ବସରୁ ଦାଦାବଟି ଆଦାୟ ; ୩ ଗିରଫ
Jitendra Sahu
4264
ଭୁବନେଶ୍ୱର, ୭ା୯ : ଜୟଦେବ ବାଟିକା ଛକରେ ଏକ ଘରୋଇ ବସରୁ ଜୋରଜବରଜସ୍ତ ଦାଦାବଟି ଆଦାୟ କରୁଥିବା ଅଭିଯୋଗ । ଅଭିଯୋଗ ପରେ ୩ ଜଣ ଦାଦାକୁ ଗିରଫ କଲା ଭରତପୁର ଥାନା ପୁଲିସ । ଗିରଫ ୩ ଅଭିଯୁକ୍ତ ହେଲେ, ଭରତପୁର ଆୟୁରବେଦୀ ରୋଡ ଅଞ୍ଚଳର ସପନୀ ମଙ୍ଗରାଜ, ନୟାପଲ୍ଲୀ ଗଡ଼ସାହିର ଜିତୁ ନାୟକ ଓ ବରମୁଣ୍ଡା ହାଉସିଂ ବୋର୍ଡ କଲୋନୀର ହୁର୍ସିକେଶ ଜେନା । ସେମାନଙ୍କ ଠାରୁ ୨୪୦୦ ଟଙ୍କା ଓ ୧୦ଟି ପିଙ୍କ୍ ରଙ୍ଗର ଟକେଟ୍ ବହି ଜବତ କରାଯାଇଛି । ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନା ଯୋଗ୍ୟଯେ, ଗତ ୬ ତାରିଖ ଅପରାହ୍ନ ସମୟରେ ଅଭିଯୋଗକାରୀ ପିକୁ ସାହୁ ତାଙ୍କ ବସ ଟିକୁ ଜୟଦେବ ବାଟିକା ଅଞ୍ଚଳରେ ପାର୍କ କରିଥିବା ବେଳେ, ୩ ଅଭିଯୁକ୍ତ ସେଠାରେ ପହଞ୍ଚି ୨୦୦ ଟଙ୍କା ଦାଦାବଟି ମାଗିଥିଲେ । ହେଲେ ଅଭିଯୋଗକାରୀ ଦାଦାବଟି ଦେବାକୁ ମନା କରିବାରୁ ଅଭିଯୁକ୍ତମାନେ ତାଙ୍କୁ ଗାଳିଗୁଲଜ କରିବା ସହ ଆକ୍ରମଣ କରି ହତ୍ୟା ଧମକ ଦେଇଥିଲେ । ଏନେଇ ଅଭିଯୋଗକାରୀ ଭରତପୁର ଥାନାକୁ ଯାଇ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ୩ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ।
