ଡ. ଦେବେନ୍ଦ୍ର ପ୍ରଧାନଙ୍କୁ ଶ୍ରଦ୍ଧାଞ୍ଜଳି
Rasmita Behera
ଢ଼େଙ୍କାନାଳ : ମହିମାଗାଦି ଆଞ୍ଚଳିକ ବିକାଶ ପରିଷଦ ଆନୁକୂଲ୍ୟରେ ବରିଷ୍ଠ ରାଜନେତା ତଥା ଢ଼େଙ୍କାନାଳ ମାଟିର ସୁଯୋଗ୍ୟ ସନ୍ତାନ ସ୍ୱର୍ଗତ ଡ. ଦେବେନ୍ଦ୍ର ପ୍ରଧାନଙ୍କ ସ୍ମ୍ମୃତିରେ ଢେଙ୍କାନାଳ ଜିଲ୍ଲା ଯୋରନ୍ଦା ଓଟିଡିସି ଅତିଥି ଭବନଠାରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି । ମହିମାଗାଦି ବ୍ଲକ କ୍ରିୟାନୁଷ୍ଠାନ କମିଟି ଆବାହକ ଆନନ୍ଦ ଚନ୍ଦ୍ର ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ ଏହି ଶ୍ରଦ୍ଧାଞ୍ଜଳି ସଭାରେ ପରିଷଦର ବରିଷ୍ଠ ସଭ୍ୟ ପ୍ରାଣବନ୍ଧୁ ନାୟକ ସଭାପତିତ୍ୱରେ କରିଥିଲେ । ଏହି ସଭାରେ ମହିମାଗାଦି ବ୍ଲକ କ୍ରିୟାନୁଷ୍ଠାନ କମଟି, ବରିଷ୍ଠ ନାଗରିକ ମଞ୍ଚ, ଅବସରପ୍ରାପ୍ତ କର୍ମଚାରୀ ସଂଘ ସଭ୍ୟ ଯୋଗଦେଇ ଶୋକ ପ୍ରକାଶ କରିଥିଲେ । ବରିଷ୍ଠ ମହିମା ସନ୍ୟାସୀ ସୁଶାନ୍ତ ବାବା ଓ ଅବଧୂତ ସୁବ୍ରତ ବାବା ପ୍ରମୁଖ ଅଖଣ୍ଡ ବତୀ ଲଗାଇ ସ୍ୱର୍ଗତ ଡ. ଦେବେନ୍ଦ୍ର ପ୍ରଧାନଙ୍କ ଅମର ଆତ୍ମାର ସଦଗତି କାମନା କରିଥିଲେ । ଏହି ଅବସରରେ ଉପସ୍ଥିତ ସମସ୍ତ ଅତିଥି ସ୍ୱର୍ଗତ ପ୍ରଧାନଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ପ୍ରଦାନ କରିବା ସହିତ ୨ ମିନିଟ୍ ନୀରବ ପ୍ରାର୍ଥନା କରିଥିଲେ । ମୁଖ୍ୟବକ୍ତା ଭାବେ ମହିମାଗାଦି ବ୍ଲକ କ୍ରିୟାନୁଷ୍ଠାନ କମଟି ସମ୍ପାଦକ ଅମ୍ବିକା ପ୍ରସାଦ ମିଶ୍ର, ସମ୍ମାନିତ ବକ୍ତା ଭାବେ ଶିକ୍ଷାବିତ୍ ମଙ୍ଗୁଳି ଚରଣ ବିଶ୍ୱାଳ, ଅମରେନ୍ଦ୍ର ମଲ୍ଲ, ଶରତ ପ୍ରଧାନ, ମନୋଜ ମହାନ୍ତି ପ୍ରମୁଖ ଯୋଗଦେଇ ସ୍ୱର୍ଗତ ପ୍ରଧାନଙ୍କ ଗୁଣାବଳୀ ବର୍ଣ୍ଣନା କରିଥିଲେ । ଆୟୋଜିତ ଏହି ସଭାରେ ଯୁଧିଷ୍ଠିର ମହାନ୍ତି, ଶରତ ରାଉତ, ପ୍ରକାଶ ରାଉତ, ବସନ୍ତ ପାତ୍ର, ପୀତବାସ ରାଉତ, ଶରତ ରାଉତ, ଗୋକୁଳ ଚନ୍ଦ୍ର ସାହୁ, ନିରଞ୍ଜନ ପତି, ଧର୍ମାନନ୍ଦ ରାଉତ, ଦିଗମ୍ବର ସାହୁ, ଅଭିମନୁ୍ୟ ବେହେରା, ରବି ନାଥ, ବିଦ୍ୟାଧର ନାଥ, ନେତ୍ରାନନ୍ଦ ରାଉତ, ବିଦ୍ୟାଧର ବେହେରା, ଶ୍ରୀବତ୍ସ ମହାନ୍ତି, ବିପିନ ନାୟକ ପ୍ରମୁଖ ଯୋଗଦେଇ ଶୋକ ପ୍ରକାଶ କରିଥିଲେ । ଏହି କାର୍ଯ୍ୟକ୍ରମକୁ ଆନନ୍ଦ ଚନ୍ଦ୍ର ମହାନ୍ତି, ପ୍ରହ୍ଲାଦ ସାହୁ ଓ ଅଜୟ ମହାନ୍ତି ପ୍ରମୁଖ ପରିଚାଳନା କରିଥିବାବେଳେ ଯଦୁନନ୍ଦନ ଦାସ ଧନ୍ୟବାଦ୍ ଅର୍ପଣ କରିଥିଲେ ।
