ସ୍ତ୍ରୀକୁ ହତ୍ୟା କଲା ସ୍ୱାମୀ
Rasmita Behera
ସାରସକଣା: ସାମାନ୍ୟ କେଇଟା ଟଙ୍କା ପାଇଁ ସ୍ତ୍ରୀ କୁ ହତ୍ୟା କଲା ସ୍ୱାମୀ । ରାଗରେ ନିଜ ସ୍ତ୍ରୀକୁ କୁରାଢିରେ ନିର୍ଘାତ ପିଟିବାରୁ ଘଟଣା ସ୍ଥଳରେ ମୃତୁ୍ୟ ହୋଇଥିଲା ସ୍ତ୍ରୀର । ଏଭଳି ନିର୍ମମ ହତ୍ୟା ଘଟଣା ଘଟିଛି ମୟୂରଭଞ୍ଜ ଜିଲ୍ଲା ବାଙ୍ଗିରିପୋଷି ଥାନା ଅନ୍ତର୍ଗତ ବ୍ରାହ୍ମଣଗାଁ ପଞ୍ଚାୟତର କଦମଡିହା ଗ୍ରାମ ନିକଟରେ । ମୃତକ ମହିଳା ଜଣଙ୍କ ହେଉଛନ୍ତି ଶାଳଘାଟି ଗ୍ରାମର କୌଶଲ୍ୟା ଦେହୁରୀ (୩୫) । ହତ୍ୟାକାରୀ ସ୍ୱାମୀ ହେଉଛି ପଦନ ଦେହୁରୀ (୪୫) । ପ୍ରତ୍ୟେକ ଦିନ ପରି ଉଭୟ ସ୍ୱାମୀ ସ୍ତ୍ରୀ ଜଙ୍ଗଲରୁ କାଠ ଆଣି ବିକ୍ରି କରି ସାରିବା ପରେ, ଉଭୟ କୌଣସୀ କାର୍ଯ୍ୟକୁ ନେଇ ନିକଟସ୍ଥ କଦମଡିହା ଗ୍ରାମକୁ ଯାଇଥିବା ବେଳେ ସାମାନ୍ୟ କିଛିଟା ଟଙ୍କା ପାଇଁ ଦୁଇ ଜଣଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ସ୍ୱାମୀ ପଦନ ଧରିଥିବା ଏକ କୁରାଢିରେ କୌଶଲ୍ୟାକୁ ନିର୍ଘାତ ମାଡ଼ ମାରିବାରୁ ଘଟଣା ସ୍ଥଳରେ ହିଁ ସେ ଟଳି ପଡ଼ିଥିଲେ । ସ୍ତ୍ରୀର ମୃତୁ୍ୟ ପରେ ସ୍ୱାମୀ ଘଟଣା ସ୍ଥଳରେ ବସି ରହିଥିବା ବେଳେ ସ୍ଥାନୀୟ ଗ୍ରାମବାସୀ ତାଙ୍କୁ ଅଟକ ରଖି ପୁଲିସକୁ ଖବର ଦେଇଥିଲେ । ଟଙ୍କା ପାଇଁ ସ୍ତ୍ରୀ କୁ କୁରାଢ଼ୀରେ ହତ୍ୟା କାଟିଥିବା ସ୍ୱାମୀ ନିଜେ ସ୍ୱୀକାର କରିବା ସହିତ ନିଜକୁ ଆତ୍ମସମର୍ପଣ କରିଛି । ଘଟଣାସ୍ଥଳରେ ବାଙ୍ଗିରିପୋଷି ପୁଲିସ ଓ ସାଇଣ୍ଟିଫିକ ଟିମ ପହଞ୍ଚି ହତ୍ୟାକାରୀ ସ୍ୱାମୀକୁ ଗିରଫ କରିବା ସହ ଅଧିକ ତଦନ୍ତ ଜାରି ରଖିଛି ।
