ଦକ୍ଷତା ବିକାଶ ପାଇଁ ସେଣ୍ଟର ପରିଦର୍ଶନ
Rasmita Behera
କେନ୍ଦ୍ରାପଡ଼ା: ଜିଲ୍ଲା ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ଜିଲ୍ଲାର ବିଭିନ୍ନ ବ୍ଲକ୍କୁ କିଶୋର କିଶୋରୀଙ୍କ ଦକ୍ଷତା ବିକାଶ ପାଇଁ ପରିଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ରାଜଧାନୀର କଳିଙ୍ଗ ଷ୍ଟାଡିୟମ୍ ଓ ବିଶ୍ୱ ଦକ୍ଷତା କେନ୍ଦ୍ର ପରିଦର୍ଶନ କରିଛନ୍ତି । ଏହି କିଶୋର କିଶୋରୀଙ୍କ ମାନସିକ ଓ ଶାରିରୀକ ଦକ୍ଷତା ତଥା ଜ୍ଞାନ ପରିସର ବୃଦ୍ଧି ସହ ଦକ୍ଷ କ୍ରିଡାବିତ୍ ହେବାର ସୁଯୋଗ ଅନୁଧ୍ୟାନ କରିଥିଲେ । ହକି, ଟେନିସ୍, ସନ୍ତରଣ ଆଦି କେନ୍ଦ୍ରଗୁଡିକ ପରିଦର୍ଶନ କରି ବିଶ୍ୱ ଦକ୍ଷତା କେନ୍ଦ୍ରରେ ଥିବା ବିୟୁଟିପାର୍ଲର, ଇଲେକ୍ଟ୍ରିକାଲ୍ ଟେକ୍ନିକ, ହୋଟେଲ୍ ମ୍ୟାନେଜମେଣ୍ଟ, ମେକାନିକ୍କାଲ୍, ଶୀତତାପ ନିୟନ୍ତ୍ରଣ ଯନ୍ତ୍ର, ଫ୍ରିଜ୍ ପ୍ରଭୃତି ଯନ୍ତ୍ରପାତି ଗୁଡିକର ପରିଚାଳନା ସମ୍ବନ୍ଧରେ ଜ୍ଞାନ ଆହରଣ କରିଥିଲେ । ଜିଲ୍ଲା ସମାଜ ମଙ୍ଗଳ ଅଧିକାରୀ ମନୋରମା ସ୍ୱାଇଁ, ଜିଲ୍ଲା ସଂଯୋଜକ ଅମିତା ସିଂ, ସଞ୍ଜୟ ପାତ୍ର, ସୁନିତା ପାତ୍ର ପ୍ରମୁଖ ନେତୃତ୍ୱରେ ପରିଦର୍ଶନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
