା, ଯୋଗାଣ ଅଧିକାରୀ ସଚିନ ମୟ ରଥ ଡବ୍ଲୁ୍ୟଇ ଓ ଅମିତ ନାୟକ, ଏପିଓ ଦେବେନ୍ଦ୍ର ବେହେରା, ଝରୀଗାଁ ସରପଞ୍ଚ ଯୋଗେଶ ପୂଜାରୀ, ଫିରୋଜ ସୋଡଙ୍ଗୀ, ଗଣପତି ସାହୁ, ଗୋଜେନ୍ଦ୍ର ପାଣ୍ଡା, ବ୍ଲକ କର୍ମଚାରୀଙ୍କ ଉପସ୍ଥିତିରେ କାର୍ଯ୍ୟକ୍ରମର ଶୁଭାରମ୍ଭ ହୋଇଛି । ଏହି ବିକାଶ ବାହନ ରଥ ବ୍ଲକ୍ର ବିଭିନ୍ନ ପଂଚାୟତ ପରିକ୍ରମା କରି ସରକାରଙ୍କ ସମସ୍ତ ଯୋଜନା ବିଷୟରେ ଜନସାଧାରଣଙ୍କୁ ସଚେତନ କରିବା ସହିତ ବିଭିନ୍ନ ଯୋଜନାରୁ ବାଦ ପଡିଥିବା ଉପଯୁକ୍ତ ହିତାଧିକାରୀ ମାନଙ୍କୁ ଯୋଜନାରେ ସାମିଲ କରିବା ସହିତ ସମସ୍ତ ଜନସାଧାରଣଙ୍କୁ ଯୋଜନା ସବୁ ଉପରେ ପ୍ରାଞ୍ଜଳ ଭାବେ ବୁଝାଇବା ନେଇ ସରକାରଙ୍କ ଦ୍ୱାରା ଏହି ପଦକ୍ଷେପ ଜ୍ଝଯେମିତିକି କୌଣସି ବି ହିତାଧିକାରୀ ସରକାରୀ ଯୋଜନାରୁ ବଞ୍ଚିତ ନହୁଅନ୍ତୁ ଓ ସରକାରଙ୍କ ସମସ୍ତ ଯୋଜନା ରେ ସାମିଲ ହୋଇ ଯୋଜନାର ଲାଭ ଉଠାନ୍ତୁ ଏହା ହିଁ ରହିଛି ସରକାରଙ୍କ ଲକ୍ଷ୍ୟ ଓ ଉଦେ୍ଦଶ୍ୟ । ପୂର୍ବ ସରକାର ସମୟରେ ଏହି ସବୁ ପଦକ୍ଷେପ ନିଆ ଯାଇନଥିବା ଯୋଗୁଁ ଅନେକ ଯୋଗ୍ୟ ହିତାଧିକାରୀ ଅନେକ ଯୋଜନାରୁ ବଞ୍ଚିତ ଅଛନ୍ତି ଜ୍ଝବିଜେପି ସରକାରଙ୍କ ଅମଳରେ ଏମିତି ଅନେକ ଜନ ହିତ ପାଇଁ ପଦକ୍ଷେପ ନିଆ ଯାଉଥିବାରୁ ସାଧାରଣରେ ଖୁସିର ମାହୋଲ ଦେଖିବାକୁ ମିଳୁଛି ଜ୍ଝଏହି ପରିପ୍ରେକ୍ଷୀରେ ୪୧ଜଣ ଚାଷୀଙ୍କୁ ଜଙ୍ଗଲ ଜମି ପଟ୍ଟା ମଧ୍ୟ ବଣ୍ଟନ କରାଯାଇଛି । ବିକାଶ ବାହନ ରଥକୁ ପ୍ରତ୍ୟେକ ପଂଚାୟତରେ ସ୍ୱାଗତ କରାଯିବା ସହିତ ପଂଚାୟତର ଜନସାଧାରଣ ସରକାରୀ ଯୋଜନାର ଲାଭ ଉଠେଇବେ ବୋଲି ପ୍ରଶାସନ ନିଜ ପ୍ରତିକ୍ରିୟାରେ କହିଛନ୍ତି ।
