ମା’ବୁଢୀ ଜାଗୁଳାଈ ଦିବାରାତ୍ର ଭଲିବଲ ଟୁର୍ଣ୍ଣାମେଣ୍ଟ ଉଦ୍ୟାଯିତ
Rasmita Behera
ଭଣ୍ଡାରିପୋଖରୀ: ଭଣ୍ଡାରିପୋଖରୀ ବ୍ଲକ ବିଷ୍ଣୁପୁର ସ୍କୁଲ ପଡିଆରେ ରବିବାର ଦିବାରାତ୍ର ଭଲିବଲ୍ ଟୁର୍ଣ୍ଣାମେଣ୍ଟ ଉଦ୍ୟାପିତ ହୋଇଯାଇଛି । ଗ୍ରାମର ମା’ ବୁଢୀ ଜାଗୁଳାଇ ଯୁବ କ୍ଲବ ଆନୁକୂଲ୍ୟରେ ଓ ଗ୍ରାମ ସ୍କୁଲ ପଡିଆରେ ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟରେ ଗଡସଙ୍ଗ କ୍ଲବ ଚାମ୍ପିଅନ ଓ ବାଲିଖଣ୍ଡ କ୍ଲବ ରନରସପ ହୋଇଛି । ସ୍ଥାନୀୟ ସରପଞ୍ଚ ଅମୂଲ୍ୟ କୁମାର ନାୟକ ମୁଖ୍ୟଅତିଥି ଭାବେ ଯୋଗ ଦେଇ ଚାମ୍ପିଅନ ଓ ରନରସପ ଦଳକୁ ପୁରସ୍କୃତ କରିଥିଲେ । ଲିଗ ପର୍ଯ୍ୟାୟରେ ମ୍ୟାଚ ୨ଟି ପୁଲରେ ଅନୁଷ୍ଠିତ ହୋଇଥିଲା । କହ୍ନେଇବିନ୍ଧା, ବାଲିଖଣ୍ଡ, ଭଦ୍ରକ ଷ୍ଟାଡିଅମ, ଗଡସଙ୍ଗ, ଚାନ୍ଦବାଲି ଓ ବନ୍ତ ତରାପୁର ଆଦି ମୋଟ ୬ଟି ଦଳ ଏହି ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିଥିଲେ । ଅମ୍ପାୟାର ଯତୀନ୍ଦ୍ରନାଥ ଜେନା ଓ ପ୍ରଦୀପ କୁମାର ପଣ୍ଡା ଅମ୍ପାୟାର ଭାବେ ମ୍ୟାଚ ପରିଚାଳନା କରିଥିଲେ । କ୍ଲବ ପକ୍ଷରୁ ସମ୍ପାଦକ ଭଗବାନ ମହାନ୍ତି, ଉପାଧ୍ୟକ୍ଷ ସୌମ୍ୟରଞ୍ଜନ ପାତ୍ର, ଜଗନ୍ନାଥ ଜେନା ପ୍ରମୁଖ ସଦସ୍ୟମାନେ ଟୁର୍ଣ୍ଣାମେଣ୍ଟ ପରିଚାଳନା କରିଥିଲେ ।
