ରାମକୃଷ୍ଣ ହେଲେ ଦଇତା ନିଯୋଗ ସମ୍ପାଦକ
Rasmita Behera
ପୁରୀ : ମହାପ୍ରଭୁ ଶ୍ରୀ ଜଗନ୍ନାଥଙ୍କ ଦଇତାପତି ନିଯୋଗର ନିର୍ବାଚନ ଶେଷ ହୋଇଛି । ୧୫ଜଣିଆ କମିଟି ନିର୍ବାଚିତ ହେବା ପରେ ସୋନଙ୍କ ମଧ୍ୟରୁ ୨ଜଣଙ୍କୁ ସଭାପତି ଓ ସମ୍ପାଦକ ଭାବେ ମନୋନିତ କରାଯାଇଛି । ଦ୍ୱିତୀୟ ଥର ପାଇଁ ରାମକୃଷ୍ଣ ଦାସମହାପାତ୍ର ସମ୍ପାଦକ ଭାବେ ମନୋନିତ ହୋଇଥିବା ବେଳେ ଗଣେଶ ଦାସମହାପାତ୍ର ସଭାପତି ଭାବେ ମନୋନିତ ହୋଇଛନ୍ତି । ସେହିଭଳି ନିଯୋଗର ଉପସଭାପତି ଭାବେ ଗଣପତି ଦାସମହାପାତ୍ର, ସହ ସଂପାଦକ ଭାବେ ଜଗବନ୍ଧୁ ଦାସମହାପାତ୍ର, କୋଷାଧ୍ୟକ୍ଷ ଭାବେ କାର୍ତ୍ତିକ ଦାସମହାପାତ୍ର ମନୋନିତ ହୋଇଛନ୍ତି । ଏହି କମିଟି ଆସନ୍ତା ୩ବର୍ଷ ପାଇଁ କାର୍ଯ୍ୟ କରିବ । ନିଯୋଗର ସଂପାଦକ ଭାବେ ମନୋନିତ ହେବା ପରେ ରାମକୃଷ୍ଣ ଦାସମହାପାତ୍ର ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ଆସନ୍ତା ରଥଯାତ୍ରାରେ ଠାକୁରଙ୍କ ନୀତିକାନ୍ତି ଶୃଙ୍ଖଳିତ ଭାବେ କରାଯିବା ପାଇଁ ଆମେ ପ୍ରତିଶ୍ରୁତିବଦ୍ଧ । ଯୁବ ଓ ଅଭିଜ୍ଞ ଦଇତାପତିମାନଙ୍କ ମଧ୍ୟରେ ଉପଯୁକ୍ତ ସମନ୍ୱୟ ରକ୍ଷା କରାଯାଇ ଅନବରସର ସମସ୍ତ ଗୁପ୍ତନୀତି ଓ ସ୍ନାନଯାତ୍ରା ଠାରୁ ନୀଳାଦ୍ରି ବିଜେ ପର୍ଯ୍ୟନ୍ତ ଶ୍ରୀମନ୍ଦିର ପ୍ରଶାସନ ଦ୍ୱାରା ସ୍ଥିରୀକୃତ ହୋଇଥିବା ନୀତି ନିର୍ଘଣ୍ଟକୁ ଅନୁପାଳନ କରାଯିବ । ଗତ ବର୍ଷ ଆଡ଼ପ ପହଣ୍ଡି ବେଳେ ପ୍ରଭୁ ବଳଭଦ୍ର ତାଳଧ୍ୱଜ ରଥରୁ ଖସିପଡ଼ି ମୁହଁମାଡ଼ି ପଡ଼ିବାରୁ ଦଇତାପତିମାନେ ଶିକ୍ଷାଲାଭ କରିଛନ୍ତି । ଚଳିତ ବର୍ଷ ଯୁବ ଓ ଅଭିଜ୍ଞ ଦଇତାପତିଙ୍କ ମଧ୍ୟରେ ସମନ୍ୱୟ ରକ୍ଷା କରି ପହଣ୍ଡି ବିଜେ କରାଯିବ ।
