ଏଭରେଷ୍ଟ ବେସ୍ କ୍ୟାମ୍ପରେ ବିସିଏସି ବିଜୟୀ
Rasmita Behera
ଭୁବନେଶ୍ୱର : ନିଷ୍ଠା, ଗର୍ବ ଏବଂ ଦେଶପ୍ରେମର ଏକ ଯାତ୍ରା । ଭୁବନେଶ୍ୱର ସାଇକେଲିଂ ଏବଂ ଆଡଭେଞ୍ଚର କ୍ଲବର ୧୧ ଜଣ ସାହସୀ ହୃଦୟ ଅବିରତ ବର୍ଷା, କଠିନ ପଥ ଏବଂ ପତଳା ପବନ ମଧ୍ୟ ଦେଇ ବିଶ୍ୱର ସର୍ବୋଚ ଶିଖରର ପାଦଦେଶରେ ପଦଯାତ୍ରା କରିଥିଲେ । ମୁଷଳ ବର୍ଷା ସତ୍ତ୍ୱେ, ଦଳ ଏଭରେଷ୍ଟ ବେସ୍ କ୍ୟାମ୍ପରେ ଦୃଢ଼ ଭାବରେ ଠିଆ ହୋଇଥିଲା ଏବଂ ହିମାଳୟର ହୃଦୟରେ ପ୍ରତିଧ୍ୱନିତ ହେଉଥିବା ଆମର ଜାତୀୟ ସଙ୍ଗୀତ ଜନ ଗଣ ମନ ଗାନ କରିଥିଲା । ଏହି ମୁହୂର୍ତ୍ତକୁ ଆମେ କେହି କେବେ ଭୁଲିପାରିବୁ ନାହିଁ - ଗୋଷ୍ଠୀର ସର୍ବକନିଷ୍ଠ ସଦସ୍ୟ ବିଶ୍ୱସୀମା ମହାନ୍ତି କହିଛନ୍ତି । ଦଳଟି ଲୁକ୍ଲାରୁ ଟ୍ରେକ୍ ଆରମ୍ଭ କରିଥିଲା ଏବଂ ନାମଚେ ବଜାର, ଟେଙ୍ଗବୋଚେ, ଡିଙ୍ଗବୋଚେ, ଲୋବୁଚେ ଦେଇ ପ୍ରାୟ ୬୫ କିଲୋମିଟର ରାସ୍ତା ଅତିକ୍ରମ କରି ୬ ଦିନରେ ୫୪୦୦ ମିଟର ଉଚତାରେ ଏଭରେଷ୍ଟ ବେସ୍ କ୍ୟାମ୍ପରେ ପହଞ୍ଚିଥିଲା । ସଞ୍ଜୀବ ପଣ୍ଡା, ଏଡ଼ିଜି ଏବଂ ବିସିଏସିର ସଭାପତି ସମସ୍ତ ଅଂଶ ଗ୍ରହଣକାରୀଙ୍କୁ ଏଭରେଷ୍ଟ ବେସ୍ କ୍ୟାମ୍ପକୁ ସଫଳତାର ସହ ଟ୍ରେକିଂ କରିବା ପାଇଁ ଅଭିନନ୍ଦନ ଜଣାଇଛନ୍ତି ।
ଡକ୍ଟର କାଦମ୍ବିନୀ ପରିଡା ଏକ ସୁନ୍ଦର ସମ୍ବଲପୁରୀ ଶାଢ଼ି ପିନ୍ଧି ପ୍ରତୀକାତ୍ମକ ମୁହୂର୍ତ୍ତ ଗୁଡ଼ିକୁ କଏଦ କରି ପରମ୍ପରାକୁ ଶୀର୍ଷରେ ପହଞ୍ଚାଇଛନ୍ତି । ଦଳର ନେତୃତ୍ୱ ନେଉଛନ୍ତି ଅଜୟ କୁମାର ନନ୍ଦ, ସଚିବ ବିସିଏସି । ଦଳର ସଦସ୍ୟମାନେ ହେଉଛନ୍ତି ସୌମ୍ୟରଞ୍ଜନ ବିଶ୍ୱାଲ, ରାଜ କୁମାର ଗୁଣ୍ୱୋତ, ଲୀନା ସାହୁ, ରମେଶ ସାହୁ, ଡକ୍ଟର କାଦମ୍ବିନୀ ପରିଡା, ଡକ୍ଟର ଅଖୟ ସାହୁ, ବିଭାବସୁ ଦାଶ, ବିଶ୍ୱସୀମା ମହାନ୍ତି, ଅଜିତ ପଣ୍ଡା, ଅଶୋକ ସେଟ୍ଟୀ । ଏହା ସହଜ ନଥିଲା, ଟ୍ରେକିଂର ମାତ୍ର ଦୁଇ ଘଣ୍ଟା ପରେ ପ୍ରବଳ ବର୍ଷା ପ୍ରତ୍ୟେକ ପଦକ୍ଷେପକୁ, ବିଶେଷକରି ଫେରିବା ରାସ୍ତାରେ, ଚ୍ୟାଲେଞ୍ଜ କରିଥିଲା । କିନ୍ତୁ ଆମେ ସହ୍ୟ କରିଥିଲୁ ଏକାଠି । ବିସିଏସି ପୂର୍ବରୁ ମେଗା ସାଇକେଲିଂ ଟୁର୍ ମନାଲିରୁ ଲେହ ଖାଡୁଙ୍ଗଲା, ଭୁବନେଶ୍ୱରରୁ ଭୁଟାନ, କଟକରୁ କାଠମାଣ୍ଡୁ, ଭିଏତନାମରୁ କାମ୍ବୋଡିଆ ଭଳି ମେଗା ସାଇକେଲିଂ ଟୁର୍ ଆୟୋଜନ କରିଛି ।
