ଗଞ୍ଜେଇ ଗଛ ନଷ୍ଟ କଲା ଚିତ୍ରକୋଣ୍ଡା ପୁଲିସ
Rasmita Behera
4172
ମାଲକାନଗିରି: ଚିତ୍ରକୋଣ୍ଡା ପୋଲିସ, ଅବକାରୀ ବିଭାଗ, ଡିଭିଏଫର ମିଳିତ ଚଢଉରେ ଚିତ୍ରକୋଣ୍ଡା ବ୍ଲକ ବଡପଦର ପଞ୍ଚାୟତର କନ୍ଧଗୁଡ଼ା ଅଞ୍ଚଳରେ ବ୍ୟାପକ ପରିମାଣର ଗଞ୍ଜେଇ ଗଛକୁ ନଷ୍ଟ କରାଯାଇଛି । ଚିତ୍ରକୋଣ୍ଡା ଆଇଆଇସି ମୁକୁନ୍ଦ ମେଲକାଙ୍କ ଠାରୁ ମିଳିଥିବା ସୂଚନା ଅନୁଯାୟୀ ବଡପଦର ପଞ୍ଚାୟତ ଅନ୍ତର୍ଗତ କନ୍ଧଗୁଡା ଗ୍ରାମ ପାଖରେ ଥିବା ଜଙ୍ଗଲ ଓ ପାହାଡ ଅଞ୍ଚାଳରେ ବେଆଇନ ଭାବେ ୩୫ ଏକର ଜମିରେ ଚାଷ କରାଯାଇଥିବା ପ୍ରାୟ ୫୫,୦୦୦ ରୁ ଉର୍ଦ୍ଧ୍ୱ ଗଞ୍ଜେଇ ଗଛ କୁ କାଟି ନଷ୍ଟ କରିଛନ୍ତି ମାଲକାନଗିରି ଜିଲ୍ଲା ପୋଲିସ । ଆଉ କିଛି ଦିନ ଗଲେ ଗଞ୍ଜେଇ ଅମଳ ହୋଇଥାନ୍ତା । ଏହି ଗଞ୍ଜେଇ ଗଛ ନଷ୍ଟ କରିବା ଟିମ୍ର ନେତୃତ୍ୱ ନେଇଥିଲେ ଚିତ୍ରକୋଣ୍ଡା ଆଇ ଆଇ ସି ମୁକୁନ୍ଦ ମେଲକା । ଆଗାମୀ ଦିନରେ ମଧ୍ୟ ଏହିପରି ଚଢ଼ାଉ ଜାରି ରହିବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଏହି ଚଢାଉ ସମୟରେ ଏକ୍ସିକୁ୍ୟଟିଭ ମାଜିଷ୍ଟ୍ରେଟ ଭାବରେ ଚିତ୍ରକୋଣ୍ଡା ଅତିରିକ୍ତ ତହସିଲଦାର ପ୍ରଶାନ୍ତ ଭତ୍ରା ଉପସ୍ଥିତ ଥିଲେ ।
