ଭିସା ଷ୍ଟିଲ ପକ୍ଷରୁ ମାଗଣା ଚକ୍ଷୁ ପରୀକ୍ଷା ଶିବିର
Rasmita Behera
କଳିଙ୍ଗନଗର: ଭିସାଷ୍ଟିଲ କଳିଙ୍ଗନଗର ତରଫରୁ ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି । ନିକଟସ୍ଥ ରୁଗୁରୁଙ୍ଗା, ବାଳୁଙ୍ଗାବନ୍ଦୀ କ୍ଲବ ଗୃହ ପରିସରରେ ମାଗଣା ଚକ୍ଷୁ ପରୀକ୍ଷା ଶିବିରରେ ଆଖପାଖ ଅଞ୍ଚଳର ପ୍ରାୟ ୮୦ଜଣ ଯୋଗଦାନ କରି ନିଜର ଚକ୍ଷୁ ପରୀକ୍ଷା କରାଇଥିଲେ । ଭିସା କାରଖାନାର ସିଏସଆର. ବିଭାଗର କର୍ମଚାରୀ, କାରଖାନାର ଶ୍ରମିକ ସଂଘର କର୍ମଚାରୀ ଅଭିଜ୍ଞ ଡାକ୍ତର ଶିବିରକୁ ପରିଚାଳନା କରିଥିଲେ । ଶିବିରରେ ପ୍ରାୟ୧୫ଜଣ ମୋତିଆବିନ୍ଦୁ ଚିହ୍ନଟ ହୋଇଥିଲେ ଓ ସେମାନଙ୍କୁ ଭିସା କାରଖାନା ତରଫରୁ ମାଗଣା ଅସ୍ତ୍ରୋପଚାର କରାଯିବ ବୋଲି କାରଖାନାର ସିଏସଆର ବିଭାଗ ସାମ୍ବାଦିକଙ୍କୁ ସୂଚନା ଦେଇଥିଲେ । ଅସ୍ତ୍ରୋପଚାର କରିବାପାଇଁ କାରଖାନା ସମସ୍ତ ଖର୍ଚ ବହନ କରିବ ବୋଲି ସୂଚନା ଦିଆଯାଇଥିଲା । ଆସନ୍ତା ଡିସେମ୍ବର ୪ତାରିଖରେ କମ୍ପାନୀର ପ୍ରତିଷ୍ଠା ଦିବସ ଉପଲକ୍ଷେ ସପ୍ତାହେ ବ୍ୟାପି ବିଭିନ୍ନ ଉନ୍ନୟନମୂଳକ କାର୍ଯ୍ୟକ୍ରମର ଯୋଜନା ରହିଅଛି ବୋଲି କାରଖାନାର ନିର୍ଦେଶକ ମନୋଜ କୁମାର କହିଥିଲେ ଓ ଏହି ଚକ୍ଷୁ ପରୀକ୍ଷା ଶିବିର ନିକଟସ୍ଥ ମାରୁଟିକର, କୁମ୍ଭୀରଗଡିଆ ଠାରେ ଅନୁଷ୍ଠିତ ହୋଇଥିଲା ।
