ବାଇକ୍-ଅଟୋ ମୁହାମୁହିଁ, ଶିଶୁ ମୃତ
Rasmita Behera
ଆସିକା : ଗଞ୍ଜାମ ଜିଲ୍ଲା ଆସିକା ବ୍ଲକ କଲେଜ ଛକ ଶିତଳାଇ ମନ୍ଦିର ନିକଟରେ ମର୍ମନ୍ତୁଦ ସଡ଼କ ଦୁଟଣା ଘଟି ଗୋଟିଏ ଶିଶୁ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ହୋଇଛନ୍ତି । ବାଇକ୍ ସହ ଡାଲା ଅଟୋ ମୁହାମୁହିଁ ଧକ୍କା ହେବା ଫଳରେ ଚାରି ବର୍ଷର ଝିଅ ଶୁଭସ୍ମିତା ବିଷୋୟୀଙ୍କ ମୃତ ଏବଂ ଜଣେ ଯୁବକ ଗୁରୁତର ହୋଇଛି । ସୂଚନା ଅନୁସାରେ ଗୁଡିଆଳି ଗ୍ରାମର ୨୯ ବର୍ଷୀୟ ପିଣ୍ଟୁ ବିଷୋୟୀ ଏବଂ ତାଙ୍କ ମାଉସୀ ଝିଅ ଭଉଣୀ ପ୍ରମିଳା ବିଷୋୟୀ ଓ ଚାରି ବର୍ଷର ଭାଣିଞ୍ଜି ସୁଭସ୍ମିତା ବିଷୋୟୀକୁ ବାଇକରେ ରୁମାଗଡକୁ ଛାଡ଼ି ବାକୁ ଯାଉଥିବା ସମୟରେ ଆସିକାରୁ କଲେଜ ଛକ ଅଭିମୁଖେ ଆସୁଥିବା ଡାଲା ଅଟୋ ସହ ମୁହାଁମୁହିଁ ଧକ୍କା ହୋଇଥିଲା । ଘଟଣା ସ୍ଥଳରେ ଚାରି ବର୍ଷର ଝିଅ ସୁଭସ୍ମିତା ବିଷୋୟୀ ଓ ପିଣ୍ଟୁ ବିଷୋୟୀ ଘଟଣା ଗୁରୁତର ହୋଇଥିବା ବେଳେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଆସିକା ମେଡିକାଲରେ ଭର୍ତ୍ତି କରିଥିଲେ । ଡାକ୍ତର ସେଠାରେ ଚାରି ବର୍ଷର ଝିଅ ସୁଭସ୍ମିତାଙ୍କୁ ମୃତ ଘୋଷଣା କରିଥିଲେ । ଆହାତ ପିଣ୍ଟୁଙ୍କ ସ୍ୱାସ୍ଥ୍ୟବସ୍ଥା ଗୁରୁତର ଥିବା ବେଳେ ତାଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଖବର ପାଇ ଘଟଣା ସ୍ଥଳରେ କୋଟିନଡ଼ା ପୁଲିସ ପହଞ୍ଚି ଡାଲା ଅଟୋକୁ ଜବତ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
