କାରକୁ ଧକ୍କା ଦେଲା ଯାତ୍ରୀବାହୀ ବସ୍, ୨ ଗୁରୁତର
Rasmita Behera
ହିଞ୍ଜିିଳିକାଟୁ : ମଙ୍ଗଳବାର ସନ୍ଧ୍ୟାରେ ୫୯ନଂ ଜାତୀୟ ରାଜପଥ ତଥା ହିଞ୍ଜିିଳି ଥାନା ସୋମପୁର ଛକରେ କାର ପଛପଟକୁ ଏକ ଯାତ୍ରୀବାହୀ ବସ୍ ଧକ୍କା ଦେବାରୁ କାରରେ ଯାତ୍ରା କରୁଥିବା ୨ ଯାତ୍ରୀ ଗୁରୁତର ଆହତ ହୋଇଛନ୍ତି । ଆହତମାନଙ୍କ ପରିଚୟ ମିଳିପାରିନାହିଁ । ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଚିକିତ୍ସା ପାଇଁ ହିଞ୍ଜିିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିଲେ । ପ୍ରକାଶ ଯେ, ମଙ୍ଗଳବାର ସନ୍ଧ୍ୟାରେ ହିଞ୍ଜିିଳିକାଟୁ ଠାରୁ ବ୍ରହ୍ମପୁର ଅଭିମୁଖେ ଯାଉଥିବା ଏକ କାର (ଓଡି୦୭ ଏଏଫ ୪୩୩୩) ପଛପଟକୁ ସମଦିଗରେ ଯାଉଥିବା ଏକ ଘରୋଇ ଯାତ୍ରୀବାହୀ ବସ (ଓଡି୦୭ ଡବ୍ଳ୍ୟୁ ୪୧୭୩) ୫୯ନଂ ଜାତୀୟ ରାଜପଥ ହିଞ୍ଜିିଳି ଥାନା ସୋମପୁର ଛକରେ ଧକ୍କା ଦେଇଥିଲା । ଘଟଣା ପରେ ଉଭୟ ଗାଡି ·ଳକଙ୍କ ମଧ୍ୟରେ ବିବାଦ ଉପୁଜିଥିଲା । ଫଳରେ ଅଧଘଣ୍ଟା ଧରି ଗୁରୁତର ଟ୍ରାଫିକ ସମସ୍ୟା ସୃଷ୍ଟି ହୋଇଥିଲା । ଜାତୀୟ ରାଜପଥର ଉଭୟ ପ୍ୱାର୍ଶ୍ୱରେ ବହୁ ଯାନବାହାନ ଅଟକି ରହିଥିଲା । ଖବର ପାଇ ହିଞ୍ଜିିଳି ପୁଲିସ ଘଟଣା ସ୍ଥଳରେ ପହଞ୍ଚି ଟ୍ରାଫିକ ନିୟନ୍ତ୍ରଣ କରିଥିଲା । ପ୍ରକାଶ ଥାଉକି, ଶନିବାର ଭୋରରେ ସୋମପୁର ଛକ ନିକଟରେ ଦଣ୍ଡୁଆମାନଙ୍କୁ ନେଇ ଏକ ପିକଅପ ଭ୍ୟାନ ଓଲଟି ପଡିଥିଲା । ଉକ୍ତ ଦୁର୍ଘଟଣାରେ ୨ ଜଣ ଦଣ୍ଡଭୁକ୍ତାଙ୍କ ମୃତ୍ୟୁ ଘଟିଥିବା ବେଳେ ୧୫ ରୁ ଉଦ୍ଧ୍ୱର୍ ଦଣ୍ଡୁଆ ଗୁରୁତର ଭାବେ ଆହତ ହୋଇଥିଲେ । ସେହି ଦୁର୍ଘଟଣା ପରେ ସେହି ସ୍ଥାନରେ ଗତ ୨ଦିନ ମଧ୍ୟରେ ୧୦ ରୁ ଉଦ୍ଧ୍ୱର୍୍ ଛୋଟ ବଡ ଦୁର୍ଘଟଣା ଘଟିଥିବା ଲୋକେ କହିଛନ୍ତି । ସ୍ଥାନୀୟ ପୁଲିସ ପ୍ରଶାସନ ଏଥିପ୍ରତି ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ସ୍ଥାନୀୟ ଅଞ୍ଚଳର ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି ।
