ଶିକ୍ଷୟିତ୍ରୀଙ୍କୁ ଅବସରକାଳୀନ ସମ୍ବର୍ଦ୍ଧନା
Rasmita Behera
ବେତନଟୀ: ବଡ଼ସାହି ନିର୍ବାଚନ ମଣ୍ଡଳୀ ଅନ୍ତର୍ଗତ ପେନସନଭୁକ୍ତ ପ୍ରାଥମିକ ଶିକ୍ଷକ ସଂଘର ତିନିଜଣ ପ୍ରଧାନ ଶିକ୍ଷୟିତ୍ରୀଙ୍କୁ ଚାକିରିରୁ ଅବସରଜନିତ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଛି । ସେମାନେ ହେଲେ ପ୍ରତିଭା ମଂଜରୀ ମହାନ୍ତି, ସୁମତୀ ବଳା ଓ ସାଧନା ଦାଶ । ସ୍ଥାନୀୟ ଡାହିସାହି ପ୍ରାଥମିକ ବିଦ୍ୟାଳୟ ଠାରେ ଅନୁଷ୍ଠିତ ଏକ ବର୍ଣ୍ଣାଢ୍ୟ ଶିକ୍ଷକ ସମାବେଶରେ ରତିକାନ୍ତ ବେହେରା ସଭାପତିତ୍ୱ କରିଥିଲେ । ସଭାର ଉଦେ୍ଦଶ୍ୟ ଜ୍ଞାପନ ଓ ସଂଯୋଜନା କରିଥିଲେ ସଂପାଦକ ସଂଜୟ କୁମାର ଜେନା । ଏଥିରେ ସମ୍ମାନିତ ଅତିଥିଭାବେ ନିମ୍ନ ମାଧ୍ୟମିକ ରାଜ୍ୟ ନେତୃତ୍ୱ ସଚ୍ଚିଦାନନ୍ଦ ମହାନ୍ତି, ବରିଷ୍ଠ ପ୍ରାଥମିକ ଶିକ୍ଷକ ନେତୃବୃନ୍ଦ ରାଜେନ୍ଦ୍ର କୁମାର ଜେନା ଓ ଶିବପ୍ରସାଦ ମହାପାତ୍ର, ଧ୍ରୁବଚରଣ ଜେନା, କାର୍ତ୍ତିକ ଚନ୍ଦ୍ର ଜେନା ପ୍ରମୁଖ ବିଦାୟୀ ଶିକ୍ଷୟିତ୍ରୀଙ୍କ ସମ୍ବନ୍ଧରେ ଗୁଣଗାନ କରିଥିଲେ । ସଭାସ୍ଥଳରେ ଶିକ୍ଷକ ନେତା ରଜତ କୁମାର ବେହେରା, ଉଜ୍ଜଳ କୁମାର ସାହୁ ବିଦାୟୀ ଶିକ୍ଷକଙ୍କ ସମ୍ବନ୍ଧରେ ବ୍ୟକ୍ତବ୍ୟ ରଖିଥିଲେ । ଶିକ୍ଷକ ପ୍ରଫୁଲ୍ଲ ଘୋଷ, ଚିତ୍ତରଂଜନ ଗିରି, ମୋହନ ସୁନ୍ଦର ମହାନ୍ତ ଆଦି ଉପସ୍ଥିତ ଥିଲେ । ବିଦାୟୀ ଶିକ୍ଷୟିତ୍ରୀଗଣଙ୍କୁ ମାନପତ୍ର, ଉପଢୌକାନ ଓ ପୁଷ୍ପଗୁଚ୍ଛ ପ୍ରଦାନ କରାଯାଇଥିଲା । ସଭା ପୂର୍ବରୁ ବିଇଓ ତାଙ୍କ କାର୍ଯ୍ୟାଳୟ ଠାରେ ତିନିଜଣ ଶିକ୍ଷୟିତ୍ରୀଙ୍କୁ ଅବସର ସମ୍ବର୍ଦ୍ଧିତ ବିଭିନ୍ନ କାଗଜପତ୍ର ହସ୍ତାନ୍ତର କରିଥିଲେ । ସଭା ଶେଷରେ ଶ୍ରୀକୃଷ୍ଣ ମହାନ୍ତ ଧନ୍ୟବାଦ ଅର୍ପଣ କରିଥିଲେ ।
