ହତ୍ୟା ଅଭିଯୁକ୍ତଙ୍କୁ ଆଜୀବନ କାରାଦଣ୍ଡ
Rasmita Behera
5837
ନୀଳଗିରି: ଏକ ହତ୍ୟା ଘଟଣାରେ ଅଭିଯୁକ୍ତଙ୍କୁ ବାଲେଶ୍ୱର ସ୍ୱତନ୍ତ୍ର ଓପିଆଇଡି କୋର୍ଟ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । ସୂଚନା ଅନୁସାରେ ନୀଳଗିରି ଥାନା ଅନ୍ତର୍ଗତ ପିଛାବଣିଆ ଗ୍ରାମର ଏକ ଜମିର ହିଡ ହଣା ଘଟଣାକୁ କେନ୍ଦ୍ର କରି ଉକ୍ତ ଗ୍ରାମର ସମରେନ୍ଦ୍ର ମଲ୍ଲିକ ବାଇଧର ବର୍ଶଲ୍ଙ୍କୁ ହତ୍ୟା କରିଥିଲା । ଉକ୍ତ ଘଟଣା ୨୦୨୨ ମସିହାରେ ଘଟିଥିବା ବେଳେ ନୀଳଗିରି ଥାନାରେ ୨୨୧ ନମ୍ୱର ମାମଲା ରୁଜୁ କରାଯାଇ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଥିଲା । ତଦନ୍ତକାରି ଅଧିକାରୀ ସବ୍ ଇନ୍ସପେକ୍ଟର ବିରଞ୍ଚି ସାହୁ ଘଟଣାର ସତ୍ୟତା ଉପରେ ତଦନ୍ତ କରିଥିଲେ । ୧୫ଜଣ ସାକ୍ଷୀଙ୍କ ବୟାନ ଓ ୧୮ଟି ଦଲିଲ୍ ଦସ୍ତାବିଜ୍କୁ ଆଧାର କରି କୋର୍ଟ ଅଭିଯୁକ୍ତ ସମରେନ୍ଦ୍ର ମଲ୍ଲିକକୁ ଆଜୀବନ କାରାଦଣ୍ଡ ସହ ପାଞ୍ଚ ହଜାର ଟଙ୍କା ଜରିମାନା ନିଦେ୍ର୍ଦଶ ଦେଇଛନ୍ତି । ଏହି ମାମଲାରେ ସରକାରଙ୍କ ପକ୍ଷରୁ ସ୍ୱତନ୍ତ୍ର ପ୍ରସକୁ୍ୟଟର୍ ପ୍ରଣବ ପଣ୍ଡା ମକଦ୍ଦମା ପରିଚାଳନା କରିଥିଲେ ।
