ଭୁଶୁଡିଲା କଲ୍ଭର୍ଟ, ବାଟୋଇ ହନ୍ତସନ୍ତ
Rasmita Behera
ାା ପ୍ରଭାନୁ୍ୟଜ୍ ।ା ତାଳଚେର : ତାଳଚେର ପୌରପରିଷଦ ୧୫ନମ୍ବର ୱାର୍ଡ଼ ହାଟତୋଟା ମୁଖ୍ୟ ବଜାର ତାରିଣୀ ମନ୍ଦିରଠାରୁ ଉପଜିଲ୍ଳାପାଳ କାର୍ଯ୍ୟାଳୟ ଯାଇଥିବା ରାସ୍ତା ଉପରେ ପଡିଥିବା କଲଭର୍ଟଟି କିଛି ମାସତଳେ ନିର୍ମାଣ କରାଯାଇଥିଲା । ଏହି କଲଭର୍ଟ ଏତେ ନିମ୍ନମାନର କରାଯାଇଥିଲା ଯେ ହଠାତ୍ ଆଜି ଏହାର କିଛି ଅଂଶ ଭୂଷୁଡି ପଡିଛି । ଫଳରେ ଏହି ରାସ୍ତାଦେଇ ଗାଡି ଚଳପ୍ରଚଳରେ ଅସୁବିଧା ଉପଜୁବା ସହିତ ଟ୍ରାଫିକ ସମସ୍ୟା ଦେଖାଦେଇଥିଲା । ଏହାକୁ ମରାମତି କରାଯିବାକୁ ବଜାର କମିଟି ପକ୍ଷରୁ ଦାବି ହେଉଥିଲେ ମଧ୍ୟ ପୌରପରିଷଦ କତ୍ତୃପକ୍ଷ ଏଥିପ୍ରତି ଧ୍ୟାନ ଦେଉ ନାହାନ୍ତି ବୋଲି ଅଭିଯୋଗ କରିଛନ୍ତି । ପଥଚାରୀମାନେ ଜାଣିବା ପାଇଁ ସେହି ସ୍ଥାନରେ ଏକ ଭଙ୍ଗା ବାଉଁଶ ଓ ନାଲିପତାକା ମାରିଦେଇ ପୌରପରିଷଦ ନିଜର କର୍ତବ୍ୟ ସାରି ଦେଇଥିବା ବେଳେ ଆଜି ହଠାତ୍ ଏକ ବୋଲେରୋ ସେଠାରେ ଫସି ରହିଥିବା କିଛି ଦୋକାନୀ ଏହା ପ୍ରକାଶ କରିଛନ୍ତି । ତେବେ ପୌରପରିଷଦ ପକ୍ଷରୁ ସମ୍ପୃକ୍ତ ଠିକାଦାର ଉପରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ ତାକୁ ନେଇ ବିଭିନ୍ନ ମହଲରେ ପ୍ରଶ୍ନ ସୃଷ୍ଟି କରିଛି ।
