ରାସ୍ତା କାମକୁ ବିରୋଧ କରି ମାଓ ପୋଷ୍ଟର ଲଗାଇଲେ ମାଓବାଦୀ
Rasmita Behera
ମାଲକାନଗିରି : ମାଲକାନଗିରି ଜିଲ୍ଲା ଜିଲ୍ଲା ସୀମାନ୍ତ ଛତିଶଗଡ ରାଜ୍ୟର ବିଜାପୁର ଜିଲ୍ଲାରେ ସଡ଼କ ନିର୍ମାଣ କାର୍ଯ୍ୟକୁ ବିରୋଧ କରି ନକ୍ସଲମାନେ ରାସ୍ତାରେ ପକାଇଲେ ପୋଷ୍ଟର । ମିଳିଥିବା ସୂଚନା ଅନୁଯାୟୀ ବିଜାପୁର ଜିଲ୍ଲା ତୋୟନାର ଥାନା ଅନ୍ତର୍ଗତ ସେଗଡ ଯିବା ମାର୍ଗରେ ନକ୍ସଲ ତୋୟନାର ଠାରୁ ଫରସେଗଡ ମଧ୍ୟରେ ପକାଇଛନ୍ତି ପୋଷ୍ଟର । ତେବେ ଏଠାରେ ବର୍ତ୍ତମାନ ପିଚୁ ସଡ଼କ ନିର୍ମାଣ କାର୍ଯ୍ୟ ଜାରି ରହିଛି । ଏହି ସଡ଼କ ନିର୍ମାଣ କାର୍ଯ୍ୟକୁ ବିରୋଧ କରି ନକ୍ସଲମାମାନେ ଅଞ୍ଚଳର ବିଭିନ୍ନ ରାସ୍ତା ଉପରେ ନକ୍ସଲ ପୋଷ୍ଟର ପକାଇଥିବା ଦେଖୁବାକୁ ମିଳିଛି । ପିଚୁ ସଡ଼କ ନିର୍ମାଣ ହେବା ପରେ ସୁରକ୍ଷ ରକ୍ଷାବାହିନୀ ବିଭିନ୍ନ ଆଭ୍ୟନ୍ତରୀଣ ଅଞ୍ଚଳରେ ପହଁଞ୍ଚିବାକୁ ସହଜ ହେବ । ଯାହା ଫଳରେ ପୁଲିସକୁ ଲିସକୁ ନକ୍ସଲ ସଂଗଠନ ଉପରେ ପ୍ରହାର କରିବା ସହଜ ହୋଇପାରିବ । ନକ୍ସଲ ସଂଗଠନ ଏଥିପାଇଁ ସଡ଼କ ନିର୍ମାଣ କାର୍ଯ୍ୟକୁ ବିରୋଧ କରି ଏଭଳି କାଣ୍ଡ ଭିଆଇଛନ୍ତି । ଏହାପରେ ସମ୍ପୃକ୍ତ ଅଞ୍ଚଳରେ ଭୟର ବାତାବରଣ ଖେଳି ଯାଇଥିବା ବେଳେ ଅଞ୍ଚଳରେ ଯବାନଙ୍କ ପକ୍ଷରୁ ତଲାସି ଅଭିଯାନକୁ ବଢାଇ ଦିଆଯାଇଛି ।
