ବିରଜାକ୍ଷେତ୍ର ପରିକ୍ରମା ରଥକୁ ସ୍ୱାଗତ ସମ୍ବର୍ଦ୍ଧନା
Rasmita Behera
ଯାଜପୁର ଟାଉନ: ଅଧିଷ୍ଠାତ୍ରୀ ଦେବୀ ମା’ବିରଜା ମନ୍ଦିର ଠାରେ ବିରଜାକ୍ଷେତ୍ର ପରିକ୍ରମାର ଚତୁର୍ଥ ଦିବସ ଯାତ୍ରାକୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି । ବିରଜା ମନ୍ଦିର ପରିସରରେ ସାଧୁ ସନ୍ଥଙ୍କ ପବିତ୍ର ଜୟଧ୍ୱନି ଓ ସଂକୀର୍ତନ ମଣ୍ଡଳୀଙ୍କ ନାମ ସଂକୀର୍ତନ ଓ ଘଣ୍ଟୁଆଙ୍କ ଘଣ୍ଟନାଦ ବିରଜାକ୍ଷେତ୍ର ପବିତ୍ରତାରେ ଝଙ୍କୃତ କରିଥିଲା । ମୁକ୍ତିମଣ୍ଡପ ସେବାୟତ ପରିଷଦ ପକ୍ଷରୁ ବରିଷ୍ଠ ସେବାୟତ ସୁବାସ ଚନ୍ଦ୍ର ପାଣି, ସେବାୟତ ଜଗନ୍ନାଥ ପାଣି, ପ୍ରବଚକ ଅଧିକାରୀ ନବକିଶୋର ଦାସ, ବିରଜା ସାହିତ୍ୟ ସଂସ୍କୃତି ଗବେଷଣା ପରିଷଦର ବାର୍ତା ସମ୍ପାଦକ ମୀନକେତନ ସାହୁ, ସୂର୍ଯ୍ୟ କର, ଗୋପୀନାଥ ଗଜପତି ଭୁୟାଁ ପ୍ରମୁଖ ·ରିଟେବୁଲ୍ ଟ୍ରଷ୍ଟ ପକ୍ଷରୁ ବିରଜାକ୍ଷେତ୍ର ପରିକ୍ରମା ଯାତ୍ରାକୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇ ପରିକ୍ରମା ଯାତ୍ରାକୁ ସଂ·ଳନ କରିଥିଲେ । ବରିଜାକ୍ଷେତ୍ର ପରିକ୍ରମା ଓ ରୁଦ୍ର ଯଜ୍ଞ ମହୋତ୍ସବର ଅଧ୍ୟକ୍ଷ ଉଦୟାନନ୍ଦ ପର୍ବତ ମହାରାଜଙ୍କ ମାର୍ଗଦର୍ଶନରେ ବିରଜାକ୍ଷେତ୍ର ପରିକ୍ରମାର ପବିତ୍ର ଯାତ୍ରା ବିରଜା ମନ୍ଦିର ଠାରୁ ଶତାଧିକ ସାଧୁସନ୍ଥ, ସଂକୀର୍ତନ ମଣ୍ଡଳୀ ଓ ଶ୍ରଦ୍ଧାଳୁଙ୍କ ସହିତ ବିରଜା ପରିକ୍ରମା ରଥ ପ୍ରଭୁ ବେଲେଶ୍ୱର ରୁଦ୍ରମହାଯଜ୍ଞ ସ୍ଥଳ ଅଭିମୁଖେ ଯାତ୍ରା କରିଛନ୍ତି ।
