ବେପାରୀ ଗିରଫ ; ୧୭୦ ଗ୍ରାମ ବ୍ରାଉନସୁଗାର ଜବତ
Jitendra Sahu
5519
ଭୁବନେଶ୍ୱର, ୨୯ା୪ : କ୍ୟାପିଟାଲ ଥାନା ଅଧିନ ଗଙ୍ଗନଗର ଛକରେ ଧଳାଜହର ବେପାରୀକୁ ମାଡି ବସିଲା ଭୁବନେଶ୍ୱର ଅବକାରୀ ପୁଲିସ ଟିମ । ଅଭିଯୁକ୍ତ ଠାରୁ ୨ ଲକ୍ଷ ଟଙ୍କାର ୧୭୦ ଗ୍ରାମ ବ୍ରାଉନସୁଗାର ଓ ଏକ ବାଇକ ଜବତ କରାଯାଇଛି । ଗିରଫ ଅଭିଯୁକ୍ତ ହେଲା, ଗଙ୍ଗନଗର ଅଞ୍ଚଳର ସୁମିତ ପାତ୍ର ।
ସୂଚନାଯୋଗ୍ୟଯେ, ସୋମବାର ସକାଳୁ ଭୁବନେଶ୍ୱର ଅବକାରୀ ପୁଲିସ ଟିମ କ୍ୟାପିଟାଲ ଥାନା ଅଞ୍ଚଳରେ ପାଟ୍ରୋଲିଂ ଚଳାଇଥିଲା । ଏହି ସମୟରେ ଗଙ୍ଗନଗର ଛକ ପୂଜା ମଣ୍ଡପ ନିକଟରେ ଜଣେ ଯୁବକ ବାଇକରେ ଛିଡ଼ା ହୋଇ କିଛି ଗ୍ରାହକଙ୍କୁ ଧଳାଜହର ବିକ୍ରି କରୁଥିବା ଟିମ ଖବର ପାଇଥିଲା । ଖବର ପାଇ ସଙ୍ଗେ ସଙ୍ଗେ ସେଠାରେ ଚଢ଼ାଉ କରି ଅଭିଯୁକ୍ତକୁ ଗିରଫ କରିବା ସହ ତାଠାରୁ ୧୭୦ ଗ୍ରାମ ବ୍ରାଉନସୁଗାର ଜବତ କରାଯାଇଛି । ପରେ ତାକୁ ଥାନାକୁ ଅଣାଯିବା ସହ ଏନଡ଼ିପିଏସ୍ ରେ କୋର୍ଟ ଚାଲାଣ କରାଯାଇଛି ।
