ଡିସେମ୍ବର ୮ରେ ସମ୍ଭାବନା କପ୍ କ୍ରିକେଟ ମ୍ୟାଚ୍
Rasmita Behera
ଜଟଣୀ: ଜଟଣୀ ସହରର ଅନ୍ୟତମ ସମାଜିକ ଅନୁଷ୍ଠାନ ସମ୍ଭାବନା ପରିବାର ପକ୍ଷରୁ ଡିସେମ୍ବର ୮ ତାରିଖ ରବିବାର ତୃତୀୟ ବର୍ଷରେ ପଦାର୍ପଣ କରିବ ସମ୍ଭାବନା କପ୍ କ୍ରିକେଟ ଟୁର୍ଣ୍ଣାମେଣ୍ଟ । ଏକଦିବସୀୟ ଟେନିସ୍ ବଲ୍ ଟୁର୍ଣ୍ଣାମେଣ୍ଟ ସ୍ଥାନୀୟ ବାଳକ ଉଚ୍ଚ ବିଦ୍ୟାଳୟ ପଛ ପାଖରେ ଥିବା ଖେଳ ପଡ଼ିଆରେ ଅନୁଷ୍ଠିତ ହେବ । ୧୫ ଓଭର ବିଶିଷ୍ଟ ମ୍ୟାଚ ଗୁଡିକ ନକ୍ଆଉଟ୍ ଆଧାରରେ ଅନୁଷ୍ଠିତ ହେବ ଏବଂ ବର୍ତ୍ତମାନ ସୁଦ୍ଧା ଟୁର୍ନାମେଣ୍ଟରେ ଆୟୋଜକ ସମ୍ଭାବନା ପରିବାର, ଜଟଣୀ ମୁ୍ୟନିସିପାଲଟି, ଜଟଣୀ ବାର୍ ଆସୋସିଏସନ୍ ଏବଂ ମିଡିଆ ଆଇକନ ଏକାଦଶ ଅଂଶଗ୍ରହଣ କରିବେ ବୋଲି ଅନୁଷ୍ଠାନର ବରିଷ୍ଠ ସଦସ୍ୟ ଲୁସେନ ରାୟ ସୂଚନା ଦେଇଛନ୍ତି । ସେହିପରି ବିଜେତା ଏବଂ ରନର୍ସଅପ୍ଙ୍କୁ ଟ୍ରଫି ପ୍ରଦାନ କରାଯିବ ବୋଲି ଅନୁଷ୍ଠାନର ସଭାପତି ସନ୍ତୋଷ ହୋତା ପ୍ରକାଶ କରିଛନ୍ତି । ଏ ନେଇ ପ୍ରସ୍ତୁତି ବୈଠକରେ ଅନ୍ୟମାନଙ୍କ ମଧ୍ୟରେ ସମ୍ପାଦକ ଦେବପ୍ରସାଦ ଦାଶ, ସଂଗଠନ ସମ୍ପାଦକ ସଞ୍ଜୟ ବରିସଲ, ଅତିରିକ୍ତ ସଂଗଠନ ସମ୍ପାଦକ ଶରତ ରେଡୀ, ସହସମ୍ପାଦକ ଅମିନ ରାଉତ ଓ ପରେଶ ପଟ୍ଟନାୟକ, ଉପସଭାପତି ଦିଲୀପ ସିଂ, ସୁକାନ୍ତ ଆଚାର୍ଯ୍ୟ, କୋଷାଧ୍ୟକ୍ଷ ରମାକାନ୍ତ ମହାରଣା ଓ ନିରୂପମା ସ୍ୱାଇଁ, ପ୍ରଶାନ୍ତ ବେହେରା ପ୍ରମୁଖ ଉପସ୍ଥିତ ଥିଲେ ।
