ମଦପି ଝିଅକୁ ନିର୍ଯ୍ୟାତନା ସହ କୁକର୍ମ ଉଦ୍ୟମ ; ଅଭିଯୁକ୍ତ ଗିରଫ
Jitendra Sahu
ଭୁବନେଶ୍ୱର, ୦୫ା୬ : ରାତିରେ ମଦପି ୨୭ ବର୍ଷର ଝିଅକୁ ନିର୍ଯ୍ୟାତନା ଦେବା ସହ ତାଙ୍କ ସହ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରୁଥିବା ଓ ପରେ ଯୋର ଜବରଜସ୍ତ କୁକର୍ମ ଉଦ୍ୟମ କରିଥିବା ଅଭିଯୋଗ । ଅଭିଯୋଗ ପରେ ୧୫୭ରେ ମାମଲା ରୁଜୁକରି ତଦନ୍ତ ଚଳାଇ ପିସାଚ ବାପାକୁ ଗିରଫ କରିଛି ଏୟାରଫିଲ୍ଡ ଥାନା ପୁଲିସ । ପରେ ଦଫା ୩୪୧, ୩୨୩, ୨୯୪, ୩୫୪-ଏ/୩୦୭ ଆଇପିସିରୁ ଟର୍ମ କରି ଦଫା ୩୪୧, ୩୨୩, ୨୯୪, ୩୫୪-ଏ/୩୦୭/୫୦୯ରେ କୋର୍ଟ ଚାଲାଣ କରାଯାଇଛି । ଗିରଫ ଅଭିଯୁକ୍ତ ହେଲା, ସୁନ୍ଦରପଦା ମହାବୀର ସାହିର ଅରୁଣ କୁମାର ଜେନା ।
ସୂଚନାଯୋଗ୍ୟଯେ, ଅଭିଯୁକ୍ତ ଜଣକ ଅଭିଯୋଗକାରିଣୀଙ୍କ ବାପା ହୋଇଥିବା ବେଳେ, ଅଭିଯୋଗକାରିଣୀ ଝିଅ ନିଜ ଭାଇ ଓ ଭାଉଜ ଏବଂ ବାପାଙ୍କ ସହ ସୁନ୍ଦରପଦାରେ ଏକାଠି ରହି ଆସୁଥିଲେ । ଅଭିଯୁକ୍ତ ବାପା ହେଉଛି ପେଷାରେ ଜଣେ ଡ୍ରାଇଭର ଅଟେ । ସେ ନିୟମିତ ଭାବେ ନିଶାସକ୍ତ ଅବସ୍ଥାରେ ଘରକୁ ଫେରି ୨୭ ବର୍ଷର ଝିଅକୁ ଅଶ୍ରାଭ୍ୟ ଭାଷାରେ ଗାଳିଗୁଲଜ କରିବା ସହିତ ମାଡ଼ ମଧ୍ୟ ମାରୁଥିଲା । ସବୁଦିନ ଭଳି ଗତ ୨ ତାରିଖ ରାତିରେ ମଧ୍ୟ ଅଭିଯୁକ୍ତ ବାପା ନିଶାସକ୍ତ ଅବସ୍ଥାରେ ଘରକୁ ଫେରିବା ପରେ ଝିଅକୁ ଜୋର ଜବରଜସ୍ତ କୁକର୍ମ କରିବା ଲାଗି ପ୍ରୟାସ କରି ଅକୃତକାର୍ଯ୍ୟ ହେବା ପରେ ରାଗିଯାଇ ତାଙ୍କୁ ଝାଡୁ ଓ କଟୁରୀ ବେଣ୍ଟ ସାହାର୍ଯ୍ୟରେ ଆକ୍ରମଣ କରିବା ସହିତ ବେକକୁ ଚିପି ଧରି ଜୀବନରୁ ମାରିଦେବାକୁ ପ୍ରୟାସ କରିଥିଲେ । ଏହି ସମୟରେ ଅଭିଯୋଗକାରିଣୀ ଝିଅ ଓ ଅଭିଯୁକ୍ତ ବାପା ସହ ଧସ୍ତାଧସ୍ତି ହୋଇଥିଲା । ଯାହାଫଳରେ ଅଭିଯୋଗକାରିଣୀଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଥିଲା । ଏହି ସମୟରେ ଅଭିଯୋଗକାରିଣୀ ଝିଅ ଅଭିଯୁକ୍ତ ବାପା କବଳରୁ କୌଶଳ କ୍ରମେ ନିଜକୁ ବଞ୍ଚାଇ ନେଇ ସେଠାରୁ ଖସି ଆସିବା ସହିତ ଏୟାରଫିଲ୍ଡ ଥାନାରେ ଅଭିଯୋଗ କରିଥିଲେ । ଅଭିଯୋଗ ପରେ ପୁଲିସ ମାମଲା ରୁଜୁକରି ତଦନ୍ତ ଚଳାଇ ଆଜି ଅଭିଯୁକ୍ତକୁ ଗିରଫ କରାଯାଇଛି ।
