ପ୍ରଧାନଶିକ୍ଷୟତ୍ରୀଙ୍କୁ ଅବସରକାଳୀନ ସମ୍ବର୍ଦ୍ଧନା
Rasmita Behera
ମାଲକାନଗିରି: ମାଲକାନଗିରି ସଦର ମହକୁମାରେ ସ୍ଥିତ ଜୟପୁରିୟା ଗୁଡ଼ା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ, ଜଳ୍ପନା ରାୟଙ୍କୁ ବିଦ୍ୟାଳୟ ପରିଚାଳନା କମିଟି ତରଫରୁ ଅବସର କାଳୀନ ସମ୍ବର୍ଦ୍ଧନା ଦିଆଯାଇଛି । ଏଥିରେ ବିଦ୍ୟାଳୟ ପରିଚାଳନା କମିଟିର ସଭାପତି ସୋନୁ ମୁଦୁଲିଙ୍କ ସଭାପତିତ୍ୱରେ, ଗୋଟିଏ ସଭାର ଆୟୋଜନ କରାଯାଇଥିଲା । ଉକ୍ତ ସଭାରେ ଉପ- ସଭାପତି ତାରା ମାଝୀ, ସାମ୍ବାଦିକ ତଥା ଶିକ୍ଷାବିତ୍ ଶିବ ପ୍ରସାଦ କୀର୍ତ୍ତନିୟା,ସିଆରସିସି, ମାନସ ମହାପାତ୍ର, ଗାନ୍ଧୀନଗର ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଅରୁଣା ବେପାରୀ, ସହକାରୀ ଶିକ୍ଷୟିତ୍ରୀ ବେଲା ରାଣୀ ଶୀଲ ଏବଂ ସୁନୀତି ଗୋଲଦାର ଯୋଗଦେଇଥିଲେ । ଏହି ସଭାରେ ସମସ୍ତ ଅତିଥି ମାନେ ଶ୍ରୀମତୀ ଜଳ୍ପନା ରାୟଙ୍କ ଦୀର୍ଘ ୩୫ ବର୍ଷର ଶିକ୍ଷକତା ଜୀବନର ବିଭିନ୍ନ ଘଟଣା ବିଷୟରେ ବକ୍ତବ୍ୟ ପ୍ରଦାନ କରିବା ସଙ୍ଗେ ସଙ୍ଗେ, ଉପସ୍ଥିତ ସମସ୍ତ ଛାତ୍ରଛାତ୍ରୀ ମାନଙ୍କୁ ମନଦେଇ ପାଠ ପଢ଼ି ଉଜ୍ଜ୍ୱଳ ଭବିଷ୍ୟତ ଗଢ଼ିବା ସହିତ ଉତ୍ତମ ଚରିତ୍ର ଗଠନ ନିମନ୍ତେ ଉପଦେଶ ଦେଇଥିଲେ । ଏହି ଅବସରରେ ବିଦ୍ୟାଳୟ ପରିଚାଳନା କମିଟି ଏବଂ ଛାତ୍ର ଛାତ୍ରୀ ମାନଙ୍କ ତରଫରୁ ଶ୍ରୀମତୀ ଜଳ୍ପନା ରାୟଙ୍କୁ ବିଭିନ୍ନ ଉପଢୌକନ ଓ ଉପହାର ପ୍ରଦାନ କରାଯାଇଥିଲା । ସହକାରୀ ଶିକ୍ଷୟିତ୍ରୀ ବେଲା ରାଣୀ ଶୀଲ ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ ଓ ଶେଷରେ ଧନ୍ୟବାଦ ଅର୍ପଣ କରିଥିଲେ ।
