ଚୋରି ମୋବାଇଲ ଫେରି ପାଇଲେ ମାଲିକ
Rasmita Behera
ନବରଙ୍ଗପୁର : ବିଭିନ୍ନ ସମୟରେରେ ଚୋରୀ ଏବଂ ହଜିଯାଇଥିବା ୪୪ ମୋବାଇଲକୁ ଠାବ କରିଛି ପୁଲିସ । ଯାହାକୁ ନେଇଁ ନବରଙ୍ଗପୁର ପୁଲିସ ସାମ୍ବାଦିକ ସମ୍ମିଳନୀ ଆୟୋଜିତ କରି ପ୍ରକୃତ ମାଲିକକୁ ମୋବାଇଲ ଫେରାଇଛି । ନବରଙ୍ଗପୁର ଏସ ପି ଅଫିସ ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ୩୩ ଜଣ ମୋବାଇଲ ମାଲିକ ନିଜ ନିଜ ମୋବାଇଲ ଫେରିପାଇଛନ୍ତି । ବିଭିନ୍ନ ସମୟରେ ନବରଙ୍ଗପୁର ଜିଲ୍ଲାର ଅନେକ ଥାନାରେ ମୋବାଇଲ ଚୋରି ହୋଇଯାଇଥିବା କିମ୍ବା ହଜିଯାଇଥିବା ନେଇ ଅଭିଯୋଗ ହୋଇଥିଲା । ତେବେ, ଏନେଇ ନବରଙ୍ଗପୁର ପୋଲିସ ତଦନ୍ତ କରି ଅଭିଯୋଗ ଆଧାରରେ ୪୪ଟି ମୋବାଇଲ ଉଦ୍ଧାର କରିଥିଲା ଏବଂ ଆଜି ଏକ ସ୍ୱତନ୍ତ୍ର କାର୍ଯ୍ୟକ୍ରମ କରି ନବରଙ୍ଗପୁର ଏସ୍ପି ମିହିର କୁମାର ପଣ୍ଡା ମୋବାଇଲର ପ୍ରକୃତ ମାଲିକଙ୍କୁ ଫେରାଇଛନ୍ତି । ମୋବାଇଲ ଆଜିର ଦୈନନ୍ଦିନ ଜୀବନ ରେ ଏକ ଅପରିହାର୍ଯ୍ୟ ବସ୍ତୁ ପାଲଟି ଯାଇଥିବା ବେଳେ ସେମାନଙ୍କ ମୋବାଇଲ ଫେରି ପାଇ ଖୁସି ବ୍ୟକ୍ତ କରିଛନ୍ତି ସମସ୍ତ ମୋବାଇଲ ମାଲିକ । ଏଥିସହ ପୁଲିସର ଏଭଳି କାର୍ଯ୍ୟକୁ ସାଧୁବାଦ ଜଣାଇଛନ୍ତି ।
