ଦିବ୍ୟାଙ୍ଗଙ୍କୁ ନେଇ ସଚେତନତା କାର୍ଯ୍ୟକ୍ରମ
Rasmita Behera
ଜଟଣୀ: ଭିନ୍ନକ୍ଷମ ବ୍ୟକ୍ତିଙ୍କ ଆବଶ୍ୟକତା ଏବଂ ରେଳବାଇ ଦ୍ୱାରା ତାଙ୍କ ପାଇଁ ପ୍ରଦାନ କରାଯାଇଥିବା ବିଭିନ୍ନ ସୁବିଧା ଉପରେ, ଫ୍ରଣ୍ଟଲାଇନ କର୍ମଚାରୀମାନେ ସମ୍ବେଦନଶୀଳ ହୋଇଛନ୍ତି । ଏହି ମର୍ମରେ ଖୋର୍ଦ୍ଧାରୋଡ ମଣ୍ଡଳ ପକ୍ଷରୁ ଟ୍ରାଫିକ୍ କଲୋନୀ ସ୍ଥିତ କଲ୍ୟାଣ ମଣ୍ଡପରେ ଭିନ୍ନକ୍ଷମ ବ୍ୟକ୍ତିଙ୍କ ସହ କାରବାର କରିବା ପାଇଁ ଫ୍ରଣ୍ଟଲାଇନ କର୍ମଚାରୀଙ୍କ ପାଇଁ ଏକ ସମ୍ବେଦନଶୀଳ ତାଲିମ କାର୍ଯ୍ୟକ୍ରମ ଆୟୋଜନ କରଯାଇଛି । ତାଲିମ କାର୍ଯ୍ୟକ୍ରମରେ ରେଲୱେ ସୁରକ୍ଷା ବଳ, ଟିକେଟ୍ ଯାଞ୍ଚ କର୍ମଚାରୀ, ଅପରେଟିଂ ବିଭାଗ କର୍ମଚାରୀ ଏବଂ ଖୋର୍ଦ୍ଧାରୋଡ଼ ମଣ୍ଡଳର ଦିବ୍ୟାଙ୍ଗ କର୍ମଚାରୀ ଅଂଶଗ୍ରହଣ କରିଥିଲେ । ଏଥିରେ ସାମାଜିକ ସୁରକ୍ଷା ଏବଂ ଭିନ୍ନକ୍ଷମଙ୍କ ସଶକ୍ତିକରଣ ବିଭାଗ, ଓଡ଼ିଶା ସରକାରର ଉପ ସଚିବ ସନ୍ୟାସୀ ବେହେରା କାର୍ଯ୍ୟକ୍ରମରେ ବକ୍ତା ଭାବେ ଅଂଶଗ୍ରହଣ କରିଥିଲେ । ସାଇନ୍ ଭାଷା ଅନୁବାଦକ ପ୍ରସାନ୍ତ ପ୍ରଧାନ ଦିବ୍ୟାଙ୍ଗ କର୍ମଚାରୀଙ୍କ ପାଇଁ ସଙ୍କେତ ଭାଷାରେ ଅଧ୍ୟାପନା କରିଥିଲେ । ବକ୍ତା ଶ୍ରୀ ବେହେରା ବର୍ଣ୍ଣନା କରିଛନ୍ତି ଯେ ଉପଲବ୍ଧତା ଏକ ମୌଳିକ ଅଧିକାର ଏବଂ ଦିବ୍ୟାଙ୍ଗ ପାଇଁ ପ୍ରତିବନ୍ଧକ ମୁକ୍ତ ପରିବେଶ ରହିବା ଉଚିତ । ଭିନ୍ନକ୍ଷମଙ୍କ ଅଧିକାର ଅଧିନିୟମ ଆରପିଡବ୍ଲୁ୍ୟଡି ୨୦୧୬ ଅଧୀନରେ ଭିନ୍ନକ୍ଷମଙ୍କ ସମାନତା, ସମ୍ମାନ ଏବଂ ଅଖଣ୍ଡତା ପ୍ରତି ସମ୍ମାନର ଅଧିକାର ରହିଛି । ଭିନ୍ନକ୍ଷମ ବ୍ୟକ୍ତିଙ୍କ ପାଇଁ ସମାନ ସୁଯୋଗ ସୁନିଶ୍ଚିତ କରିବା, ନିରପେକ୍ଷ ଭାବରେ ଯାତ୍ରା କରିବା, ଭାରତୀୟ ରେଳବାଇ ଦ୍ୱାରା ପ୍ରଦାନ କରାଯାଇଥିବା ବିଭିନ୍ନ ସୁବିଧା ଉପରେ ଆଲୋଚନା କରାଯାଇଥିଲା । ଏହି କାର୍ଯ୍ୟକ୍ରମକୁ ଖୋର୍ଦ୍ଧାରୋଡ ମଣ୍ଡଳ କାର୍ମିକ ଅଧିକାରି ପ୍ରମୋଦ ବେହେରା ସଂଯୋଜନା କରିଥିଲେ ।
