ଶୀତ ମହୋତ୍ସବ ଉଦ୍ୟାପିତ
Rasmita Behera
ସମ୍ୱଲପୁର ସ୍ଥାନୀୟ ଅଇଁଠାପାଲି ପିଏଚଡ଼ି ପଡିଆଠାରେ ଆୟୋଜିତ ଦଶ ଦିବସୀୟ ଶୀତ ମହୋସôବ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସହ ଆତଶବାଜୀରେ ଉଦଯାପିତ ହୋଇଛି । ଉଦଯାପନୀ ସନ୍ଧ୍ୟାରେ ନାଟ୍ୟକାର ଦ୍ୱାରିକା ନାଥ ନାୟକ ଯୋଗ ଦେଇ କଳାକାର ଓ ଆୟୋଜକଙ୍କୁ ଉସôାହିତ କରିଥିଲେ । ସାଂସ୍କୃତିକ ସନ୍ଧ୍ୟାରେ ପ୍ରଥମେ ଅଳକା ମିଶ୍ର ଝୁଲି ଝୁଲି ଝୁଲି ମାଁ ଝୁଲି ...ଆଦି ଗୀତ ଗାନ କରି ଲୋକଙ୍କୁ ମନ୍ତ୍ରମୁଗ୍ଧ କରିଥିଲା । ରୁଦ୍ରାଂଶ ଆହ୍ୱାନ ସିଂଦେଓ ହନୁମାନ ଚାଳିଶା ପାଠ କରିଥିଲେ । ଗୀତ ଗାନ କରି ଶୀତୁଆ ରାତିରେ ଦର୍ଶକଙ୍କୁ ବାନ୍ଧି ରଖିଥିଲେ । ପ୍ରଣତି ଚକ୍ରବର୍ତ୍ତୀ ଓ ହମିଦ ରହେମାନ୍ ଦ୍ୱେତ ସଙ୍ଗୀତ ଗାନ କରିଥିଲେ । ଅଙ୍କନ ଡ୍ୟାନ୍ସ ଅଫ ଏକାଡେମୀ ଶିଶୁ କଳାକାରମାନେ ସମ୍ବଲପୁରୀ ନୃତ୍ୟ ପରିବେଷଣ କରିଥିଲେ । ଦିବ୍ୟାଂଶ ପ୍ରସାଦ ମର୍ଡନ ନୃତ୍ୟ ପରିବେଷଣ କରିଥିଲେ । ଗୁରୁ ନାନକ ପବ୍ଲିକ ସ୍କୁଲ ଛାତ୍ରଛାତ୍ରୀ ମାନେ ଭାଙ୍ଗଡା ନୃତ୍ୟ କରି ସମସ୍ତଙ୍କୁ ବିମୋହିତ କରିଥିଲେ । ନିର୍ବାଣ ନୃତ୍ୟ ଦଳ ଜଗତ ଜଲ୍ ପାୟମ ଗୀତରେ ନୃତ୍ୟ ପରିବେଷଣ କରିଥିଲେ । ସୂଚନାଯୋଗ୍ୟ, ଏହି ମହୋସôବ ଗତ ୧ ତାରିଖରୁ ଆରମ୍ଭ ହେଇଥିଲା । ପ୍ରତ୍ୟହ ସନ୍ଧ୍ୟାରେ ବିବିଧ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସେହିପରି ଶତାଧିକ ଷ୍ଟଲ୍ ଏବଂ ମିନାବଜାର ସହିତ ଦର୍ଶକ ମାନେ ସାଂସ୍କୃତିକ କାର୍ଯ୍ୟକ୍ରମ ଦେଖିଥିଲେ ।
