ପ୍ରଭାତ ମେମୋରିଆଲ ଟି-୨୦ କ୍ରିକେଟ୍ ସେମିରେ ଗଙ୍ଗପା
Rasmita Behera
ଭୁବନେଶ୍ୱର: ତମାଣ୍ଡୋ କ୍ରିକେଟ୍ କ୍ଲବ୍ ଆନୁକୂଲ୍ୟରେ ଚାଲିଥିବା ପ୍ରଭାତ ମେମୋରିଆଲ ଟି-୨୦ କ୍ରିକେଟ୍ ଟୁର୍ଣ୍ଣାମେଣ୍ଟ୍ର ଗ୍ରୁପ୍-"ବି'ର ଆଜିର ପ୍ରଥମ କ୍ୱାର୍ଟର ଫାଇନାଲ୍ରେ କଲ୍ୟାଣପୁରକୁ ୯୨ ରନ୍ରେ ପରାସ୍ତକରି ଗଙ୍ଗପା ସେମିଫାଇନାଲରେ ପ୍ରବେଶ କରିଛି । ଟସ୍ ଜିତି ଗଙ୍ଗପା ପ୍ରଥମେ ବ୍ୟାଟିଂ କରିଥିଲା । ଦଳ ଶୁଭେନ୍ଦୁ ପ୍ରଧାନଙ୍କ ବିସ୍ଫୋରକ ଶତକ (୪୫ ବଲ୍ ୧୧୪ ରନ୍) ଏବଂ ଶୁଭେନ୍ଦୁ ଶ୍ରୀଚନ୍ଦନଙ୍କ ଦ୍ରୁତ ଅର୍ଦ୍ଧଶତକ (୧୮ ବଲ୍ରେ ୫୨ ରନ୍) ବଳରେ ୨୦ ଓଭରରେ ୭ ୱିକେଟ୍ ହରାଇ ୨୯୨ ରନର ବିଶାଳ ସ୍କୋର କରିଥିଲା । ବିପକ୍ଷ ଦଳର ସୂର୍ଯ୍ୟକାନ୍ତ ମଲ୍ଲିକ ୩ଟି ଓ ଜଗତପ୍ରିୟ ରାଉତରାୟ ୨ଟି ୱିକେଟ୍ ନେଇଥିଲେ । ୨୯୩ ରନ୍ ବିଜୟ ଲକ୍ଷ୍ୟର ପିଛା କରିଥିବା କଲ୍ୟାଣପୁର ଦଳ ୨୦ ଓଭରରେ ୯ ୱିକେଟ୍ ହରାଇ ୨୦୦ ରନ୍ କରିବାକୁ ସମର୍ଥ ହୋଇଥିଲା । ଦଳ ପକ୍ଷରୁ ବସନ୍ତ କୁମାର ସାହୁ ୨୩ ବଲରେ ୫୧ ରନ୍ ଏବଂ ଗିରିଶ ନାୟକ ୧୭ ବଲରେ ୩୯ ରନ୍ କରିଥିଲେ । ଗଙ୍ଗପା ପକ୍ଷରୁ ରଶ୍ମୀରଞ୍ଜନ ଜେନା ୩ଟି ଏବଂ ଶୁଭେନ୍ଦୁ ପ୍ରଧାନ ୨ଟି ୱିକେଟ୍ ନେଇଥିଲେ । ଶୁଭେନ୍ଦୁ ପ୍ରଧାନ ମ୍ୟାନ୍ ଅଫ୍ ଦି ମ୍ୟାଚ୍ ବିବେଚିତ ହୋଇ ଆଜିର ଅତିଥି ସମାଜସେବୀ ଗୁନ ବେହେରାଙ୍କ ଠାରୁ ପୁରସ୍କାର ଗ୍ରହଣ କରିଥିଲେ । ମ୍ୟାଚ୍ ପରିଚାଳନା କରିଥିଲେ ଅକ୍ଷୟ ସ୍ୱାଇଁ ଏବଂ ସୁଶାନ୍ତ କୁମାର ପଟ୍ଟନାୟକ । ଆସନ୍ତାକାଲି ଦ୍ୱିତୀୟ କ୍ୱାର୍ଟ ଫାଇନାଲ ମ୍ୟାଚ୍ ତମାଣ୍ଡୋ ଏବଂ ମେଣ୍ଢାଶାଳ ମଧ୍ୟରେ ଅନୁଷ୍ଠିତ ହେବ ।
