ପାକର ଦାବି : ୭ ସହରରେ ‘ସିନ୍ଦୂର’ ପ୍ରହାର
Rasmita Behera
4624
ନୂଆଦିଲ୍ଲୀ : ଭାରତ ଉପରେ ଆକ୍ରମଣ ପାଇଁ ପାକ୍ ୪୮ ଘଣ୍ଟାର ଯୋଜନା କରିଥିଲା । ହେଲେ ୮ ଘଣ୍ଟାରେ ପାକ୍ର ଯୋଜନା ପଣ୍ଡ ହୋଇଯାଇଥିଲା । ସିଡ଼ିଏସ ଅନୀଲ ଚୌହ୍ୱାନ ଏହାର ରହସ୍ୟ ଭେଦ କରିଛନ୍ତି । ବହୁ ଦୂରରୁ ଭାରତର ଆକ୍ରମଣ ଫଳରେ ପାକର ବହୁ କ୍ଷତି ଘଟିଥିଲା । ଯଦି ଏହା ଆଉ କିଛି ସମୟ ଚାଲେ ତେବେ ପାକ ଆହୁରି କ୍ଷତି ସହିବ ବୋଲି ଭାବିଥିଲା । ସେଥିପାଇଁ ଆଲୋଚନା ନିମନ୍ତେ ନିଜ ଆଡୁ ଫୋନ୍ କରିଥିଲା ବୋଲି ସିଡ଼ିଏସ ଶ୍ରୀ ଚୌହ୍ୱାନ କହିଛନ୍ତି । ପୁନେ ବିଶ୍ୱବିଦ୍ୟାଳୟରେ ସେ କହିଛନ୍ତିଯେ, ମେ’ ୧୦ ତାରିଖ ରାତି ଗୋଟାଏ ବେଳକୁ ସେମାନେ ଭାରତ ଉପରେ ୪୮ ଘଣ୍ଟାର ଆକ୍ରମଣ ଯୋଜନା କରିଥିଲେ । ଆମେ ପାକର ଆତଙ୍କୀ ଆଡ୍ଡା ଉପରେ ଆକ୍ରମଣ କରିଥିବାବେଳେ ସେମାନେ କିନ୍ତୁ ଭାରତ ଉପରେ ଆକ୍ରମଣ ପାଇଁ ଚାହୁଁଥିଲେ । ମେ’ ୭ରେ ଆକ୍ରମଣ ପରେୂ ଭାରତ ଏନେଇ ପାକକୁ ସୂଚନା ବି ଦେଇଥିଲା । ଯଦି ପାକ୍ ଆକ୍ରମଣ କରିବେ ଭାରତ ମଧ୍ୟ ପ୍ରତିଜବାବ ଦେବବୋଲି ଚେତାବନୀ ଦିଆଯାଇଥିଲା ।
