ମର୍ମନ୍ତୁଦ ସଡକ ଦୁର୍ଘଟଣା, ୨ ମୃତ
Rasmita Behera
4007
କେନ୍ଦ୍ରାପଡା: ଅଳାବାଙ୍କ ଛକରେ ମର୍ମନ୍ତୁଦ ସଡକ ଦୁର୍ଘଟଣା । ଦୁଇ ବାଇକ୍ ଆରୋହୀଙ୍କ ଉପରେ ମାଡ଼ିଗଲା ଟ୍ୟାଙ୍କର । ତନ୍ମଧ୍ୟରୁ ଜଣେ ଜଗତ୍ସିଂହପୁର ଜିଲା କୁଜଙ୍ଗ ପଙ୍କପାଳ ଅଞ୍ଚଳର ଭବାନୀ ପ୍ରସାଦ ମହାପାତ୍ର ବୋଲି ଜଣାପଡ଼ିଛି ଏବଂ ଆଉଜଣଙ୍କ ପରିଚୟ ଅସ୍ପଷ୍ଟ ରହିଛି । ୫୩ ନମ୍ୱର ଜାତୀୟ ରାଜପଥ କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ଅଳାବାଙ୍କ ଛକରେ ଏଭଳି ଦୁର୍ଘଟଣା ଘଟିଛି ।
ସୂଚନା ମୁତାବକ, ଦୁଇ ବାଇକ୍ ଆରୋହୀ ୫୩ ନମ୍ଵର୍ ଜାତୀୟ ରାଜପଥ ଦେଇ ଯାତ୍ରା କରୁଥିଲେ । ଏହି ସମୟରେ ଅଳାବାଙ୍କ ଛକରେ ଏକ ଟ୍ୟାଙ୍କର ଦୁଇ ବାଇକ ଆରୋହୀଙ୍କ ଉପରେ ମାଡି ଯାଇଥିଲା । ଫଳରେ ଘଟଣାସ୍ଥଳରେ ହିଁ ଉଭୟ ବାଇକ ଚାଳକ ପ୍ରାଣ ହରାଇଥିଲେ । ଏହା ଦେଖି ତୁରନ୍ତ ସ୍ଥାନୀୟଲୋକେ କେନ୍ଦ୍ରାପଡ଼ା ସଦର ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଦ୍ୱୟ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ଚଳାଇଛି ପୋଲିସ ।
