ସେବା ସଂଗଠନ ଅର୍ପଣ ଲୋକାର୍ପିତ
Rasmita Behera
ଜଗତସିଂହପୁର, ଦଳ ମତ ନିର୍ବିଶେଷରେ ସମସ୍ତେ ଏକାଠି ହୋଇ କାମ କଲେ ଜିଲାର ବିକାଶ ରଥ ଆଗକୁ ଗଡି ପାରିବ ବୋଲି ଜଗତସିଂହପୁର ଜିଲା ସାମ୍ବାଦିକ ସଂଘ(ଉକ୍ରଳ ସାମ୍ବାଦିକ ସଂଘ, ଓଡିଶା ଅନୁବନ୍ଧିତ)ଆନୁକୂଲ୍ୟରେ ନବ ନିର୍ବାଚିତ ସାଂସଦ ଓ ବିଧାୟକ ମାନଙ୍କୁ ସମ୍ବର୍ଦ୍ଧନା ସମାରୋହ ଓ ଜିଲା ସଂଘ ଆନୁକୂଲ୍ୟରେ ସେବା ସଂଗଠନ ଅର୍ପଣର ଲୋକାର୍ପଣ ଉତ୍ସବରେ ଯୋଗ ଦେଇ ଅତିଥି ମାନେ ମତ ପ୍ରକାଶ କରିଛନ୍ତି । ସ୍ଥାନୀୟ ଆଦିକବି ସାରଳା ଦାସ ସଂସ୍କୃତି ଭବନ ପରିସରରେ ସଭାପତି ମନୋଜ କୁମାର ଦାଶଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ପାରାଦୀପର ନବନିର୍ବାଚିତ ବିଧାୟକ ତଥା ଶିଳ୍ପ,ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ, ସାଂସଦ ବିଭୁ ପ୍ରସାଦ ତରାଇ, ବାଲିକୁଦା-ଏରସାମ ବିଧାୟକ ସାରଦା ପ୍ରସନ୍ନ ଜେନା, ଜଗତସିଂହପୁର ବିଧାୟକ ଅମରେନ୍ଦ୍ର ଦାସ, ର୍ତିେତ୍ତାଲ ବିଧାୟକ ରମାକାନ୍ତ ଭୋଇ, ଉକ୍ରଳ ସାମ୍ବାଦିକ ସଂଘ ରାଜ୍ୟ ସଭାପତି ବିଭୁତି ଭୂଷଣ କର ଓ ରୋଟାରିୟାନ ଯଜ୍ଞାଶିଷ ମହାପାତ୍ର ଓ ଉକ୍ରଳ ସାମ୍ବାଦିକ ସଂଘ ରାଜ୍ୟ ସମ୍ପାଦକ ରାଧାକାନ୍ତ ମିଶ୍ର ପ୍ରମୁଖ ଯୋଗଦେଇ ସେବା ମନବୃତ୍ତି ନେଇ ସମସ୍ତେ ଆଗେଇ ଆସିବାକୁ ଆହ୍ୱାନ ଦେଇଥିଲେ । ଉପସ୍ଥିତ ସମସ୍ତ ଅତିଥି ଙ୍କ ସହ ସମସ୍ତ ନବ ନିର୍ବାଚିତ ବିଧାୟକ ଓ ସାଂସଦଙ୍କୁ ସଂଘ ପକ୍ଷରୁ ସମ୍ବର୍ଦ୍ଧିତ କରାଯିବା ସହ ଅତିଥି ମାନଙ୍କ ହାତରେ ସେବା ସଂଗଠନ ଅର୍ପଣର ଲୋକାର୍ପଣ କରାଯାଇଥିଲା । ଲୋକାର୍ପଣ ପରେ ଅର୍ପଣ ପକ୍ଷରୁ ଆର୍ଥିକ ଅଭାବ ଯୋଗୁଁ ପାଠ ପଢିପାରୁନଥିବା ଦୁଇ ଜଣ ମେଧାବୀ ଛାତ୍ରୀଙ୍କୁ ୫ ହଜାର ଲେଖାଏଁ ଆର୍ଥିକ ସହାୟତା ରାଶି ପ୍ରଦାନ କରାଯାଇଥିଲା । ଉତ୍ସବରେ ସଂଘ ସାଧାରଣ ସମ୍ପଦ ସାଧାରଣ ସମ୍ପାଦକ ନିରଞ୍ଜନ ବାରିକ ଜଗତସିଂହପୁର ଜିଲା ସାମ୍ବାଦିକ ସଂଘ ଓ ଅର୍ପଣର ଆଭିମୁଖ୍ୟ ବାବଦରେ ସୂଚନା ଦେଇଥିବା ବେଳେ ସଂଗଠନ ସମ୍ପାଦକ ଅମରଜ୍ୟୋତି ସାହୁ ସ୍ୱାଗତ ଭାଷଣ ଓ କୋଷଧକ୍ଷ ମାନଶ କୁମାର କାନୁନଗୋ ଧନ୍ୟବାଦ ଅର୍ପଣ କରିଥିଲେ ।
