କଇଁଚିରେ ଭୁସି ଟେଲରଙ୍କୁ ହତ୍ୟା କଲା ଯୁବକ
Rasmita Behera
ାା ପ୍ରଭାନୁ୍ୟଜ୍ ।ା ଅନୁଗୁଳ: ସାମାନ୍ୟ ବଚସାରୁ ଟେଲରଙ୍କୁ ବାରମ୍ବାର କଇଁଚିରେ ଭୂଷି ହତ୍ୟା କଲା ଯୁବକ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଅନୁଗୁଳ ଜିଲ୍ଲାର ବଅଁରପାଳ ଥାନା ଅଞ୍ଚଳରେ ।
ସୂଚନା ଅନୁଯାୟୀ ବଅଁରପାଳ କଲେଜ ନିକଟରେ ଥିବା ଏକ ଦୁଇମହଲା ଘରେ ଜଣେ ବ୍ୟକ୍ତି ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ପଡିଥିବା ବଅଁରପାଳ ପୁଲିସକୁ ଖବର ମିଳିଥିଲା । ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି କ୍ଷତାକ୍ତ ବ୍ୟକ୍ତିଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିସôାଳୟରେ ଭର୍ତ୍ତି କରିଥିଲା । ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ବ୍ୟକ୍ତି ଜଣଙ୍କ ହେଲେ ଯାଜପୁରରୋଡ ଅଞ୍ଚଳର ମଧୁସୁଦନ ନାୟକ । ମଧୁସୂଦନ କିଛି ବର୍ଷ ହେଲା ବଅଁରପାଳ କଲେଜ ନିକଟରେ ରହି ଟେଲର କାମ କରୁଥିଲେ । ଗତକାଲି ଦ୍ୱିପ୍ରହରରେ ମଧୁସୁଦନକୁ କେହି କଇଁଚିରେ ଭୂଷି ଦେଇଥିବା ନେଇ ପୁଲିସ ଖବର ପାଇବା ପରେ ଘଟଣା ସ୍ଥଳରେ ପହଞ୍ଚିଥିଲା । ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ମଧୁସୁଦନ ପଡି ଥିବା ଦେଖି ସଙ୍ଗେ ସଙ୍ଗେ ପୁଲିସ ଗାଡି ଯୋଗେ ଜିଲ୍ଲା ମୁଖ୍ୟ ଚିକିସôାଳୟ ଆଣିଥିଲେ । ଏ ପଟେ ପୋଲିସ ତଦନ୍ତ କରି ମଧୁସୁଦନଙ୍କୁ କଇଁଚି ଭୂଷିଥିବା ଯୁବକ କମଳ ଲୋଚନ ବେହେରାଙ୍କୁ ବଅଁରପାଳ ଥାନାରେ ଅଟକ ରଖି ପଚରାଉଚରା କରୁଛି । ସୂଚନା ଅନୁସାରେ କମଳ ମଧ୍ୟ ଜଣେ ଟେଲର ହୋଇଥିବା ବେଳେ କୌଣସି କାରଣରୁ ଆଜି ଉଭୟଙ୍କ ମଧ୍ୟରେ ବଚସା ହୋଇଥିଲା । ଉତ୍ତ୍ୟକ୍ତ ହୋଇ କମଳ ଏକ କଇଁଚିରେ ମଧୁସୂଦନଙ୍କ ପେଟ, ପିଠି ଓ ଛାତିକୁ ବାରମ୍ବାର ଆକ୍ରମଣ କରିଥିଲେ । ଫଳରେ ମଧୁସୂଦନଙ୍କ ମୃତୁ୍ୟ ହୋଇଥିଲା । ଯାଜପୁରରୋଡରେ ରହୁଥିବା ମୃତକଙ୍କ ପରିବାରକୁ ସୂଚନା ଦେଇ ଶବ ବ୍ୟବଚ୍ଛେଦ ପାଇଁ ମୃତ ଶରୀରକୁ ଶବ ବ୍ୟବଚ୍ଛେଦ ଗୃହକୁ ପଠାଇ ପୁଲିସ ଅଧିକ ତଦନ୍ତ କରୁଛି ।
