ଜିଲାପାଳଙ୍କ ଦ୍ୱାରା ‘ଆମ ପରିବେଶ ଆମ ହାତରେ’ ସିଡି ଉନ୍ମୋଚିତ
Rasmita Behera
ାା ପ୍ରଭାନୁ୍ୟଜ ।ା ଯାଜପୁର: ସୁସ୍ଥ-ସ୍ୱଚ୍ଛ-ସୁନ୍ଦର ପରିବେଶର ସୃଷ୍ଟି ଓ ସୁରକ୍ଷା ନିମନ୍ତେ ନଳିନୀ ପ୍ରଭା ଦାସ ଫାଉଣ୍ଡେସନଦ୍ୱାରା ପ୍ରସ୍ତୁତ"ଆମ ପରିବେଶ ଆମ ହାତରେ’ ସିଡି ଯାଜପୁର ଜିଲା ଜିଲାପାଳ ପି.ଅନ୍ୱେଷା ରେଡ୍ଡୀଙ୍କ ଦ୍ୱାରା ଉନ୍ମୋଚିତ ହୋଇଯାଇଛି । ସିଡିରେ ଥିବା ସମସ୍ତ ୮ଗୋଟି ଗୀତକୁ ଗୀତିକାର ତଥା ଶ୍ରୀବନ୍ତ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ନଳିନୀ ପ୍ରଭା ଦାସ ରଚନା କରିଥିବା ସ୍ଥଳେ ରାଷ୍ଟ୍ରପତି ପୁରସ୍କାରପ୍ରାପ୍ତ ସଂଗୀତ ନିର୍ଦେଶକ ଦିନେଶ କୁମାର ମଲ୍ଲିକ ଏଥିରେ ସଂଗୀତ ନିଦେ୍ର୍ଦଶନା ଦେଇଛନ୍ତି । ଗୀତ ଗୁଡିକରେ କଣ୍ଠଦାନ କରିଛନ୍ତି ଓଡ଼ିଶାର ସ୍ୱନାମଧନ୍ୟ କଣ୍ଠଶିଳ୍ପୀ ସୁଧାକର ମିଶ୍ର, ଏଞ୍ଜୋଳା ମିଶ୍ର ଏବଂ ଦିନେଶ କୁମାର ମଲ୍ଲିକ । ଦିନକୁ ଦିନ ପରିବେଶ ପ୍ରଦୂଷଣ ବୃଦ୍ଧି ପାଇବାରେ ଲାଗିଛି । ପରିବେଶକୁ ପ୍ରଦୂଷଣମୁକ୍ତ କରି ସ୍ୱଚ୍ଛ, ସୁନ୍ଦର ଓ ସୁରକ୍ଷିତ ରଖିବା ସମସ୍ତଙ୍କର ପ୍ରଥମ କର୍ତ୍ତବ୍ୟ । ଏଥିପାଇଁ ଗୀତ ମାଧ୍ୟମରେ ନଳିନୀ ପ୍ରଭା ଦାସ ଫାଉଣ୍ଡେସନ ପକ୍ଷରୁ ନିଆଯାଇଥିବା ପରିବେଶ ସଚେତନତାର ପଦକ୍ଷେପ ସବୁ ସ୍ଥଳରେ ଚର୍ଚ୍ଚାର ବିଷୟ ପାଲଟିଛି । ଗୀତଗୁଡିକର ପରିକଳ୍ପନା କରିଥିବା ଯାଜପୁର ଜିଲାପାଳ, ଫାଉଣ୍ଡେସନର ପ୍ରତିଷ୍ଠାତା ତଥା ସଭାପତି ନଳିନୀପ୍ରଭା ଏବଂ ସମ୍ପାଦକ ଦିନେଶ କୁମାରଙ୍କୁ ଉକ୍ତ ମହତ କାର୍ଯ୍ୟ ପାଇଁ ପ୍ରଶଂସା କରିଥିଲେ ।
