୬ ଟଙ୍କା ବଦଳରେ ଆଦାୟ ହେଉଥିଲା ୬୦ ଟଙ୍କା : ବିଜେଡ଼ି ନେତା ରାଜାଙ୍କୁ ଇଓଡବ୍ଳୁ୍ୟ ଜେରା
Rasmita Behera
ଭୁବନେଶ୍ୱର: କେନ୍ଦୁଝରର ବିଜେଡି ନେତା ରାଜା ଚକ୍ରଙ୍କୁ କ୍ରାଇମବ୍ରାଞ୍ଚ ଇଓଡବ୍ଲୁ୍ୟ ପକ୍ଷରୁ ଜେରା କରାଯାଇଛି । ଭୁବନେଶ୍ୱର ସ୍ଥିତ ଇଓଡବ୍ଲୁ୍ୟ ଅଫିସରେ ତାଙ୍କୁ ଦିନ ୧୧ଟାରୁ ଜେରା ଚାଲିଥିବା ସୂଚନା ମିଳିଛି । ଏହି ମାମଲାରେ ପୂର୍ବରୁ ଫେବୃୟାରୀ ୭ ତାରିଖରେ ମାନସ ରଞ୍ଜନ ବାରିକ ଓ ଉକôଳ ଦାସଙ୍କୁ ଇଓଡବ୍ଲୁ୍ୟ ଗିରଫ କରିଥିଲା । ସେହି ଲିଙ୍କରେ ରାଜା ଚକ୍ରଙ୍କୁ ଜେରା ହେଉଛି ।
ସୂଚନାଯୋଗ୍ୟଯେ, ଇଓଡବ୍ଳୁ୍ୟ ୫୦ କୋଟିର ଘୋଟଲାକୁ ନେଇ ଛାନଭିନ କରୁଥିଲା । ତେବେ ଆଳୁ ଖୋଳୁ ଖୋଳୁ ମହାଦେବ ବାହାରିଛନ୍ତି । ଏହି ଦୁର୍ନୀତିର ପରିମାଣ ୫ ଶହ କୋଟି ହେବବୋଲି ଇଓଡବ୍ଲୁ୍ୟ ଜାଣିବାକୁ ପାଇଛି । ଏହି ମାମଲାରେ ଦୁଇ ଜଣଙ୍କୁ ଗିରଫ କରାଯିବା ପରେ ଆଜି କେନ୍ଦୁଝରର ବିଜେଡି ନେତା ରାଜା ଚକ୍ରଙ୍କୁ ଜେରା କରାଯାଇଛି । ଗନ୍ଧମାର୍ଦ୍ଦନ ଲୋଡିଂ ଆଣ୍ଡ ଟ୍ରାନ୍ସପୋର୍ଟ କୋ-ଅପରେଟିଭ୍ ସୋସାଇଟି ନାଁରେ ଲୁଟ୍ ହେଉଥିବା ଅଭିଯୋଗ ହୋଇଥିଲା । ଆଇରନ୍ ଓର୍ ବୋଝେଇ ଟ୍ରକ ପିଛା ୬୦ ଟଙ୍କା ଆଦାୟ କରାଯାଉଥିଲା । ଏହି କୋ-ଅପରେଟିଭ୍ ସୋସାଇଟିର କାର୍ଯ୍ୟାଳୟ କେନ୍ଦୁଝରର ଶୁଆକାଟିରେ ରହିଛି । ଗୋଟିଏ ଟ୍ରକ ଠାରୁ ୬ ଟଙ୍କା ଆଦାୟର ବ୍ୟବସ୍ଥା ରହିଥିବା ବେଳେ, ଏମାନେ ୬୦ ଟଙ୍କା ଆଦାୟ କରୁଥିଲେ । ଏ ସଂପର୍କରେ କାଗଜପତ୍ରରେ କିଛି ଦେଖାଯାଉନଥିଲା । ଅଡିଟରେ ଦେଖାଯାଉନଥିଲା କି ଭାଉଚର ବି ହେଉନଥିଲା । ଓଡିଶା ଖଣି ନିଗମର ଖଣିକୁ ଏମାନେ ଟଙ୍କା ଖଣି ବୋଲି ଭାବୁଥିଲେ । ୨୦୧୭ରୁ ୨୦୨୪ ପର୍ଯ୍ୟନ୍ତ କୋଟି କୋଟି ଟଙ୍କା ଆଦାୟ କରିଛନ୍ତି ବିଜେଡି ନେତା । ତଦନ୍ତ ପରେ ଏବେ ସବୁ କଥା ସାମ୍ନାକୁ ଆସୁଛି । ରାଜା ଚକ୍ର ଏହି ମାମଲାରେ ହାଇକୋର୍ଟରୁ ଆଗୁଆ ଜାମିନ ପାଇଥିବା ଜଣାପଡିଛି ।
