ଲୁଟେରା ଗିରଫ ; ୬ ମୋବାଇଲ ଓ ଟଙ୍କା ଜବତ
Jitendra Sahu
ଭୁବନେଶ୍ୱର, ୦୧ା୬ : ୨ ଜଣ ଲୁଟେରା ବିଭିନ୍ନ ହଷ୍ଟେଲରୁ ମୋବାଇଲ ଚୋରି କରି ବସ୍ତିରେ ଚୋରା ମୋବାଇଲ ବିକ୍ରି କରୁଥିବା ବେଳେ ଲୁଟେରାକୁ କାବୁ କରିଛି ଖଣ୍ଡଗିରି ଥାନା ପୁଲିସ । ଗିରଫ ଅଭିଯୁକ୍ତ ହେଲା, ଗଞ୍ଜାମ ଜିଲ୍ଲାର ସିମାଞ୍ଚଳ ଜେନା । ଏଠାରେ ସେ ଖଣ୍ଡଗିରି ସୁବାଷ ନଗର ବସ୍ତିରେ ରହି ଚୋରି କରୁଥିଲା । ତାଠାରୁ ୩ ହଜାର ଟଙ୍କା ଓ ୬ଟି ମୋବାଇଲ ଜବତ କରାଯାଇଛି ।
ସୂଚନାଯୋଗ୍ୟଯେ, ଖଣ୍ଡଗିରି ଥାନା ଅଧିକାରୀ ଅଭିମନୁ୍ୟ ଦାସଙ୍କ ନିଦେ୍ର୍ଦଶ କ୍ରମେ ଥାନାର ଟିମ ନିଜ ଅଞ୍ଚଳରେ ପାଟ୍ରୋଲିଂ ଚଳାଇଥିଲେ । ଏହି ସମୟରେ ସୁବାଷ ନଗର ବସ୍ତି ନିକଟ ହନୁମାନ ମନ୍ଦିର ନିକଟରେ ୨ ଜଣ ଲୁଟେରା କିଛି ଚୋରା ମୋବାଇଲକୁ କିଛି ଲୋକଙ୍କୁ ସସ୍ତାରେ ବିକ୍ରି କରୁଥିବା ଖବର ପାଇଥିଲେ । ଖବର ପାଇ ପାଟ୍ରୋଲିଂ ଟିମ ଅଚାନକ ଚଢ଼ାଉ କରି ଜଣେ ଲୁଟେରାକୁ କାବୁ କରିବା ସହ ତାଠାରୁ ୬ଟି ଦାମି ମୋବାଇଲ ଓ ୩ ହଜାର ଟଙ୍କା ଜବତ କରାଯାଇଥିଲା । ପଚରା ଉଚରା ବେଳେ ଅଭିଯୁକ୍ତ ଜଣକ ବିଭିନ୍ନ ହଷ୍ଟେଲ ମାନଙ୍କରେ ପଶି ମୋବାଇଲ ଚୋରି କରୁଥିବା ପୁଲିସ ଆଗରେ ମାନିଛି । ପରେ ତାକୁ ଆଜି କୋର୍ଟ ଚାଲାଣ କରାଯାଇଛି ।
